మంచుపల్లకీ

మేము మర్చిపోలేదు... క్షమించలేదు.. - 2

2011-09-13T01:11:00.001-04:00

*** శ్రీ రామ ***

చాప్టర్ -2 : ప్రతీకారం

మొదటి భాగంలో బ్లాక్ సెప్టెంబర్ అనే టెర్రరిస్టు సంస్థ అమాయక ఇజ్రాయిలీ ఆటగాళ్ళ మీద చేసిన కిరాతకం గురించి తెలుసుకున్నాం.

గోల్డా మెయర్

తమ దేశ ఆటగాళ్ళని నిరాయుధులని చేసి దారుణంగా హింసించి, అమానుషం గా చంపివేసిన సంఘటన ఇజ్రాయిల్ దేశ ప్రజలని తీవ్రంగా కలచివేసింది. బాధ్యులయిన వారిని కఠినం గా శిక్షించాలని ప్రభుత్వం మీద వివిధవర్గాల నుండి వత్తిడి పెరిగింది. అయితే జరిగిన సంఘటనను అంతే సీరియస్ గా తీసుకున్న ప్రధానమంత్రి గోల్డా మెయర్ తన సొంత నాయకత్వం లో , మోస్సాద్ డైరెక్టర్ Zvi Zamir, డిఫెన్స్ మినిస్టర్ మోషే దయాన్ మొదలగు ప్రభుత్వ ఉన్నతాధికారులతో భవిష్యత్తు కార్యాచరణ రూపొందించడానికి "Committee X" అనే ఒక కమిటీ ఏర్పాటు చేసారు.

ఇలాంటి దారుణమయిన సంఘటనలు ఇకపై ముందు ముందు జరగకుండా ఉండాలంటే ఈ మ్యూనిచ్ హత్యాకాండకు ప్రత్యక్షంగా బాధ్యులైన ఆ బ్రతికున్న ముగ్గురు టెర్రరిస్టులతో పాటు వీరికి కావాల్సిన ఫండ్స్, ప్లాన్స్ సమకూర్చిన తెరవెనుక వ్యక్తులను, సంస్థలను ఎవరినీ వదలకూడదని ఈ కమిటి తీర్మానించింది. అంటే కసబ్ లా చావుకి తెగించి వచ్చిన ముష్కరులను మాత్రమే శిక్షించి సరిపెట్టేస్తే, ఈరోజు కసబ్ ని పంపినవారు రేపు ఇంకొకడిని పంపిస్తారు కదా అన్నది వాళ్ళ ఉద్దేశ్యం. అయితే శత్రుదేశం అండదండలతో వారి దేశాల్లో స్థావరం ఏర్పాటు చేసుకుని ఈ టెర్రరిస్టు కార్యకలాపాలు సాగిస్తున్న వారిని వెతికి పట్టుకుని ఇజ్రాయిల్ తీసుకొచ్చి శిక్షించడం జరిగే పని కాదు కనుక వాళ్ళు ఎక్కడ ఉంటే అక్కడికే దొంగచాటుగా వెళ్లి చంపాలని ఈ కమిటీ సలహా ఇచ్చింది. అయితే ఈ ప్రతిపాదన ప్రధానమంత్రి గోల్డా మెయర్ కి అంత నచ్చలేదు. అయితే దేశ ప్రజల నుండి, ప్రభుత్వ ఉన్నతాధికారుల నుండి వస్తున్న ఒత్తిడికి తలవంచి అయిష్టంగానే ఈ ఆపరేషన్ కి సమ్మతించింది.

అదే సమయంలో ఈ బ్లాక్ సెప్టెంబర్ టెర్రరిస్టులు జర్మనీకి చెందిన లుఫ్తాన్సా విమానం LH615 ని హైజాక్ చేసి ఆ మ్యూనిచ్ హత్యాకాండలో పాల్గొన్న తమ సహచరులను వెంటనే వదిలేయాలని డిమాండ్ విధించారు. ఈ డిమాండ్లను జర్మనీ మొదట అంగీకరించలేదు. అయితే తమ సంస్థ సభ్యులను విడుదల చేసేవరకు లుఫ్తాన్సా విమానాన్ని ల్యాండ్ అవనివ్వమని , తమ అనుమతి లేకుండా ల్యాండ్ చేస్తే విమానాన్ని పేల్చి వేస్తామని తేల్చి చెప్పడం తొ విధిలేని పరిస్తితులలొ ఆ ముగ్గుర్ బ్లాక్ సెప్టెంబర్ తీవ్రవాదులని జర్మని విడుదల చేసింది. తమ డిమాండ్లు నెరవేరాక ల్యాండ్ అవడానికి అనుమతించిన విమానం లొ అప్పటికి కేవలం ఒక్క నిముషం మాత్రమే ప్రయాణిచడానికి సరిపడా ఇంధనం మిగిలిందట.
అయితే ఈ తీవ్రవాదులను ఇజ్రాయిల్ తీసుకొచ్చి చట్టప్రకారం శిక్ష విధిద్దాం అని ఎదురు చూస్తున్న సమయంలో ఇలా వెస్ట్ జర్మనీ తీవ్రవాదులను వదిలి వెయ్యడంతో ప్రధానమంత్రి గోల్డా మెయర్ కి ఈ ఆపరేషన్ అమలు పరచడానికి తన మనసులో ఉన్న చిన్నపాటి సంశయం కూడా తొలగిపోయినట్టయింది.

Operation Wrath of God అని నామకరణం చేసిన అపరేషన్ లొ మొదటి టాస్క్ ఏమిటంటే... అసలు ఈ హత్యాకాండ వెనుక ఎవరున్నారు, ఏ ఏ టెర్రరిస్టు ఆర్గనైజేషన్స్ లీడర్లు ఏ విధం గా సపోర్ట్ చేసారు, ప్లాన్ ఎవరు చేసారు, డబ్బు ఎవరు సమకూర్చారు ఇలా ఒక లిస్టు తయారు చెయ్యడం. తమ మోస్సాద్ గూఢచారులు మరియు ఇతర ఐరోపా మితృ దేశాల గూఢచారి సంస్థల సహాయంతో తయారు చేసిన ఆ లిస్టులో 20 నుంచి 35 మంది బ్లాక్ సెప్టెంబర్ మరియు పిఎల్‌వొ సంస్థలకి చెందిన వివిధ స్థాయిల్లో ఉన్న నాయకులు ఉన్నారు. ఈ లిస్టు రెడీ అయ్యాక వీళ్ళు ప్రస్తుతం ఎక్కడ ఉంటున్నారు అన్నది కనిపెట్టడం రెండవ పని. అది ఇజ్రాయిల్ గూఢచారి సంస్థ అయిన మోస్సాద్ కి అప్పచెప్పారు. అమెరికాకి సిఐఏ, రష్యాకి కేజిబి లా మోస్సాద్ అనేది ఇజ్రాయిల్ యొక్క సీక్రెట్ సర్వీస్ ఏజెన్సీ అన్నమాట.

అయితే ఇక్కడ ఈ టెర్రరిస్టు నాయకులని శిక్షించేటప్పుడు మోస్సాద్ యొక్క లక్ష్యాలు ఏంటంటే...

ఎట్టి పరిస్థితులలోను ఆ టెర్రరిస్టు నాయకులని చంపడం వెనుక ఇజ్రాయిల్ హస్తం ఉందని సాక్ష్యాలు దొరకకూడదు...
చంపే విధానం టెర్రరిస్టులకు వణుకు పుట్టించే విధంగా ఉండాలి..
"తప్పు చేస్తే ప్రపంచంలో ఎక్కడ దాక్కున్నా మీరు మా నుండి తప్పించుకోలేరు.... మేము తలచుకుంటే ఎక్కడికి వచ్చి అయినా మిమ్మల్ని చంపగలం" అన్న మెసేజ్ బలంగా పంపడం...

వగైరా అన్నమాట...

ఆ మొస్సాద్ టార్గెట్ లిస్టులొని వ్యక్తులు ఎవరెవరు ఎక్కడ ఉంటున్నారో తెలిసాక వీళ్ళను చంపడానికి మోస్సాద్ ప్రత్యేకమయిన టీంలు తయారు చేసింది. పదిహేను మందితో కూడిన ఒక్కో టీంలో ఐదు విభాగాలు ఉండేవి..

పూర్తిగా శిక్షణ పొందిన ఇద్దరు మెయిన్ కిల్లర్స్,
వీళ్ళను చూసుకుంటూ వీరి వెనుకే అనుసరించే ఇంకో ఇద్దరు బ్యాకప్ కిల్లర్లు,
వీళ్ళు చంపడానికి వెళ్ళినప్పుడు ఆయా దేశాల్లో ఉండటానికి అవసరమయిన హోటల్స్, అపార్ట్మెంట్లు, అద్దె కార్లు వగైరా ఏర్పాట్లు చూడటానికి ఒక ఇద్దరు ఏజెంట్లు,
అప్పట్లో సెల్ ఫోన్ లు లేవు కాబట్టి కమ్యూనికేషన్ కోసం ఇద్దరు స్పెషలిస్ట్లు,
మిగతావారు చంపబోయే ఆ టెర్రరిస్టు నాయకుడి కదలికలు గమనించి ఫైనల్ ప్లాన్ తయారు చెయ్యడానికి మరియు తరువాత పారిపోవడానికి అవసరమయిన ఎస్కేప్ రూట్లు తయారు చేసే టీం అన్నమాట.

ప్రతీ ఆపరేషన్ ముందు ఈ టీం చంపడానికి కొన్ని గంటల ముందు చంపబోయే ఆ టెర్రరిస్టు నాయకుడి ఇంటికి ఒక ఫ్లవర్ బొకే తో ఈ మెసేజ్ పంపేవారు...

"A reminder we do not forget or forgive" ("మేము మరచిపోం.. క్షమించం..")

ఈ మ్యూనిచ్ హత్యాకాండ జరిగిన నలభై రోజుల తరువాత... ఇటలి లోని రోమ్ నగరంలొ పిఎల్‌వొ (పాలస్తినా లిబెరేషన్ ఆర్గనైజేషన్) కి ఇటలీ రెప్రజెంటేటివ్ గా పనిచేస్తూ మ్యూనిచ్ ఒలంపిక్ హత్యాకాండకు అండదండలు అందించాడని అనుమానిస్తున్న Abdel Wael Zwaiter డిన్నర్ ముగించుకుని తిరిగి తన నివాసానికి వస్తుండగా, రోడ్డుపక్కన నక్కిన ఇద్దరు ఏజెంట్ల చేతులలో హత్యకు గురయ్యాడు. హత్య చేసినవారు ఇతన్ని తుపాకితో పదకొండు సార్లు కాల్చారు... చనిపోయిన పదకొండు మంది ఇజ్రాయిలీ ఆటగాళ్లకి గుర్తుగా...

రెండో ప్రతీకార హత్య ప్యారిస్ లో జరిగింది... పిఎల్‌వొ ఫ్రాన్స్ రెప్రజెంటేటివ్ గా ఉన్న మహ్మద్ హంషారి ని పత్రికా విలేఖరిగా తనను తాను పరిచయం చేసుకున్న ఒక ఏజంట్ మాయమాటలు చెప్పి ఇంటినుండి బయటకు తీసుకెళ్లగా... అదే టైంలో ఇంకో ఇద్దరు ఏజెంట్లు అతని ఇంట్లోకి ప్రవేశించి ఫోన్ లో బాంబ్ అమర్చారు. ఇతను తిరిగి ఇంటికి వచ్చాక అతనికి ఫోన్ చేసి... ఫోన్ ఎత్తింది హంషారినే అని ధృవీకరించుకున్నాక... రిమోట్ తో ఆ బాంబు పేల్చివేసారు.

ఆ తరువాత బ్లాక్ సెప్టెంబర్ సైప్రస్స్ రెప్రజెంటేటివ్ ఆల్ బషీర్ తన మంచం కింద పెట్టిన బాంబు ప్రేలి మరణించగా, బ్లాక్ సెప్టెంబర్ తీవ్రవాదులకి అయుధాలు అందచెయ్యడం లొ కీలక పాత్రధారి "లా ప్రొఫెసర్ అల్ కుబైసి" పారిస్ రోడ్డు మీద ఏజంట్ల తుపాకి బుల్లెట్ల నుండి తప్పించుకోలేక పోయాడు.

తరువాతి టార్గెట్ లెబనాన్ లోని బీరుట్ నగరంలో అత్యంత కట్టుదిట్టమయిన భద్రత మధ్య ఉన్న పిఎల్‌వొ ఉన్నత అధికారులు... లెబనాన్ శత్రుదేశం కాబట్టి ఇంతకు ముందులా సులభంగా ఆ దేశం లోకి ప్రవేశించి వాళ్ళని చంపలేరు... అందుకే వీరి కోసం స్పెషల్ ఆపరేషన్ చేపట్టారు. ఏప్రిల్ 13, 1973 అర్ధరాత్రి అకస్మాత్తుగా చేపట్టిన ఆపరేషన్లో బాంబులు వేసి కొందరు పిఎల్‌వొ కీలక నేతలు మకాం ఉంటున్న భవంతిని బాంబులతో పేల్చివేయడం ద్వారా పలు తీవ్రవాద నేతల్ని మట్టుపెట్టారు. అప్పుడు ఆ ఆపరేషన్ పాల్గొన్న కమెండోలలో ఆ తరువాత ఇజ్రాయిల్ కి ప్రధాన మంత్రిగా పనిచేసిన Ehud Barak కూడా ఉన్నారు.

అలా కొన్ని ప్రతీకార హత్యలు జరిగాక... మోస్సాద్ మ్యూనిచ్ హత్యాకాండకి మాస్టర్ మైండ్ అని భావించే అలీ హసన్ సలేమా అనే బ్లాక్ సెప్టెంబర్ కీలక నేతపై దృష్టి సారించింది. ఒక సంవత్సరం ఇతని కోసం ప్రపంచం అంతా గాలించాక అతను నార్వేలో లిల్లి హామార్ అనే ఊళ్ళో హోటల్ వెయిటర్ గా పనిచేస్తున్నాడన్న సమాచారం అందింది. అక్కడకు చేరుకొని ఆపరేషన్ పూర్తి చేశాక మోస్సాద్ ఏజెంట్స్ కి ఆ వెయిటర్ తాము అనుకుంటున్న అలీ హసన్ కాదని, అతనొక అమాయక వ్యక్తి అని తెలుసుకున్నారు... అదే టైంలో ఈ ఆపరేషన్లో పాల్గొన్న ఏజంట్లు అందరూ నార్వే పోలీసులకి నాటకీయ ఫక్కీలో దొరికిపోయారు... అయితే ఒక రెండు సంవత్సరాల తరువాత వాళ్ళు బయటకు వచ్చేసారు కానీ... నార్వే లో జరిగిన పొరబాటుకు ప్రపంచ వ్యాప్తంగా వెల్లువెత్తిన నిరసనల వల్ల ఇజ్రాయిల్ ఈ ప్రతీకార ఆపరేషన్ని రద్దు చెయ్యాల్సి వచ్చింది. అయితే... అసలు ఆ అలీ హసన్ పోలికలు ఉన్న అమాయక వ్యక్తిని అలీ హసనే అని తప్పుడు సమాచారం అందించి, మోస్సాద్ ఏజెంట్లు ఆ అమాయకుడిని చంపాక వెంటనే నార్వే పొలీసులకి సమాచారం అందించి ఈ ఏజంట్లు దొరికిపోయేలా చెయ్యడం, అలాగే జరిగిన పొరబాటుని ప్రపంచం ముందు ఉంచడం ద్వారా... మిగతా దేశాల నుండి ఒత్తిడి తెప్పించి ఈ ఆపరేషన్ని రద్దు అయ్యేలా చెయ్యడం ఇదంతా స్వయంగా అలీ హసన్ పన్నిన కుట్రే!

1973 లో ఈ లిల్లి హెమర్ పొరబాటు వల్ల రద్దయిన మోస్సాద్ ఆపరేషన్ మళ్ళీ 1978 లో కొత్త ప్రధాని నాయకత్వంలో పునఃప్రారంభించబడింది... మళ్ళీ అలీ హసన్ గురించి ప్రపంచవ్యాప్తంగా అన్వేషణ మొదలయ్యి మొత్తానికి అతను లెబనాన్ లో తలదాచుకుంటున్నట్టు గుర్తించారు. బ్రిటిష్ , కెనడా పాస్‌పొర్ట్ లతొ లెబనాన్ లొ ప్రవేశించిన మొస్సాద్ ఏజెంట్లు అలీ హసన్ ఎక్కువగా సంచరించే వీదిలొనే ఒక అపార్ట్మెంట్ అద్దెకు తీసుకుని రెండు నెలల పాటు అతని కదలికలని బాగా గమనిస్తూ, అనువైన సమయం కొసం ఎదురు చూసి అఖరికి 1979 జనవరి 22 మధ్యాహ్నం కార్ బాంబు పేల్చి అతన్ని అంతమొందించారు. అలా కొన్నాళ్ళ వరకూ ఈ ప్రతీకార హత్యలు కొనసాగాయి కానీ మ్యూనిచ్ హత్యాకాండలో ప్రత్యక్షంగా పాల్గొన్న టెర్రరిస్టులలో మిగిలి ఉన్న ముగ్గుర్ని మోస్సాద్ ఏజెంట్లు చంపగాలిగారా లేదా అన్నది ఇప్పటికి ప్రశ్నే! ఈ ప్రతీకార హత్యలే కాకుండా కొంచెం అనుమానం ఉన్న హైర్యాంక్ లో ఉన్న పిఎల్‌వొ నాయకుల్ని నియంత్రించడానికి అనేకమయిన సైకలాజికల్ యుద్ధాలు కూడా మోస్సాద్ చేపట్టింది. అందులో వాళ్ళ పర్సనల్ సీక్రెట్స్ (ముఖ్యంగా చీకటి కోణాలు) సంపాదించి... పిఎల్‌వొ కి దూరంగా ఉండకపోతే ఆ సీక్రెట్స్ పబ్లిక్ లో పెడతాం అని బెదిరించడం లాంటివి కొన్ని...

అలా ఆ మ్యూనిచ్ హత్యాకాండకి బాధ్యులయిన వారిని వేటాడి చంపడం ఆ తరువాత ఇరవై సంవత్సరాల పాటు జరిగింది... అవును ఇరవై సంవత్సరాలే! ఎందుకంటే.... "they do not forget or forgive".

అయితే ఈ ప్రతీకారచర్యలు మధ్యప్రాచ్యంలో శాంతికి తోడ్పడ్డాయా? ఇలా దొంగతనంగా చంపడం సబబేనా.. నైతికంగా సరి అయినదేనా? ఇలా టెర్రరిస్టులను శిక్షించే క్రమంలో కొందరు అమాయకులు ప్రాణాలు కోల్పోయారు.. అది తప్పు కాదా? దీనివల్ల ఇజ్రాయిల్ సాధించింది ఏమిటి? ఇలా ఎన్నో ప్రశ్నలు ఉదయించాయి... అవును ఇది మధ్య ప్రాచ్యంలో శాంతి పెంపొందించలేదు.. కానీ వాళ్ళు అనుకున్నది సాధించారు.. తమ దేశప్రజలపై, అమాయక ఆటగాళ్ళపై భయానక దాడి చేసిన వారికి శిక్ష అమలు పరచడానికి ఎంతకయినా తెగిస్తాం అని నిరూపించారు.... పిరికిపందలుగా వచ్చి హత్యలు చేసి పరాయి దేశం చేరిపోతే చాలు అనుకునే వాళ్లకి మీరు ఎక్కడ ఉన్నా మేము మిమ్మల్ని వదిలే ప్రసక్తి లేదు అన్న మెసేజ్ బలంగా పంపించారు.

ఒక్కమాటలో చెప్పాలంటే టెర్రరిస్ట్లకే టెర్రర్ పుట్టించారు.

ఇక మన కమాండోలు పాకిస్తాన్ వెళ్లి మన దేశసమగ్రతను విచ్ఛిన్నం చెయ్యడానికి సర్వ విధాలా ప్రయత్నిస్తున్న ప్రతీ ఒక్కడిని ఆ మాటకొస్తే ఏ ఒక్కడినయినా ఇలా వేటాడి శిక్షించే రోజు వస్తుందంటారా? అమాయక ప్రజల్ని అత్యంత కిరాతకం గా చంపుతున్న వారిని పట్టుకొవడానికి ఇప్పటికిప్పుడు మనం అమెరికా వాడిలా కొట్లు కుమ్మరించి యుద్దానికి వెళ్లమని కొరడం లేదు.... అక్రమిత కాశ్మీర్ మీద దాడులు చేసి తీవ్రవాద ట్రైనింగ్ క్యాంపులు నాశనం చేస్తారన్న ఆశ అస్సలు లేదు. కఠినమైన కొత్త కొత్త చట్టాలు తెచ్చి తీవ్రవాదం అరికట్టడానికి ప్రయత్నించి మైనారిటీల మనొభావాలను కించపరచమని కొరడం లేదు. అడిగేదల్లా ఒక్కతే.. సాధారణ ప్రజల ప్రాణానికి కూడా కాస్త విలువ నివ్వమని.

చేతికి దొరికినా, వాళ్ళ నేరం నిరుపించబడ్డా, అత్యున్నత న్యాయస్థానం శిక్ష ఖరారు చేసాకా కూడా... స్వార్ధ ప్రయోజనాల కొసం వాళ్ళకా శిక్ష అమలుపరచలేని (అమలుపరచని) దొంగ వెధవలని మనం ఎన్నుకున్నంత కాలం అది అత్యాశేనంటారా?

మనపై జరిగిన అమానుషదాడిని " క్షమించడం ... మర్చిపొవడం.... " అన్నది .....

మొదటిసారి మన విశాల హృదయాన్ని, మంచితనాన్ని సూచిస్తే... రెండొసారినుండి అది మన చేతకానితనానికి చిహ్నం

జై హింద్

- మంచు

------------------------------------------------------------------------

గొల్లపూడి మారుతిరావ్ గారి వ్యాసం కూడా ఇక్కడ చదవగలరు.

అలాగే మ్యూనిచ్ మారణకాండ గురించి మరింత సమాచారం తెలుసుకోవాలనుకుంటున్నవారు... ఈ పుస్తకాలు, సినిమాలు చూడవచ్చు.
పుస్తకాలు
1. Simon Reevs రాసిన One Day in September: the full story of the 1972 Munich Olympics massacre and the Israeli revenge operation 'Wrath of God',
2. George Jonas రాసిన Vengeance: The True Story of an Israeli Counter-Terrorist Team
సినిమాలు
1. Sword of Gideon (HBO మూవీ) మరియు

2. స్టీవెన్ స్పెల్బెర్గ్ యొక్క Munich సినిమా

మేము మర్చిపోలేదు.. క్షమించలేదు!

2011-09-12T03:54:00.002-04:00

*** శ్రీ రామ ***

నాలుగు రోజుల క్రితం ఢిల్లీలో బాంబు ప్రేలుడు... 11 మంది మృతి... క్షతగాత్రులు రెండు వందలు పైమాటే... ఇప్పటికే చాలామంది ఈ సంఘటన మర్చిపోయే ఉంటారు.. ఈ రోజుల్లో అత్యంత సర్వసాధారణమైన ఇలాంటివాటిని ఎవరయినా ఎక్కువ కాలం ఎందుకు గుర్తుంచుకుంటారు చెప్పండి...

టెర్రరిస్టు దాడి చిన్నదయితే అంటే ఒక్కచోట మాత్రమే ప్రేలుడు సంభవించి మృతులు పదుల సంఖ్యలో ఉంటే, ఆ సంఘటన తాలూకు వివరాలు వార్తాప్రసారాల నుండి, మన మనసు నుండి కూడా ఒకటి రెండు రోజులలోనే తొలగిపోతాయి. అదే ఆ సంఘటన పెద్దదయితే అంటే ఏక కాలంలో అనేక చోట్ల ఈ ప్రేలుడు సంభవించి మృతుల సంఖ్య వందల సంఖ్యలో ఉన్నా, లేక ఆ పేలుళ్ళలో ఎవరైనా రాజకీయ ప్రముఖులు ఎఫెక్ట్ అయినా కొన్నాళ్లపాటు దేశమంతా హడావుడి ఉంటుంది.

ఇది పిరికిపందల చర్య అని రాజమాత ఇటలీ గాంధీ సెలవిస్తే .. ప్రజలంతా సంయమనం పాటించాలని, మనం అందరం ఐకమత్యం చూపించాల్సిన సమయం వచ్చిందని ముఖంలో ఏ ఫీలింగ్ బయటపడకుండా గంభీరంగా మన ప్రధానమంత్రి గారు పత్రికాప్రకటనలు విడుదల చేస్తారు. గంటగంటకి వేసుకున్న సూటు మళ్ళీ వేసుకోకుండా, మేకప్ చెరిగిపోకుండా కెమెరా ముందు ప్రకటనలు గుప్పించే హోమ్ మినిస్టర్లూ, "ఓలమ్మో ఇంత పెద్ద దేశంలో ఏ పక్క నుండి ఎవడు వచ్చి బాంబు విసురుతాడో తెలీదు, ఈ టెర్రరిస్టులను అదుపులో పెట్టడం అంత ఈజీ కాదు" అని వాపోయే హోమ్ మినిస్టర్లూ.. మనకి ఆదర్శప్రాయులయిన రాజకీయ నాయకులే! ...... అసలు ప్రపంచంలో టెర్రరిజం ఎక్కడ లేదు, అభివృద్ధి చెందిన దేశాలే ఈ టెర్రరిస్టుల దెబ్బకి విలవిలలాడుతుంటే ఇక మనమెంత అని తను భారతీయుడని చెప్పుకోవడానికి సిగ్గుపడే మన యూత్ ఐకాను, ఇస్లామిక్ టెర్రరిజంలో 'ఇస్లామిక్' అన్న మతపరమయిన రిఫరెన్స్ తీసేయ్యమని ఒక పక్క ప్రపంచం అంతా కోరుతుంటే, అది సరిపోనట్టు టెర్రరిజంకి కొత్త మతరంగులు పులిమే దిగ్విజయ్ లాంటి దగుల్బాజీలు మన ముందు బోల్డు మంది. మేముంటే ఏదో పొడిచేస్తాం, పోటా లాంటి కొత్త కొత్త చట్టాలు తెచ్చి టెర్రరిజాన్ని ఉక్కుపాదంతో అణిచేస్తాం అని చెప్పుకునే పార్టీలు కూడా గతంలో అదే తీవ్రవాదుల్ని దగ్గరుండి విమానంలో కాందహార్ లో దింపి వచ్చిన సిగ్గుమాలిన సంఘటన మర్చిపోయారేమో! ఏదయినా ఓటు బ్యాంక్ రాజకీయాలు, నిలువెల్లా స్వార్ధం, ఎంత జరిగినా రెండు రోజులకే మర్చిపోయి మాములైపోయే ఉదాసీనత, మనకీ మన కుటుంబానికి నష్టం కలగకపోతే చాలు ఎవరినయినా ఇట్టే క్షమించే అతి జాలిగుణం, ఒకటా రెండా... మన పరిస్థితికి ఇలా ఎన్నో కారణాలు... అందులో చాలామటుకు సాధారణ పౌరులుగా మన బాధ్యత కూడా చాలా ఉందనుకోండి.

హా... మీదంతా ఉడుకు రక్తం.. ఆలోచన లేకుండా ఆవేశం ఒక్కటీ పనికి రాదు.. ఇప్పుడు ఏం చెయ్యాలంటారు... అమెరికాలా తన మీద దాడి చేసినవాడిని పట్టుకోవడానికి వేల కోట్లు ఖర్చుపెట్టి సంవత్సరాల తరబడి యుద్ధం చేసేంత సామర్థ్యం మనకి ఉందా అని కొంతమంది అడుగుతారు. నిజమే.. అసలు మనం అలా యుద్ధానికెళితే "నా నొప్పి నీ నొప్పి సమానం కాదు అందువల్ల నాకో రూలు, నీకో రూలు" అనే అమెరికానే ఊరుకోదు ముందు... మనం మనం యుద్ధం చేసుకుంటే వాడికి కలిసొచ్చేది ఏం లేకపోతే వాడు ఆంక్షలు విధించో, మిగతా యూరోప్ వాళ్లతో కలిసి ఒత్తిడి తెచ్చో మనల్ని ఆపడానికే ప్రయత్నిస్తాడు. మిగతా దేశాల నుండి వచ్చే ఒత్తిడి తట్టుకుని, వేల కోట్లు ఖర్చుపెట్టి , అన్నిటికన్నా మన అంతర్గత దేశ ద్రోహులయినటువంటి కుహనా లౌకిక వాదుల గోల తట్టుకుని యుద్ధం చేసేంత సీన్ నిజంగా మనకి ఉందంటారా!

సరే... ఇవి చర్చించడానికి ఈ పోస్ట్ కాదనుకోండి... అయితే చరిత్రలో జరిగిన ఒక (ఇన్)ఫేమస్ టెర్రరిస్టు సంఘటన, తదనంతర సంఘటనలు మాత్రం మనం తెలుసుకోవాల్సిన అవసరం ఎంతయినా ఉంది అని నా అభిప్రాయం.

* * *

చాప్టర్ -1 : టెర్రరిజం

అది 1972 సంవత్సరం సెప్టెంబర్ నెల.. వెస్ట్ జర్మనీ (ఇప్పుడు జర్మనీ) లోని మ్యూనిచ్ నగరంలో సమ్మర్ ఒలంపిక్స్ జరుగుతున్నాయి. జర్మనీలో అంతకుముందు జరిగిన ఒలంపిక్స్ హిట్లర్ హయాంలో అనేక ఆంక్షల మధ్య, భయాల మధ్య జరిగి ఉండటంతో, ఆ చెడ్డపేరు చెరిపెయ్యడానికి అన్నట్టు ఈ ఒలంపిక్స్ లో భద్రతా కట్టుబాట్లు కాస్త సడలించారు. ఆటగాళ్ళు ఒలంపిక్ విలేజ్ నుండి ఎప్పుడు కావాలంటే అప్పుడు బయటకు వెళ్లి వచ్చే సౌకర్యం, గుర్తింపు కార్డుల కోసం పెద్ద చెకింగ్లు అవీ లేకపోవడం, ఒకవేళ కాని టైం లో బయటకు వెళ్లి రావాల్సి వస్తే గోడ దూకి వచ్చినా నిర్వాహకులు, భద్రతా సిబ్బంది చూసీ చూడనట్టు వదిలెయ్యడం... అలా అంత ఫ్రీ గా అన్నమాట. అయితే ఆ రోజుల్లో పాలస్తీనా టెర్రరిస్టుల నుండి ఎక్కువ ముప్పు ఎదుర్కొంటున్న ఇజ్రాయిల్ ఆటగాళ్లకు మిగతా ఆటగాళ్ళు ఉండే భవంతులకు దూరంగా మరీ గోడ పక్కనే ఉన్న భవంతి విడిదిగా ఇవ్వడంతో, ఆ దేశ ఆటగాళ్ళు తమ భద్రత గురించి ఆందోళన వ్యక్తం చేసినా జర్మన్ అధికారులు అంత పట్టించుకోలేదు. అప్పటికీ జర్మన్ నిపుణుడు ఒకరు ఈ ఒలంపిక్స్ లో మనకి (జర్మన్లకి) ఏ రకంగా ఇబ్బందులు ఎదురయే అవకాశం ఉంది అని ఒక 26 పాయింట్లు సూచించగా... అందులో ఇరవై ఒకటవ పాయింటు ఇలా టెర్రరిస్ట్ అటాక్ జరగవచ్చు అని ఉంది.

సెప్టెంబర్ 4వ తేదీ రాత్రి ఇజ్రాయిల్ ఆటగాళ్లంతా ఒక మ్యూజికల్ చూసి, తమ ఫేవరేట్ నటుడితో డిన్నర్ ముగించి, పార్టీ అనంతరం అర్ధరాత్రి సమయాన బస్ లో ఒలంపిక్ విలేజ్ కి చేరుకున్నారు. ఒలంపిక్ విలేజ్ కి చేరుకున్న ఆటగాళ్ళందరూ మంచి గాఢనిద్ర లో ఉండగా సెప్టెంబర్ 5వ తేదీ ఉదయం సుమారు 4:30 సమయం లో ఆటగాళ్ళలా ట్రాక్ సూట్స్ వేసుకున్న "బ్లాక్ సెప్టెంబర్" అన్న తీవ్రవాద సంస్థకి చెందిన ఎనిమిది మంది టెర్రరిస్టులు తుపాకులతో, పిస్టల్స్ తో, హ్యాండ్ గ్రెనేడ్లతో గోడ దూకి ఒలంపిక్ విలేజ్ లోకి ప్రవేశించారు. సరాసరి ఇజ్రాయిలీ ఆటగాళ్ళు ఉన్న భవంతిలో ప్రవేశించి దొంగ తాళాలతో తలుపులు తియ్యడానికి ప్రయత్నిస్తున్నారు. అపార్ట్మెంట్ 1 లో నిద్రలో ఉన్న Yossef Gutfreund అనే రెజ్లింగ్ కోచ్ కి తలుపు దగ్గర ఏదో శబ్దం రావడంతో లేచి తలపు సందు నుండి చూడగా... బయట తుపాకులు పట్టుకున్న ముసుగు వ్యక్తులు కనిపించడంతో గట్టిగా కేకలు పెడుతూ మిగతావారిని లేపడానికి ప్రయత్నిస్తూ ఉండగా... ఇంతలో టెర్రరిస్టులు తలుపులు పగలకొట్టి లోపలకి రావడంతో వాళ్ళని తాత్కాలికంగా నిలువరించేందుకు 135 kg రెజ్లింగ్ బరువు కూడా వాళ్ళపై విసిరాడట. యూసఫ్ అరుపులు విన్న అతని సహచరుడు కిటికీ దూకి పారిపోగాలిగాడు కానీ.. యూసఫ్ మాత్రం తీవ్రవాదులకి దొరికి పోయాడు.

అక్కడ ఎదురు తిరిగిన మరో రెజ్లింగ్ కోచ్ మెషె వియంబెర్గ్ ని అతని దవడలో తుపాకితో కాల్చి తీవ్ర గాయం చేసి మిగతా ఆటగాళ్ళు ఉన్న అపార్ట్మెంట్ కి తీసుకెళ్ళమని హింస పెట్టారు. అయితే అటువంటి విపత్కర పరిస్థితిలో కూడా వియంబెర్గ్ సమయస్ఫూర్తితో ఆలోచించి అపార్ట్మెంట్ 2 లో ఉన్నవారు ఇజ్రాయిల్ ఆటగాళ్ళు కాదని అబద్ధం చెప్పి ఇజ్రాయిలీ రెజ్లర్స్ వున్న అపార్ట్మెంట్ 3 కి తీసుకెళ్లాడట. అపార్ట్మెంట్ 2 మరియు 3 లో ఉన్నది ఇజ్రాయిల్ ఆటగాళ్ళే అయినా.. ఒకవేళ తీవ్రవాదులను నేరుగా ఎదుర్కోవాల్సిన పరిస్థితే వస్తే మిగతావారి కన్నారెజ్లర్లు బలవంతులు కాబట్టి కాస్తయినా నయమని అని అతని ఆలోచన. బిల్డింగ్ 3 లోకి వెళ్ళాక టెర్రరిస్టులని ప్రతిఘటించే ప్రయత్నం చేసాడని వియంబెర్గ్ నీ, ఎదురు తిరిగిన ఇంకో వెయిట్ లిఫ్టర్ యోసేఫ్ రొమనో ని కూడా తీవ్రవాదులు కాల్చి చంపి అక్కడ కనపడ్డ మిగతా తొమ్మిది మంది ఆటగాళ్ళను బందీలుగా తమ ఆధీనంలోకి తీసుకున్నారు. అలా బిల్డింగ్ 2 లో ఉన్న మిగతా ఆటగాళ్ళు, అధికారులు ఈ అటాక్ తప్పించుకోగలిగారు.

బందీలుగా పట్టుబడ్డ ఆటగాళ్ళని విడుదల చెయ్యడానికి టెర్రరిస్టులు విధించిన ఆంక్షలలో ముఖ్యమయినది "వివిధ ఇజ్రాయిలీ జైళ్ళలో ఉన్న 234 పాలస్తీనా టెర్రరిస్టులను వదిలిపెట్టాలి". అలాగే తీవ్రవాదులు తమ క్రూరత్వాన్ని, తలచుకుంటే ఏమయినా చెయ్యగలం అన్న తెగింపుని తెలియచెప్పడానికి అంతకు ముందు హింసించి చంపిన వియంబెర్గ్ శవాన్ని కిటికీలోనుండి బయటకు విసిరేశారు. అయితే.. వారి ఆంక్షలకూ, డిమాండ్లకూ ప్రతిగా ఇజ్రాయిల్ ఇచ్చిన సమాధానం..

"there would be no negotiation ..."

అప్పటికే జర్మనీ పై యూదుల పట్ల ఉన్న ద్వేషం తాలూకు మచ్చ ఉండటం, ఇప్పుడేమో బందీలుగా ఉన్నది యూదులు అవడంతో జర్మన్ అధికారులు తీవ్రవాదులతో చర్చలు జరిపి కావలసినంత డబ్బు ఇస్తాం అని చెప్పారట.. అక్కడ "కావలసినంత" అన్న పదం నిజంగా వాడినది.. అయితే ఆ ఆఫర్ ని టెర్రరిస్టులు తిరస్కరించారు. అయితే ఒక పక్క ఇంత జరుగుతున్నా ఇంకో పక్క యథావిధిగా కొనసాగుతున్న ఒలంపిక్ క్రీడల్ని ఈ తతంగం జరిగిన పన్నెండు గంటల తరువాత తీవ్రవాదులు మూడో క్రీడాకారుడిని చంపడంతో అప్పటికి ఆటల్ని తాత్కాలికంగా ఆపేశారు. అప్పుడు ఇజ్రాయిలీ ఆటగాళ్ళని బందీలుగా ఉంచిన బ్లాక్ సెప్టెంబర్ తీవ్రవాదిని పక్కనున్న ఫోటోలో చూడవచ్చు.

బందీలుగా ఉన్న ఆటగాళ్ళ పరిస్థితి ఆ పక్క బిల్డింగ్ నుండి ఈ తతంగం అంతా గమనిస్తున్న ఒక అమెరికన్ క్రీడాకారుడి మాటల్లో చెప్పాలంటే..

" Every five minutes a psycho with a machine gun says, 'Let's kill 'em now,' and someone else says, 'No, let's wait a while.' How long could you stand that? "

ఆటలు తాత్కాలికం గా రద్దు అవడం తో మొత్తం ఒలంపిక్స్ ని కవర్ చెయ్యడానికి ప్రపంచ నలుమూలల నుండి వచ్చిన మీడియా అంతా ఇక్కడికే చేరింది. తీవ్రవాదులను అటాక్ చెయ్యడానికి మొదటి ప్రయత్నంగా జర్మన్ పోలీసులు క్రీడాకారుల వేషంలో ఆ బిల్డింగ్ ని చుట్టుముట్టారు. అయితే అప్పటికే అక్కడకు చేరిన టీవి మీడియా ఈ అటాక్ సన్నాహాలన్నీ పూసగుచ్చినట్టు టీవిలలో ప్రసారం చెయ్యడంతో, అది చూసిన టెర్రరిస్టులు పోలీసులు వెనక్కి వెళ్ళకపోతే ఇంకో ఇద్దరిని చంపుతాం అని బెదిరించడంతో పోలీసులు వెనక్కి తగ్గాల్సి వచ్చింది. అయితే అసలు బందీలు ఇంకా బ్రతికే ఉన్నారు అని రుజువు చెయ్యడానికి, ఆటగాళ్ళలో జర్మన్ వచ్చిన వారిని కిటికీ దగ్గరకు తీసుకు వచ్చి మాట్లాడించమని కోరడంతో అంద్రే స్పెడ్జర్, కెహట్ షార్ అనే ఆటగాళ్ళతో మాట్లాడించారు. అప్పుడు కిటికీ నుండి టివి మీడియాతో మాట్లాడుతున్న స్పెడ్జర్, షార్ లను పక్క ఫోటోలో చూడవచ్చు. అయితే అలా మాట్లాడుతున్నప్పుడు టెర్రరిస్టులు చెప్పమన్నదానికన్నా ఎక్కువ చెప్పడానికి ప్రయత్నించిన స్పెడ్జర్ ని టివి చానళ్ళు ప్రసారం చేస్తుండగా ప్రపంచం అంతా చూస్తుండగానే తుపాకి బట్ తో కొట్టుకుంటూ పక్కకి లాక్కెళ్ళడం వాళ్ళ క్రూరత్వానికి పరాకాష్ట.

ఈ లోగా ఆ బందీలను తీసుకుని ఈజిప్ట్ లోని కైరో వెళ్ళడానికి వాళ్ళ కోసం విమానం సిద్ధం చెయ్యాలనీ, ఒలంపిక్ విలేజ్ నుండి ఎయిర్ పోర్ట్ కి వెళ్ళడానికి మిలటరీ హెలికాప్టర్స్ కావాలని తీవ్రవాదులు కొత్త డిమాండ్స్ పెట్టారు. జర్మన్ అధికారులు ఈ డిమాండ్స్ కి పైకి అంగీకరిస్తూనే, విమానం ఎక్కేముందే ఆ చుట్టుపక్కల షార్ప్ షూటర్లను ఏర్పాటు చేసి టెర్రరిస్ట్లను మట్టుపెట్టాలని పథకం రచించారు. అది ఫెయిల్ అయితే విమానంలో పైలట్ల వేషంలో పోలీసు అధికారులు ఉండి అక్కడయినా టెర్రరిస్ట్లను అంతమొందించాలన్నది ప్లాన్. అయితే ఒక పక్కన హెలికాప్టర్స్ లాండ్ అవుతున్న టైం లో ఆఖరు నిముషం లో ఫ్లైట్ లో పోరాడాలన్న ఆలోచన విరమించుకుని పైలెట్ల వేషంలో ఉన్న పోలీసులు అందరూ వెళ్ళిపోయారు. హెలికాప్టర్స్ ల్యాండ్ అయ్యాక వారిలో టోనీ, ఇస్సా అనే టెర్రరిస్ట్లు విమానం చెక్ చెయ్యడానికి వచ్చి అక్కడ పైలెట్లు ఎవరూ లేకపోవడంతో ఏదో జరుగుతుంది అని గమనించి హెలికాప్టర్స్ లో ఉన్న మిగతా టెర్రరిస్ట్లను హెచ్చరించడానికి పరిగెడుతుండగా ఆ పక్క బిల్డింగ్ మీద నక్కి ఉన్న జర్మన్ షార్ప్ షూటర్లు వారిపై కాల్పులు జరిపారు. అయితే వెలుతురు సరిగ్గా లేకపోవడం, ఆ షార్ప్ షూటర్లు అంత నిపుణులు కాకపోవడంతో ఆ కాల్పులు టోనీని కేవలం గాయపరచగలిగాయి.

ఈ ఊహించని పరిణామానికి మిగతా టెర్రరిస్టులు బేజారెత్తిపోయి కాల్పులు మొదలు పెట్టగా జర్మన్ పోలీసులు కూడా ఎదురు కాల్పులు జరిపారు. తీవ్రవాదుల దగ్గర ఉన్న ఆయుధ సామాగ్రి ఖర్చయిపోతుండటంతో సెప్టెంబర్ 5 అర్ధరాత్రి 12 గంటల సమయంలో, టెర్రరిస్టులు తము చనిపోవాల్సిన పరిస్థితే కనుక వస్తే తమ కన్నా ముందు ఈ ఇజ్రాయిలీ ఆటగాళ్ళు చావాలని... నిరాయుధులై, చేతులు కాళ్ళు కట్టివెయ్యబడి, నిస్సహాయంగా చూస్తున్న అమాయక ఇజ్రాయిలీ ఆటగాళ్ళ మీద విచ్చలవిడిగా కాల్పులు జరిపి అందరినీ అతి దారుణంగా చంపివేసారు. అలా ఒలంపిక్ విలేజ్ లో ముగ్గురిని, ఎయిర్ పోర్ట్ లో ఎనిమిది మందితో కలపి మొత్తం పదకొండు మంది ఇజ్రాయిలీ ఆటగాళ్ళని నిర్దాక్షిణ్యంగా పొట్టన పెట్టుకున్నారు. అదే కాల్పులలో ఒక జర్మన్ పోలీసు అధికారి కూడా టెర్రరిస్ట్ తూటాలకు నేలకొరిగాడు. జర్మన్ పోలీసుల ఎదురుకాల్పుల్లో ఐదుగురు టెర్రరిస్ట్లు మరణించగా మరో ఇద్దరు జర్మన్ అధికారులకి దొరికి పోయారు. ఒక టెర్రరిస్ట్ తప్పించుకుని పారిపోయాడు. అయితే ముగ్గురు టెర్రరిస్ట్లు దొరికిపోయారని కూడా కొంతమంది చెప్తారు.

ఫలితంగా ఆధునిక ఒలంపిక్ చరిత్రలో మొదటి సారిగా క్రీడలు కొన్ని రోజుల పాటు రద్దయ్యాయి. ఆ రోజు జరిగిన మెమోరియల్ సర్వీస్ లో మరణించిన ఆటగాళ్ళ తాలూకు కుటుంబ సభ్యులు పాల్గొన్నారు. ఆ మెమోరియల్ సర్వీస్ లోనే పాల్గొన్న మెషె వియంబెర్గ్ కజిన్ అక్కడే గుండెపోటుతో మరణించడం మరింత బాధాకరం. అయితే ఇక్కడ గమనించాల్సిన విషయం ఒకటి జరిగింది. టెర్రరిస్టుల చేతిలో చనిపోయిన అమాయక ఇజ్రాయిలీ క్రీడాకారులకు శ్రద్ధాంజలి ఘటిస్తూ స్టేడియంలో ఉన్న అన్ని దేశాల జాతీయ పతాకాలు అవగతం చేస్తుండగా.. ఈ యూదుల మరణాన్ని గౌరవిస్తూ తమ దేశ పతాకాలు అవతనం చెయ్యడం మాకు సమ్మతి కాదు అని పది అరబ్ దేశాలు అభ్యంతరం వ్యక్తం చెయ్యడంతో ఆ పది దేశాల పతాకాలు మాత్రం మళ్ళీ ఎగురవేశారు. అలాగే సెప్టెంబర్ 5 న ఇజ్రాయిలీ క్రీడాకారులు ఇంకా బందీలుగా ఉన్నప్పుడు ఇజ్రాయిల్ ప్రధాని గోల్డా మేయర్ జరిగిన దుశ్చర్యను ఖండించి తమ క్రీడాకారుల ప్రాణాలు కాపాడమని ప్రాధేయపడినా ఒక్క జోర్డాన్ రాజు కింగ్ హుస్సేన్ తప్ప ఇంకే అరబ్ దేశం ఈ టెర్రరిస్టు చర్యను ఖండించలేదు.

ఇదే సంఘటన మనకి జరిగితే ఏం చేస్తాం? ఆ క్రీడాకార్లుల్లో క్రికెటర్స్ లేకపోతే అసలు మనమూ పట్టించుకోం... ఇంకో ఢిల్లీ అనుకుంటాం... అదే ప్రముఖ వ్యక్తులు ఉంటే ... యథావిధి మన నాయకుల నుండి ఈ పిరికిపంద చర్యను ఖండిస్తూ ప్రకటనలు వస్తాయి.. యథావిధిగా పాకిస్తాన్ కి ఉత్తుత్తి బెదిరింపులు... కొవ్వొత్తుల ప్రదర్శనలు... ఫేస్ బుక్ లో సంతాప సందేశాలు.. అంతే... కొన్నాళ్ళకి అన్నీ మర్చిపోయి క్షమించేస్తాం! కాదంటారా ?

అయితే ఈ మ్యూనిచ్ టెర్రరిస్ట్ దాడి తరువాత ఏం జరిగింది? ఇజ్రాయిల్ ఏం చేసింది? మంచి జేమ్స్ బాండ్ సినిమాకి ఏ మాత్రం తీసిపోని ఇజ్రాయిల్ యొక్క రియాక్షన్ కోసం ... ఈ టపాకి కొనసాగింపు రెండో భాగంలో రేపు చూడండి..

- మంచు

కృష్ణప్రియం

2011-07-17T00:37:00.000-04:00

*** శ్రీ రామ ***

మీకు పారిస్ ట్రిప్ కి వెళ్ళాలనుందా.. అయితే టికెట్లు కొనుక్కుని, హొటెల్స్ బుక్ చేస్కుని, వస్తున్నాం అని లవంగం గారికి ఫొన్ చేసేసి.... బొల్డు డబ్బులు, సమయం ఖర్చు పెట్టి పారిస్ వెళ్ళక్కర్లేదు. ఇప్పుడు దానికొ షార్ట్ కట్ ఉంది. కృష్ణప్రియ గారి 'పారిస్ వెళ్ళండి కానీ..' పోస్ట్ చదివితే మీకు నిజంగా పారిస్ వెళ్ళి తిరిగేసిన అనుభూతి గ్యారెంటీ :)

ఇప్పుడు సడన్ గా కృష్ణప్రియ గారిని తలచుకుంటున్నానేంటా అని అనుకుంటున్నారా... అయితే మీకు తెలిసున్న విషయాలే అనిపించినా పొస్ట్ పూర్తిగా చదవాల్సిందే.

మన ఫ్రెండ్ ఎవరన్నా సెల్ ఫొన్ పొగొట్టుకుంటే అయ్యో అని బాధపడతాం. అదే ఈవిడ పొగొట్టుకున్నప్పుడు బొల్డు సంతొషించాం... ఎందుకంటే మరి ఆ ఫోనే పోకపోయుంటే 'చేజారిన మంత్రదండం' అనే ఒక మంచి పోస్ట్ మిస్సయ్యే వాళ్ళం కదా :D

'పెద్దయ్యాక నేను..' అంటూ మనల్ని చిటికెన వేలు పట్టుకుని ఉన్నపళంగా చిన్నప్పటి రోజుల్లోకి తీస్కెళ్ళిపోయినా, 'ఫోటోలు నిక్షిప్తపరచలేని అనుభూతి' అంటూ మన జీవితంలోని అమూల్యమైన అనుభూతుల్ని గుర్తుకొచ్చేలా చేసినా, 'పిన్ని పెళ్ళి, పిన్ని కొడుకు పెళ్ళి' అంటూ అప్పటికీ ఇప్పటికీ పెళ్ళి వేడుకలు మారిపోయిన వైనాన్ని గుర్తు చేసినా, స్కూటర్ సాహసాలైనా, 'హాయిగా హాల్లో సినిమా' చూడటం గురించి చెప్పినా, తనకి 'పాటలు రావని' చెప్పినా, 'బరువూ బాధ్యత'ని గుర్తు చేసినా... ఇలా ఏ కబుర్లైనా గానీ మనల్ని కూడా తన కూడా తిప్పుతూ చూపించినంత ఆసక్తికరంగా రాయడంలో మన కృష్ణప్రియ గారిది అందె వేసిన చేయి. :)

మీకు తెలుసో లేదో.. ఆవిడకి బోల్డు అదృష్టం కలిసొచ్చి ఒకసారి లక్కీ డ్రాలో అరకేజీ వెండి గెల్చుకున్నారు. అప్పుడు అందరికి ఇచ్చి మనకి మాత్రం పార్టీ ఇవ్వకుండా పెద్ద హ్యాండిచ్చారు.

అసలు కృష్ణ ప్రియ గారి డైరీలో మిగతా పోస్టులన్నీ ఒక ఎత్తైతే 'గేటెడ్ కమ్యూనిటీ కథలు' మాత్రం మరొక ఎత్తు.. అవన్నీ చదువుతుంటే అర్జెంటుగా మనం కూడా ఏదో ఒక గేటెడ్ కమ్యూనిటీ చూసుకుని, అసలు వీలైతే 'పెసిడెంటు గారి పెళ్ళాం' గారి రికమండేషన్ తో వాళ్ళ గేటెడ్ కమ్యూనిటీ లోనే ఒక ఇల్లు వెతుక్కుని సెటిల్ అయిపోదాం అనుకుంటారు. అసలు వాళ్ళ గేటెడ్ కమ్యూనిటీలో జరిగే దీపావళి, చబ్బీస్ జనవరి వేడుకల కోసమైనా వెంటనే వెళ్ళిపోవాల్సిందే అనిపిస్తుంది మనకి. అలాగే మనకెప్పుడైనా 'ఓ కప్పు చక్కర' అవసరమైతేనో, మనలో దాగున్న 'సామాజిక స్పృహ'ని మేల్కొల్పడానికైనా గానీ మన కృష్ణప్రియ గారు సదా మనకి అందుబాటులో ఉంటారు కాబట్టి మనం వాళ్ళ గేటెడ్ కమ్యూనిటీలో చేరిపోడానికి అట్టే అలొచించనక్కర్లేదు. అప్పుడు మనం కూడా ఎంచక్కా కొత్త బిచ్చగాడు పొద్దెరగడన్నట్టు పండగ చేస్కోవచ్చు. :) ఇవన్నీ చదివాక మీరు క్రిష్ణప్రియ గారి పక్కిల్లే కావాలి అనుకునే ఉంటారు కానీ పాపం మీ బ్యాడ్‌లక్. కార్నర్ లొ ఉండే వాళ్ళ ఇంటికి పక్కనుండే ఇల్లు నేను అల్రేడీ రిజర్వ్ చేసేసుకున్నాను కాబట్టి.

'ఉప్మాయణం' గురించి గొప్పగా చేప్పేసి మనల్ని ఉప్మా ప్రియుల్ని చేసేయ్యడమే కాదు... తనే కనిపెట్టిన కొత్త రెసిపీ, మన బ్లాగ్లోకంలోనే అత్యంత రుచికరమైన పదార్ధం అయినటువంటి టల్లోస్ రుచి చూడకుండా ఆవిడ బ్లాగ్ గడప దాటి బయటికి రాలేమంటే నమ్మాలి మీరు :) మరి బ్లాగులొకం లొ అత్యంత రుచికరమైన పదార్ధం నా చుంబరస్కా అని నాకు గట్టి నమ్మకం. మరేమో అక్కడే మాకు ఈగో క్లాషేస్ వచ్చాయన్నమాట. అప్పుడు చుంబరస్కా మీద పేటెంట్ హక్కుల గురించి ఒకరి మీద ఒకరు కేసులు వేసుకుందాం అనుకున్నాం కానీ మా లాయర్ (ఇద్దరికి ఒక్కరే లాయర్) ఫీజు ఎక్కువ అడిగాడని అలిగి ఫైనల్ గా మేము ఒక అండర్స్టాండింగ్ కి వచ్చి చుంబరస్కాటల్లోస్ అనే కొత్త రెసిపి కనిపెట్టాం :-) ఈ పొస్ట్ ఆఖర్లొ చూడండి.

ఇహ కృష్ణప్రియ గారు చెప్పే ఆఫీసు కబుర్లు భలే సరదాగా ఉంటాయి.. 'సింగం, మల్లెపూలూ బార్డర్ సమస్యా' అని చెప్పినా, 'బాసూ బీరకాయ పచ్చడి' గురించి చెప్పినా, అది కేవలం 'ఊర్వశి క్రిష్ణప్రియ'లా నటించగలిగే మన కృష్ణప్రియ గారికే సాధ్యం.

ప్రతీ ఒక్కరం ఎంతో కొంత తీవ్రంగానే ఆలోచించే క్లిష్టమైన విషయాలని కృష్ణప్రియ గారు తేలికగా అర్థమయ్యేలా వివరంగా, విశ్లేషణాత్మకంగా చర్చిస్తారు.. ఉదాహరణకి 'ఇంకా సాఫ్ట్ వేర్ ఇంజనీరేనా? పాపం!!' అంటూ ఆడవాళ్ళు కెరీర్, పర్సనల్ లైఫ్ బ్యాలన్స్ చేస్కోడం గురించి రాసిన పోస్ట్, 'NRI నుండి పక్కా ఇండియన్ గా మారడం..' అంటూ అమెరికా నుంచి ఇండియాకి వెనక్కి వెళ్ళి ఉండటంలో సాధక బాధకాల్ని చెప్పడంలో, 'ప్రియ కొడుకు IIT' అనే పోస్టులో తెలిసో తెలీకుండానో మనందరం చదువుల రూపంలో పిల్లలపై పెడుతున్న అధిక ఒత్తిడి గురించి, పిల్లలని దత్తత తీస్కునే సందర్భాల్లో ఆయా వ్యక్తుల వెనక దాగుండే రకరకాల పరిస్థితులూ, ఎమోషన్స్ గురించి 'మనసా వాచా కర్మణా దత్తతకి సిద్ధం?' అనే పోస్టులో చెప్పినా.. ప్రతీసారీ విషయం ఏదైనా గానీ మనల్ని కాసేపన్నా ఆలోచనలో పడేస్తాయి కృష్ణప్రియ గారి టపాలు.

అప్పుడప్పుడూ 'అంబిగేశ్వరి-శ్రీనివాసోపాఖ్యానం' అంటూ హృద్యమైన ప్రేమకథని చెప్పినా, 'నారాయణరెడ్డి' గారి గురించి స్పూర్తివంతమైన కబుర్లు చెప్పినా, 'జాతస్య మరణం ధృవం', 'గుండె ఊసులు' లాంటి జీవితానుభవాల పాఠాలు చెప్పినా, 'ఓ పనైపోయింది బాబూ', 'చదువుకుంటారా లేదా', 'మళ్ళీ మొదలు!', 'వింటే భారతమే వినాలంటూ' అమాయకత్వం, చిలిపితనం కలబోసిన పిల్లల సరదా కబుర్లని మన కళ్ళకి కట్టినట్టు చూపించినా మనం కృష్ణప్రియ గారి బ్లాగులోనే తిష్ట వేసుకు కూర్చుని అలా చదువుకుంటూ ఉండిపోవల్సిందే.

కృష్ణప్రియ గారి డైరీలోకి ప్రయాణం చాలా (exciting) ఆసక్తికరంగా ఉంటుందని ఈ పాటికే మీరు ఎక్స్పీరియన్స్ చేసి ఉంటారు. అన్నట్టు, 'మీరూ ఎక్స్పీరియన్స్ చేసే ఉంటారు...' అని ఆవిడ ఒక సరదా పోస్ట్ రాసారు. అలాగే, మన కృష్ణప్రియ గారి డైరీలోకి ఒకసారి తొంగి చూస్తే అప్పుడప్పుడూ తను ఒక రోజంతా ఎలా గడుపుతుంటారో కూడా తెల్సుకోవడం చాలా సరదాగా ఉంటుంది.

మొన్నామధ్య ఒకసారి కృష్ణప్రియ గారి బ్లాగు పుట్టినరోజు సందర్భంగా నిర్వోష్ఠ్య బ్లాగాయణం.. అంటూ తన బ్లాగు ప్రస్థానాన్ని ఒక సంక్లిష్టమైన సాహితీ ప్రక్రియలో అలవోకగా రాసి ఆశ్చర్యపరిచారు.

అర్జెంట్ గా అత్యుత్తమ సలహాలు కావాలా అయితే.. అత్యుత్తమమైన సలహాల కోసం సంప్రదించండి.. కృష్ణప్రియ గారి బ్లాగ్..

తను ఎంచుకునే అంశం ఏదైనా సరే చాలా సులువుగా, సరదాగా మనల్ని పక్కన కూర్చోబెట్టుకుని 'అనగనగా..' అంటూ కథలు చెప్పినంత ఆసక్తికరంగా చెప్పడం, ఎంత పెద్ద పోస్ట్ అయినా సరే ఆపకుండా చదివించి చివరికొచ్చేసరికి 'అరే.. అప్పుడే అయిపోయిందా!' అనిపించేలాగా రాయడం మన కృష్ణప్రియ గారికే సొంతం. అసలిక్కడ నేను రాసింది గోరంత... పూర్తిగా రాయాలంటే కొండంత.... కాదంటారా :)

ఇక అసలు విషయం ...కృష్ణప్రియ గారికి అసలింత టాలెంట్ ఎలా వచ్చిందో తెల్సా .. మా గోదావరి జిల్లాలో పుట్టడం వల్లే :) :) అవిడ ఖమ్మం బిడ్డ అని చెప్పుకుంటారు కానీ.. పుట్టింది తూగొ లొ కాబట్టి కచ్చితంగా గొదావరి బిడ్డే :-) :-)

ఇక ఆంద్రుల అభిమాన బ్లాగర్ అయిన కృష్ణప్రియ గారిని ఈ రోజు ప్రత్యేకంగా తలచుకొవడానికి ఒక కారణం ఉంది. ఈ రోజు (జూలై 17) ఆవిడ పుట్టిన రొజు. శతావధానం చేసినట్టు ఇన్నేసి రకరకాల టపాలు రాసి మనల్ని అలరిస్తున్న బహుముఖ ప్రజ్ఞాశాలి అయినటువంటి మన కృష్ణప్రియ గారు ఇంకా బొల్డు మంచి మంచి పోస్టులు రాస్తూ మనల్ని ఇలాగే అలరిస్తారని ఆశిస్తూ..

కృష్ణప్రియ గారికి హృదయపూర్వక పుట్టినరోజు శుభాకాంక్షలు

కృష్ణప్రియ గారూ..

మీ పుట్టినరోజు సందర్భంగా మేం స్వయంగా దగ్గరుండి అత్యంత మధురమైన పదార్ధం చుంబరస్కా ఓ పది టన్నులు చేయించాం. అందరికీ పంచి పెట్టడంతో పాటు మీరూ తినండి వచ్చి.. :)

- మంచు

ఎంతొ విలువైన తన సమయం వెచ్చించి ఈ పొస్ట్ రాయడానికి సహకారం అందించిన మధురవాణి గారికి బొల్డు బొల్డు థాంక్స్ లు ....

నేను లెజెండ్ కాదా ?

2011-07-04T01:40:00.000-04:00

*** శ్రీ రామ ***

"అలా మంచు గారు బ్లాగుల్లో ఫేమస్ అయిపోయి అంతర్జాతీయ తెలుగు బ్లాగ్ legend అవార్డ్ తెచ్చేసుకుంటారు. ఇంకప్పుడు ఆయన బడాయి భరించలేక చావాలి అందరూ.. ఈ బ్లాగ్లోకం భవిష్యత్తు అంధకారం అయిపోతుంది "

ఆ కామెంట్ ఇక్కడ వ్రాయబడింది ... ఈ కామెంట్ చూడగానే మీకో ప్రసంగం గుర్తొచ్చుండాలి. ఇంకా గుర్తురాకపోతే ఇవి చూడండి: పార్ట్ -1 , పార్ట్ -2 . అలాంటి చారిత్రాత్మక అవమానం ఇప్పుడు నాకూ జరిగింది.

అందుకే నా ప్రసంగం వినండి.

--------------------------------

మొన్న మధురవాణి గారు రాసిన బజ్ పోస్ట్ చదివి పప్పు శ్రీనివాసరావు గారడిగారు. నీ బ్లాగ్ వయసెంతా అని. ఇరవై నెలలు అన్నాను. ఆవేశం .... బ్లాగర్లకి, బజ్జర్లకి నమస్కారం. నాలుగు సంవత్సరాల ఆన్లైన్ జీవితం. ఒక సంవత్సరంన్నర పాటు బ్లాగర్ గా, అర్ధసంవత్సరం పాటు బజ్జర్ గా. అంటే ఎనిమిది సంవత్సరాల బ్లాగర్.కాం ప్రయాణం లో రెండు సంవత్సరాల బ్లాగు జీవితం నాది. అసలు నేను ఎవరూ, ఎక్కడ వాడిని, ఎలా వచ్చానో చెప్పాలి. ఎన్నో ఆటుపోట్లు. బ్లాగు మూసుకునే దశ వరకూ వచ్చి వెళ్ళిన సంధర్భాలూ ఉన్నాయి. క్లుప్తంగా ఒక్కమాటలో చెప్పాలంటే సాధ్యం కాదు ఎందుకంటే this is the stage to tell who I am, what am I.

కూడలి మరియూ జల్లెడ అగ్రిగేటర్లలో ఒక చిన్న లింక్. అక్కడ క్లిక్ చేసి వెళితే "నా ప్రపంచం" అన్న బ్లాగు, కామెంట్ల సెక్షన్ నిండా బోల్డు కామెంట్లు... మధ్యలో చిన్న కామెంట్ నాది. అప్పటికే నా ఫ్రెండ్ ఒకడు కూడలిలో కొన్ని బ్లాగులు రాసుకుంటూ ఉండేవారు. నేను తెలుగు బ్లాగులు చదవడం మొదలెట్టిన రోజుల్లో మా ఫ్రెండన్నాడు... రేయ్ నువ్వు కూడా ఒక బ్లాగ్ పెట్టుకోరా ఇద్దరం కలిసి రాసుకోవచ్చని.... నేను వినలేదు. సరే మిగతా కొంత మంది స్నేహితుల ప్రోద్బలంతో బ్లాగు పెట్టడం, కొన్ని కామెంట్లు రావడంతో కూడలిలొ, జల్లెడలో చేరటం జరిగింది. అక్కడే కార్తీక్ ఇంద్రకంటి గారు పరిచయం అవ్వడం. నాగప్రసాద్ గారు పరిచయం అవ్వడం. మన కత పవన్ గారు పరిచయం అవ్వడం జరిగింది. అక్కడే నాకు బ్లాగర్ గా జన్మను ప్రసాదించిన నేస్తం గారు పరిచయం అయ్యారు. నేను రాస్తున్న బ్లాగ్ కి శ్రావ్య గారు రెగ్యులర్ విజిటర్. మనం అనుకుంటాం.... మన బ్లాగ్ టెంప్లేట్ కి ఏ HTML కోడూ అక్కరలేదూ అననుకుంటాం. కనీసం బ్లాగర్‌కి లేఖిని సహాయం అన్నాకావాలి తప్పుల్లేకుండా రాసుకోవడానికి. కామెంట్ బాక్స్ లో వర్డ్ వెరిఫికేషన్ తీసేయ్యమన్నా, డార్క్ బ్యాక్గ్రవుండ్ మీద లైట్ అక్షరాలూ కళ్ళనొప్పి తెప్పిస్తున్నాయ్ తీసెయ్ అన్నా, కామెంట్ మోడరేషన్ పెట్టుకోమన్నా... అంతా ఈ స్నేహితులే.

ఆరు మాసాలు రాసాక చూసుకుంటే పది పోస్ట్లకి మొత్తం కామెంట్లు 30 ఉన్నాయి... అదేంటి మరీ ఆరునెలలకి 30 కామెంట్లేనా అన్నా..... ఏం ? రోజూ డజన్ల కొద్ది పక్కోళ్ళ బ్లాగులు చదువుతావ్ ? వాళ్ళ బ్లాగుల్లో నువ్వెన్ని సార్లు కామెంట్లు పెట్టావు. పక్కోళ్ళ బ్లాగులో కామెంట్లు పెట్టకపోతే స్టార్ బ్లాగర్ కి కూడా అన్ని కామెంట్లు రావు అన్నారు. నువ్వేమన్నా కెలుకుడు రాతలు రాస్తున్నావా? అని అడిగారు... నా బ్లాగులో రాయడం లేదు సార్ అన్నా... కనీసం అమ్మాయి పేరుతో రాస్తున్నావా.... లేదు సార్ అన్నా.. అందుకే ముప్పై కామెంట్లే వచ్చాయ్ అన్నారు.

అలా ప్రారంభమైంది నా బ్లాగు జీవితం. బ్లాగు తెరిచానని తెలిసి మలక్పేట్ రౌడి గారు కలవమన్నారని కబురు చేశారు. సరే అని జిటాక్ లో పింగ్ చేసాను. ఆయిన ఆన్లైన్ లో లేరు. టెస్ట్ చేసారు.. పాసయ్యాను. అక్కడ శరత్ గారు ఆ కుర్రవాడెవడో మంచి కత్తి కెలుక్ లా ఉన్నాడు .. రాత కూడా పదునుగా ఉంది .. కామెంట్లకి పనికొస్తాడేమో అని నన్ను రికమండ్ చెయ్యటం, నన్ను మలక్పేట్ గారు వాళ్ళ క్లేబాస లోకి తీసుకోవటం జరిగిపోయింది. ఆ శరత్ నాకు తెలియదు, నేనెవరో ఆ శరత్ కి తెలియదు. ఎన్ని కామెంట్లు రాసి తీర్చుకోవాలి ఆ శరత్ రుణం. మొదట్లో నా పేరు అనామకుడు.... తెలుగు బ్లాగుల్లో మొదటి కామెంట్ అనానిమస్ గా పెట్టానని ఆ పేరు పెట్టారు. అంతే తిన్నగా బ్లాగర్. కాం కి వెళ్లాను. ఇక నుండి నాపేరు 'మంచు' అని చెప్పి ప్రొఫైల్ మార్చి నా బ్లాగ్ జీవితం మొదలు పెట్టాను.

ఆ రోజు నుండి ఒక కామెంటర్ గా, ఒక బ్లాగర్ గా, ఒక బజ్జర్ గా, ఒక అనానిమస్ గా, ఒక అగ్రిగేటర్ టీం మెంబర్ గా ... క్లేబాసలో కామెంట్లు ఎలా రాయాలో నన్నే కెలికి మరీ రాయించాడు నా గురువు మలక్పేట్ ....ఈ రోజు ద గ్రేట్ భాస్కర్ రామరాజు గారు తరువాత బజ్లో అన్ని పోస్ట్లు రాయగలుగుతున్నానంటే that credit goes to the great man, the greatest man, the legend, legendary, greatest man in world , బ్లాగర్ అన్న పదానికే అర్ధం తీసుకొచ్చిన మనిషి , ప్రపంచ బ్లాగ్ చరిత్రలో గ్రేట్ మాన్ మలక్పేట్ చలవే.... నా మంచికీ చెడ్డకూ.....

చివరిగా, మొన్న ఆలమూరు సౌమ్య గారన్నారు. ఈ మద్య మీ పోస్ట్లో కామెంట్లు ఎందుకు రావడం లేదు అని. ఎందుకంటే you are not a బ్లాగ్ లెజెండ్, నువ్వు బ్లాగుల్లో లెజెండ్ వి కాదు. నువ్వో సెలెబ్రిటివీ అన్నారు. ఈ బ్లాగు ముఖంగా నేను అందరినీ అడగాలనుకుంది ఏంటంటే .... అసలు బ్లాగు లెజెండ్ అంటే ఏంటి ? బ్లాగు సెలెబ్రిటి అంటే ఏంటి ? అని .... ఒక పోస్ట్ వేసి 'బ్లాగ్ లెజండరీ అంటే బ్లాగ్ మొదలెట్టిన ఇన్నాళ్ళకు మీకు ఇన్ని ఫిక్సెడ్ కామెంట్లోస్తాయని, బ్లాగ్ సెలెబ్రిటి అయితే ఇన్నోస్తాయి' అని రాయండి....

నేననుకున్నాను మన తెలుగు బ్లాగుల్లో ఆక్టివ్ గా రాసేవాళ్ళలో అనానిమస్ల నుండి కూడా అప్రిషియేషన్ కామెంట్స్ వచ్చేది నాకే, అది లెజెండ్రికాదా ?

సరదాగా రాసిన పోస్ట్ కే యాబై కామెంట్స్ వచ్చాయి అది లెజెండ్రీ కాదా?

ప్రాంతాలకతీతం గా, సబ్జెక్ట్ ఏదయినా రోజుకి కనీసం పది కామెంట్స్ పెడతా అది లెజెండ్రీ కాదా ?

బజ్జులో పోస్ట్ వేస్తే మినిమం పది లైకులు వస్తాయి... అది లెజెండ్రీ కాదా ?

బ్లాగులో పాతిక మంది, బజ్జులో నూట పాతిక ఫాలోవర్స్ సంపాదించా అది లెజెండ్రీ కాదా ?

సంచిలో మంచు, మంచు చెప్తే వినాలి అంటూ బజ్జులో మంచు ని తలచుకోని రోజు ఉన్నాదండీ ?.... అది లెజెండరీ కాదా?

వేణు శ్రీకాంత్ గారు, లెజెండ్రి కాదా ? చెప్పండీ ? వేణు శ్రీకాంత్ గారు లెజెండ్రి కాదా ? వేణు శ్రీకాంత్ గారి బ్లాగ్ విజిట్ చేసారు... ఓ నాలుగూ కామెంట్లు మాత్రమే రాసారు. పుట్టిన రోజు శుభాకాంక్షలు చెప్పారు. ఫేస్ బుక్ లో కొన్ని వందల కామెంట్లు వస్తాయి వేణు శ్రీకాంత్ గారికి. మరి ఇది న్యాయమా ?

మరి కృష్ణ ప్రియ గారు.... మనందరి అభిమాన బ్లాగర్ ..... నా అక్క కృష్ణ ప్రియ గారు ... ఆవిడ బ్లాగ్ లో ఒక మంచి పోస్ట్ వేస్తే ... ఆ బ్లాగ్ పోస్ట్ కి లింక్ బజ్జ్ లో ఇవ్వడానికీ ఆలోచిస్తారటండీ ? ఆవిడ బజ్ పోస్ట్ రీషేర్ చేద్దామా వద్దా అని అలోచిస్తారటండీ.... Yes I will ask all these questions because blogger.com is not for one body. ఒక్కరిది కాదు ఈ గూగిల్ బజ్. ఎంతో మంది పోస్ట్లు వేస్తేనే మాలిక వృద్ది చెందుతుంది.

మన ఒంగోల్ శీను గారు ఫేమస్ బ్రాహ్మీ ఫ్యాన్, బ్రాహ్మీ మీద ఒక పోస్ట్ వేస్తే మూడు వందల మంది రీషేర్ చేసారు ... ఆయనకిచ్చారండి లెజెండ్ స్టేటస్ ? మన ప్రవీణ్ శర్మ గారు... తెల్లవారుజామున మూడు గంటలకి లేచి పోస్ట్లు రాస్తారు...... తలతోక లేకుండా రోజుకి వంద కామెంట్లు రాస్తారు... ఆయనా లెజెండరీ కాదు... వాడిక్కడే ఎక్కడో ఉన్నాడు రాజ్ కుమార్ గాడు.... వాడొక ఫోటోగ్రాఫ్ బ్లాగర్ గా హిట్టూ, పంచ్ బ్లాగర్ గా హిట్టూ, కామెడి బజ్జర్ గా హిట్టూ వాడికీ ఇవ్వలేదు కనీసం సెలబ్రిటి స్టాటస్...

ఇలా ఎంతో మందిని చూసి నా బ్లాగ్ లో కామెంట్లు రాలేదని అడుగుతామా ? రీడర్ల ఆశీస్సులుండాలి, బ్లాగ్ కి మంచి పేరు రావాలి, పదిమందికి ఉపయోగపడాలి.. ఈ కామెంట్లు నాకు అక్కరలేదూ అనుకున్నాను. బ్లాగామ తల్లి సేవే చాలనుకున్నా....

మై డియర్ ఫ్రండ్స్, భగవంతుడు ఉన్నాడు. మళ్ళీ మాలిక నెక్స్ట్ రిలీజ్ కి ఉంటామొ లేదో తెలియదు. నిత్యం సన్నిహితో బ్లాగ్ క్రాష్ కర్తవ్యో ధర్మ సంగ్రహ: అన్నారు పెద్దలు. ప్రతీ క్షణం గూగిల్ సర్వర్ ఓవర్ లోడ్ అవుతూ ఉంటుంది .. ఎప్పుడు బ్లాగర్.కాం క్రాష్ అయ్యి మన పోస్ట్లన్నీ పోతాయో తెలీదు.

బ్లాగర్స్ నా మనసులో ఉన్నది చెప్పాను... ఏదేమైనా ఈ రోజు నా బ్లాగ్ కి , నా బజ్జ్ కి , నా చేతికి ఇలా ఏదో ఒకటి రాయాలన్న దురద పుట్టడానికి కారణం అయిన ప్రతి ఒక్కరికీ నమస్కారాలు తెలియచేసుకుఉంటూ సెలవు తీసుకుంటాను.

నేను బ్లాగ్ లెజెండ్ ని కాదా ? మీరే చెప్పండి...

- మంచు

ఈ పోస్ట్ కేవలం సరదాగా రాసింది. ఈ పోస్ట్ లో ఉదహరించిన బ్లాగర్లు అందరూ నాకు మంచి స్నేహితులు కాబట్టి వాళ్ళ పేర్లు డైరెక్ట్ గా రాయడం జరిగింది.

సూపర్ ఆనంద్

2011-05-23T00:51:00.000-04:00

*** శ్రీ రామ ***

ఫొటొలొ ఉన్న వ్యక్తిని చూసారు కదా. అతి సాధారణ దుస్తుల్లొ , ఇద్దరు ముగ్గురు బాడీగార్డ్ లతొ బీహార్ రాజధాని పాట్నాలొ నివసించే ఇతను మీలొ చాలా మందికి ఇప్పటికే తెలిసి ఉండొచ్చు అనుకోండి.

1973 జనవరి ఒకటవ తారీఖున పాట్నా నగరం లొని ఒక సాధారణ కుటుంబం లొ జన్మించాడు అనంద్ కుమార్. అతని తండ్రి పొస్ట్ ఆఫీసులొ పనిచేసే ఒక క్లర్క్. అతని కుటుంబానికి ప్రైవేట్ స్కూల్ లొ చదివించేటంత స్తొమత లేకపొవడం తొ అతని చదువు ప్రభుత్వ పాఠశాలలొ హింది మీడియం లొనే సాగింది. చిన్నప్పటినుండి మన ఆనంద్ కి గణిత శాస్త్రం అంటే అమితమయిన ఆసక్తి. డిగ్రీ చదువుతున్నప్పుడు "నెంబర్ థీయరి" మీద అతను రాసిన పేపర్లు ఇంగ్లాండు లోని Mathematical Spectrum and The Mathematical Gazette సంస్థల జర్నల్స్ లో ప్రచురితమయ్యేవి. గణిత శాస్త్రంలొ ఇతను చూపిస్తున్న ప్రతిభ కి మెచ్చిన ఎంతొమంది గణిత శాస్త్ర అధ్యాపకులు అతనికి ప్రొత్రాహం అందించేవారు. డిగ్రీ చదువుతున్న రోజుల్లోనే అతని గురువు దేవి ప్రసాద్ వర్మ సహకారం తొ పాట్నాలొ ఒక మేథమెటిక్స్ క్లబ్ ని నెలకొల్పాడు. గణితశాస్తం పై ఆసక్తి ఉన్నవారు ఎవరయినా అందులొ చేరవచ్చు అన్నమాట. అయితే అతని ప్రతిభకి తగ్గ అవకాశం 1994 లొ కేంబ్రిడ్జి యూనివర్సిటీ రూపం లొ వచ్చింది. ప్రపంచ ప్రఖ్యాతిగాంచిన కేంబ్రిడ్జ్ యూనివర్సిటీలొ పై చదువులు చదివే అవకాశం దక్కినా , అదే సమయానికి అతని తండ్రి మరణించడం, కుటుంబం తీవ్ర ఆర్ధిక ఇబ్బందులలొ ఉండటం తొ అతను ఆ అవకాశాన్ని అందిపుచ్చుకొలేకపొయాడు. అతని చదువుకి ఆర్ధిక సహాయం అందించే దాతకొసం ఇంచుమించు సంవత్సరం పాటు ఎదురుచూసినా ఫలితం దక్కలేదు. ఆఖరికి ప్రముఖ దిన పత్రిక ద హిందు అతని ప్రతిభ గురించి, అతనికి కావాల్సిన ఆర్ధిక సహాయం గురించి ఒక ఆర్టికల్ రాసినా అతనికి సహాయం అందించడానికి ఎవరూ ముందుకు రాలేదు. అలా అతని పై చదువుల కల అక్కడితో ఆగిపొయింది.

అతనికి గణిత శాస్త్రం మీద ఎంత మక్కువంటే అప్పట్లొ పాట్నా గ్రంధాలయం లొ అంతర్జాతీయ జర్నల్స్ లభ్యమవకపొవడంతొ, అవి చదవడానికి వారాంతం లొ ఆరుగంటలు రైలు ప్రయాణం చేసి వారణాసి వెళ్ళేవాడు. అక్కడ అతని తమ్ముడి హాస్టల్ రూం లో ఉంటూ శని, ఆదివారాలు బెనారస్ హిందూ యూనివర్సిటి లొని సెంట్రల్ లైబ్రరి లొ గడిపి సొమవారం పాట్నా వచ్చేవాడు. మిగతా రోజుల్లొ ఉదయంపూట గణిత శాస్త్రం మీద పని చేస్తూనే కుటుంబాన్ని పొషించడానికి సాయింత్రం పూట తన తల్లి తొ కలసి రోడ్డు మీద అప్పడాలు అమ్మేవాడు.

అలా కస్టపడి చదువుకుని, ఒక మంచి ఉద్యొగం సంపాదించి, జీవితంలొ బాగా స్థిరపడితే చాలు అనుకుని ఉంటే అతను చాలామందిలా ఒక సామాన్య ఉద్యోగస్తుడిగా మిగిలిపొయేవాడేమో. అయితే మన ఆనంద్ అలొచనలు అక్కడితో ఆగిపొలేదు. పేదరికం వల్ల చిన్నప్పటి నుండి తనకు అందకుండా పొయిన ఉన్నత ప్రమాణాలు కలిగిన విద్యను తనకు వీలయినంతలో కొందరు పేదవారికయినా అందించాలని అనుకున్నాడు. అప్పుడు పుట్టిందే " రామనుజం స్కూల్ ఆఫ్ మేథమెటిక్స్". ఇందులొ వివిధ కాంపిటిటివ్ పరీక్షలకి ప్రిపేర్ అవుతున్న పేద విధ్యార్దులకి ఉచితం గా శిక్షణ ఇచ్చేవాడు. కొన్నాళ్ళకి ఇదే అలొచనను ఇంకా సీరియస్ గా తీసుకుని పాట్నా వచ్చి ఉండటానికి భోజనం , హాస్టల్ ఖర్చులు కూడా భరించలేని కఠినమయిన పేదరికం లొ ఉన్న వారిని ఆదుకొవాలని నిర్ణయించుకున్నాడు. వెంటనే ముంబై లొ నివసిస్తున్న అతని బ్రదర్ ప్రవీణ్ కుమార్ ని పిలిపించి విన్నూతనమయిన అతని అలొచన వినిపించి అతనికి సహాయంగా పాట్నాలొనే ఉండమన్నాడు. అప్పుడు పుట్టిన ఐడియానే ఇప్పుడు ప్రపంచ ప్రఖ్యాత గాంచిన " సూపర్ 30 ".

ఈ సూపర్ 30 ప్రొగ్రాంలొ అత్యంత కఠిన పేదరికం లొ మగ్గుతున్న కుటుంబాలలొనుండి 30 మంది అత్యంత ప్రతిభావంతులని ప్రవేశ పరీక్ష ద్వారా ఎంపిక చేసి వాళ్ళకి ఒక సంవత్సరం పాటు ఐఐటి ప్రవేశపరిక్షకి ఉన్నత ప్రమాణాలు కలిగిన శిక్షణ ఇస్తారు. అయితే ఆ ముప్పయ్ మందికి చదువు చెప్పడం తొనే ఆగిపొలేదు. వారి కుటుంబాలు కనీసం ఈ పిల్లలని పాట్నా పంపించి చదివించే స్తొమత లేని కుటుంబాల నుండి ఎంపిక చేసిన వారు కావడం తొ వాళ్ళు ఉండటానికి ఉచిత వసతి , భోజనం కూడా ఏర్పాటు చేయ్యాలి. ఈ ఏర్పాట్లు చెయ్యడం లొ అతనికి తన కుటుంబం అతనికి ఎంతొ సహకారం అందిస్తుంది. ఈ సూపర్ 30 ప్రొగ్రాం కి కావలసిన ఫండ్స్ కొసం ఆనంద్ వేరే కాలేజీల్లొ కూడా పని చేస్తుంటే... అతని తల్లి ఈ ముప్పయ్ మందికి స్వయంగా వండి పెడుతుంది.

ఈ సూపర్30 లొ సీటు పొందిన విద్యార్దులకి ఉచిత వసతి, ఉచిత భొజనం అన్నీ ఆనంద్ కుటుంబం సమకూరుస్తుంటే ఇక వారికి మిగిలిన అలొచన ఒక్కటే ... చదువు... చదువు... చదువు... 2003 లొ స్తాపించిన ఈ సూపర్ 30 సంస్థ మొదటి సంవత్సరం లొనే 30 లో 18 మందికి ఐఐటిల్లొ సీట్ సంపాదించిపెట్టడం అతనికి చాలా సంతృప్తి మిగల్చడం తొ పాటు మరింత అంకితభావంతో పనిచెయ్యడానికి మంచి ఉత్సాహాన్ని నింపింది. అలాగే 2004 లొ 30 కి 22, 2005 లొ 30 కి 26, 2006 మరియూ 2007 లొ 30 కి 28 మంది సీట్లు సంపాదించగా... అతను ఎదురుచూస్తున్న మేజిక్ ఫిగర్ 2008 లొ వచ్చింది. అదే 30 కి 30. అతను కొచింగ్ ఇచ్చిన 30 మందికి ఐఐటి లొ ప్రవేశం దక్కింది. అదే మేజిక్ ఫిగర్ 2009 , 2010 లొ కూడా సాధించి హ్యాట్రిక్ సాధించారు ఆ సూపర్ 30 సంస్థ సూపర్ విద్యార్ధులు.

ఇతని అద్భుతమయిన వర్క్ కి 2009 సం || నుండి అంతర్జాతీయ గుర్తింపు రావడం మొదలయ్యింది. 2009 సం || లొ డిస్కవరి చానల్ లొ, కెనడియన్ టీవి సీరీస్ విట్నెస్స్ లొ అతని సూపర్ గురించి ప్రొగ్రాం రావడం, 2010 సం|| లొ ప్రఖ్యాత టైం మేగజైన్ అతని స్కూల్ ని ఆసియాలొని బెస్ట్ స్కూల్స్ లొ ఒకటిగా గుర్తించడం, న్యూయార్క్ టైమ్స్ పత్రిక ఇతని గురించి అరపేజీ పైగా కేటాయించి రాయడం, బిబిసి లో ఇతని గురించి వచ్చిన ప్రొగ్రాం, ఒక ప్రఖ్యాత జపాన్ చానల్ ఇతనిపై డాక్యూమెంటరి తియ్యడం.... ఇవన్నీఆనంద్ కుమార్ ప్రతిభని ప్రపంచ నలుమూలలా చాటాయి.. లేటెస్ట్ గా న్యూస్ వీక్ మేగజైన్ ఇతని స్కూల్ ని ప్రపంచంలొని నాలుగు మోస్ట్ ఇన్నొవేటివ్ స్కూల్స్ లొ ఒకటిగా పేర్కొంటే, ఫొకస్ అనే యూరొపియన్ పత్రిక ఇతని అకాశానికి ఎత్తేసింది. ఒబామా దూతగా ఇండియాలొ పర్యటించిన రషీద్ హుస్సేన్ సూపర్ 30 ని ఇండియాలొనే ద బెస్ట్ ఇన్స్టిట్యూట్ గా అభివర్ణించారు. బీహార్ ప్రభుత్వం మౌలానా అబుల్ కలాం అజాద్ పురస్కారం తొ గౌరవించింది. మరికొన్ని ఇక్కడ చూడండి.

ఈ సూపర్ 30 సూపర్ సక్సస్ సాధించడం తొ ఎన్నారైలు మరియూ ప్రబుత్వం దగ్గరనుండి ఆర్ధిక సహకారం, అనేక జాతీయ, అంతర్జాతీయ సంస్థల నుండి ఉద్యోగ ఆఫర్లు వచ్చినా అతను వాటిని సున్నితంగా తిరస్కరించాడు. అయితే అది బీహార్...... అక్కడ ఆఫర్లు తిరస్కరిస్తే అంత సులభంగా వదిలెయ్యరు. మన అమీర్పేట్ లొ లాగ పాట్నా కూడా అనేక జాతీయ ప్రవేశ పరీక్షలకు ఇచ్చే కోచింగ్ సెంటర్లకి ప్రసిద్ది చెందింది. ఐఐటి కోచింగ్ నుండి ఐయేఎస్ వరకూ అన్ని కోచింగ్ సెంటర్లూ అక్కడ ఉంటాయి. అలానే కోచింగ్ సెంటర్ మాఫియా కూడా. ఇతన్ని వాళ్ళ కోచింగ్ సెంటర్స్ లొకి చేర్చుకొవడానికి అనేక వత్తిళ్ళు తీసుకొచ్చినా , ఆఖరికి అతని సూపర్ 30 ఉద్యోగి ఒకరు ఈ మాఫియా చేతిలొ హత్యకు గురైనా ఆనంద్ చలించలేదు. అఖరికి ముఖ్యమంత్రి నితీష్ కూమార్ కల్పించుకుని ప్రబుత్వం తరపున ఆనంద్ కుమార్ కి భద్రతగా బాడీ గార్డ్ లు నియమించిది. అయితే ఈ మాఫియా అక్కడి తొ ఆగలేదు. ప్లాన్ బి దిగి అనేక ఫేక్ సూపర్ సంస్థలు స్తాపించాయి. "రాజా సూపర్ 30″, “నకిలీ సూపర్ 30″, “ గయా సూపర్ 30″ ఆఖరికి “ఒరిజినల్ సూపర్ 30″ అని కూడా. అయితే ఈ ఒత్తిళ్లకు ఆనంద్ లొంగలేదు కానీ 2008 సం || లొ ఆనంద్ కుమార్ సూపర్ 30 లొ శిక్షణ పొంది ఐఐటి లొ సీట్లు సాధించిన ముగ్గురు విద్యార్ధులను ఈ మాఫియా డబ్బులు ఆశచూపి తమ సంస్థలలొ శిక్షణ పొందినట్టుగా ప్రచారం చెయ్యడం తో తీవ్రం గా మనస్తాపం చెందిన ఆనద్ కుమార్ ఇక ఈ సూపర్ 30 సంస్తను పూర్తిగా మూసివెయ్యాలని నిర్ణయించుకున్నాడు. అయితే ఆ ముగ్గురు విద్యార్ధులు చివరకు ఆనంద్ కుమార్ కి క్షమాపణ చెప్పి నిజం బయట పెట్టడం తొ ఆ వివాదం సర్దుమణిగింది. అలాగే 2008 వరకూ అతని తొ పాటు నడిచిన అభయంకర్ అనే ఐపిఎస్ ఆఫీసర్ అనేక రాజకీయ వొత్తిళ్ళకి లొంగి ఆనంద్ నుండి విడిపోయి 30 మంది పేద ముస్లిం విధ్యార్ధులకి శిక్షణ ఇచ్చే వేరే సూపర్ 30 స్థాపించాడు .

ఇప్పుడు అతని ఆశయం సూపర్ 30 లాగానే పేదవారికి ఒక స్కూల్ ఏర్పాటు చెయ్యడం. అతని స్టుడెంట్లలో ఎవరయినా ఎప్పటికయినా నొబెల్ సాదిచాలని అతని ఆశ అట.

మన ఆనంద్ కుమార్ ఇంకా ఎన్నో విజయాలు సాధించాలని, మరిన్ని ఉన్నత శిఖరాలు అందుకొవాలని, ఎంతొమందికి భవిష్యత్ ఆనంద్ కుమార్ లకి ఇన్స్పిరేషన్ గా నిలవాలని మనస్పూర్తిగా కోరుకుంటూ...

- మంచు

మరికొన్ని వివరాల కోసం సూపర్౩౦

ఖండించేద్దాం .... పొయిందేముంది ........

2011-04-09T05:05:00.003-04:00

*** శ్రీ రామ ***

'అప్పుడే తెల్లారిందా' అనుకుంటూ .... కళ్ళను బలవంతంగా తెరవడానికి ప్రయత్నిస్తూ... మంచం మీద బద్దకంగా కదులుతున్నాను.... పక్కలో ఎక్కడో మూల పడి ఉన్న సెల్ ఫోన్ వెతికి పట్టుకుని ఆ సగం మూసిన కళ్ళతో టైం చూద్దును కదా.. తొమ్మిది చూపిస్తుంది. పదిగంటలకు మీటింగ్ ఉంది అన్న సంగతి గుర్తురాగానే నిద్రమత్తు మొత్తం వదిలిపోయింది. ప్రతీరోజులాగానే నా మొద్దునిద్ర కు నన్ను నేనే తిట్టుకుంటూ ఉరుకులు పరుగుల మీద తయారయ్యి ఇంటినుండి బయట పడ్డా. బండి తీసి ఫుల్ స్పీడ్ లో నడుపుతున్నా కానీ "Murphy's Law" లాగ మనకి ఎప్పుడు అర్జెంట్ పనుంటే అప్పుడే ట్రాఫిక్ సిగ్నల్స్ మన సహనాన్ని పరీక్షిస్తూ ఉంటాయి. అలానే సిగ్నల్ రెడ్ పడింది ... ఒక పక్క మీటింగ్ కి టైం అయిపోతుంది అన్న ఆదుర్దా ఇంకోపక్క సిగ్నల్ దగ్గర ఎవడో సైడ్ ఇవ్వకపోవడం వల్ల అక్కడే ఆగిపోయి మోగిస్తున్న అంబులన్స్ సైరెన్ సౌండ్. ఇలా చిరాకులో ఉండగానే ఎవరో అరవడంతో ఆ అడ్డువున్నవాడు అంబులన్స్ కి దారి ఇవ్వడం, అదే సమయం లో నా బుర్రలో మంచి ఐడియా తట్టడం ఒకేసారి జరిగాయి. ఆ ఐడియా ప్రకారం ఆ అంబులెన్స్ వెనుకే నేనూ బండి పోనిచ్చా... కొంచెం దూరం వెళ్ళాక పక్కనుండి రేయ్ మని పోనిచ్చి అంబులెన్స్ ఓవర్ టేక్ చేసి ముందుకు దూసుకొచ్చా.. నా ఖర్మగాలి మళ్ళీ ఇంకో సిగ్నల్ రెడ్ పడింది ..అయితే ఈ సారి ఆగదలచు కోలేదు.. పెద్ద ట్రాఫిక్ లేదులే అనుకుంటూ రెడ్ సిగ్నల్ దాటానో లేదో ...అప్పటివరకు ఏ మూల దాక్కున్నాడో వేస్ట్ ట్రాఫిక్ కానిస్టేబుల్ వెంటనే పట్టేస్కున్నాడు. నెలాఖరు కదా ఎక్కడపడితే అక్కడ ఉంటారు అని ట్రాఫిక్ పోలీసులను తిట్టుకుంటూనే బండి ఆపాను. సిగ్నల్ జంపింగ్ కింద 300 రూపాయలు ఫైన్ అంటాడు... అర్జెంట్ పనిమీద వెళ్తున్నా కాబట్టి దాటాల్సి వచ్చింది అని ఎంత బ్రతిమిలాడినా వదలడే.. వాడితో బేరాలాడితే నాకే టైం వేస్ట్ అని ఒక వంద వాడికి సమర్పించుకుని ఆఫీసుకి చేరాను.

***

అప్పటికే మీటింగ్ స్టార్ట్ అయ్యింది... లాస్ట్ సీట్లు అన్నీ ఆక్యూపై అయిపోయాయి... మీటింగ్ కి లేట్‌గా వస్తే ఇదే సమస్య.. ఫ్రంట్ కూర్చుని చెప్పేవాడి వంక చూస్తూ ఆ సొదంతా వినాలి. మెయిల్ చూడడం కుదరదు,sms లు చెయ్యడం కుదరదు. తిట్టుకుంటూ కూర్చున్నా... అప్పటికే పావుగంట లేట్ అయినా ప్రెజంటేషన్ ఇచ్చేవాడు ఇంకా ప్రొజెక్టర్ తో కష్టపడుతున్నాడు. ఈ లోపు పక్క సీటువాడు "ఏంటి బాబాయ్ ఇంత లేట్" అని పలకరించాడు.

"రాత్రి సినిమా చూసి పడుకున్నా లేట్ అయిపొయింది" అని సమాధానం చెప్పాను.

"ఎం సినిమా" అని అడిగాడు.

" ఏదో ఇంగ్లీష్ సినిమారా...నెట్ దొబ్బేసింది ... అది డౌన్లోడ్ అయ్యేసరికే 12 అయ్యింది ..చూసి పడుకునే సరికి 2 ..పొద్దున్న మెలుకువరాలేదు.. ఖర్మకాలి మధ్యలో ట్రాఫిక్ పోలీసు పట్టుకున్నాడు... వాడికో వంద కొట్టి వచ్చా... ఆ అంబులెన్స్ అడ్డంపెట్టుకుని చాల దూరం వచ్చా కానీ లేకపోతే చాలా కష్టం ఆ ట్రాఫిక్ లో "

" పర్లేదు లే ... నువ్వోచ్చేసరికి ఇంకా స్టార్ట్ అవలేదు గా " అన్నాడు ...

***

ఆ మీటింగ్ ముగించి కాఫీకి వెళ్ళాం... అక్కడ గ్యాంగ్ అంతా ఉంది...

"అరేయ్... ఇన్‌కంటాక్స్ సేవింగ్స్ కి ప్రూఫ్ లు సబ్మిట్ చెయ్యాలి కదా... ...నేను వెళ్లి మ్యూచువల్ ఫండ్ కట్టి వస్తారా " అన్నాడు మా ఫ్రెండ్ అక్కడనుండి లేస్తూ...

" ఎం టాక్సోరా... మనం సంపాదించినదంతా దోచేస్తున్నారు... " నిట్టూరిస్తూ అన్నా...

" ఎం రా... నీకు సేవింగ్స్ ఏమీ లేవా " అని అడిగాడు ఇంకొకడు...

" ఎన్ని అని చేస్తాం రా ..మనమా షేరింగ్ అపార్ట్మెంట్... మన వాటా అద్దె పెద్ద కాదు..ఇక షేరింగ్ కాబట్టి రెంట్ రిసీట్ మాలో ఒకడికే వస్తుంది.... అందువల్ల హెచ్ ఆర్ ఏ మొత్తం అక్కడే పోతుంది " అన్నాను.

" అదేంటి రా.. ఒరిజినల్ బిల్లులు పెడతావా.. " అంటూ పెద్ద కొండ తింగరోడిని చూసినట్టు ఎక్స్ప్రెషన్ ఇచ్చారు అందరూ...

నేను కొంచెం అయోమయంగా చూస్తుండగానే...

"అరే.. నీకు ఎంత అద్దె కావాలంటే అంత రాస్కో ...నేను ఓనర్ సంతకం పెడతా" అని ఒకడు బంపర్ ఆఫర్ ఇచ్చాడు... ఇంకొకడు మెడికల్ ఎలవేన్స్ కోసం దొంగ మెడికల్ బిల్లులు ఎక్కడ దొరుకుతాయో చెప్తుంటే , ఇంకొకడు LTA కోసం తను ప్రింట్ చేయించిన దొంగ రిసీట్స్ బుక్ ఆఫర్ చేస్తుంటే... ఆహ స్నేహం అంటే ఇదే అని పొంగిపోయాను. మొత్తం వివరాలు అన్నీ సంపాదించి వచ్చి సీట్లో కూర్చున్నా.. ఈ రోజు ఎలా చూసినా ఒక 20 వేలు టాక్స్ సేవ్ చేసినట్టే..మాంచి ఆనందంగా ఉంది. అయినా మన లెగ్ ఎప్పుడూ గోల్డెన్ లెగ్... ఇంజనీరింగ్ లో అందరూ వేలకు వేలు ఫీజ్ కడితే.. మనం ఒక 500 రూపాయిలు కొట్టి ఎకనమికల్లీ బ్యాక్వర్డ్ అని సర్టిఫికేట్ సంపాదించి వందల్లో ఫీజు కట్టి ఇంజనీరింగ్ చదివేసా...

ఎంతమందికి ఇన్ని తెలివి తేటలు ఉంటాయ్...అని నాకు నేనే భుజాలు తడుముకున్న్నా :-)

***

లంచ్ ముగించి సీట్లో కూర్చున్నానో లేదు నాన్నగారి దగ్గరనుండి ఫోన్...

" ఎరా... మన పక్క స్థలం అమ్మేస్తారని చెప్పాకదా దానిగురించి ఏమయినా ఆలోచించావా " అంటూ

" బడ్జెట్ ఎక్కువ అవుతుందేమో నాన్నా.. పది లక్షలు అంటున్నావ్.. ఇంకా రిజిస్ట్రేషన్ , బ్రోకేర్ ఫీజు ఇలా చాలా ఉంటాయ్ కదా "

" పది లక్షలు చెప్తున్నారు రా.. రిజిస్ట్రేషన్ ఫీజు ఇంకో పది వేలు వేస్కో.. బ్రోకర్ ఫీజు....." అని చెప్తుండగా మద్యలో కట్ చేసి

" అదేంటి మొన్న నెట్ లో చూసా.. ఆ రేట్ ప్రకారం పదిలక్షలకి రిజిస్ట్రేషన్ ఫీజు ఇంకా చాలా ఎక్కువ వచ్చింది నాకు " అని అడిగా

" కొన్న రేట్ కి ఎవరన్నా రిజిస్ట్రేషన్ ఫీజు కడతారట్రా ...కొనేది పదిలక్షలు అయినా అక్కడ గవర్నమెంట్ రేటు లక్షే ఉంది .. అందువల్ల రిజిస్ట్రేషన్ ఫీజు ఆ లక్షకే కదా "

" ఓ కదా... పాయింట్ మిస్ అయ్యా... సరే నేను పర్సనల్ లోన్ కి అప్ప్లై చేస్తా.....తీస్కుందాం...వాడికి అడ్వాన్స్ ఇచ్చి ఉంచు "

అని ఫోన్ పెట్టా... ఈ రోజు అన్ని పిచ్చపిచ్చగా కలసి వచ్చేస్తున్నాయ్....

***

బోల్డు మెయిల్స్ పెండింగ్ ఉండిపోయాయి అని చూస్తున్నా .. ఒక మెయిల్ లో కజిన్ కి mathlab సాఫ్ట్వేర్ కావాలట... ఎలాగయినా సంపాదించామని రాసాడు... వెంటనే IISC లో ప్రాజెక్ట్ చేస్తున్న మా ఫ్రెండ్ కి ఫోన్ చేశా... వాడిని రివిజన్ 14 అడిగితే ..."ఇంకా రివిజన్ 14 ఏంటి గురూ..15 వచ్చేసింది కదా" అన్నాడు. నాకు తెలుసు ఈ IISC వాళ్ళు తక్కువోళ్ళు కాదని... సాఫ్ట్వేర్ ఇలా రిలీజ్ అవ్వడం పాపం...అలా పాస్వర్డ్ బ్రేక్ చేసేస్తారు. వీళ్ళ తెలివితేటలే తెలివితేటలూ అనుకుంటూ ...."సరే వీకెండ్ కి వచ్చి కలెక్ట్ చేసుకుంటా...సి డి రాసి ఉంచు" అని చెప్పేసి ఫోన్ పెట్టా...

***

3 అయింది అని కాఫీకి వెళ్లోచ్చి అ రోజు పనికి కూర్చున్నా...మా కంపెనీలో చాలామంది లాగానే...నా వర్కింగ్ హవర్స్ మద్యాహ్నం నాలుగు నుండి మొదలవుతాయి. అలా అని అసలు పనే చెయ్యం అని కాదు... ప్రైవేట్ కంపెనీ కాబట్టి పనిచెయ్యకపోతే వెంటనే ఉద్యోగం ఊడుతుంది అనుకోండి... నాలుగు నుండి సీరియస్ గా పని చేస్కుంటున్నా... ఆరు గంటలుకి స్నాక్స్ తిని కూర్చున్నా ..ఈలోపు కార్తీక్ గాడు పింగ్ చేసాడు. వాడు ఆన్ సైట్ కని అమెరికా వెళ్ళాడు...

"హాయ్ ...రా " అన్నాడు వాడు ...

" ఏంట్రా అప్పుడే వచ్చావ్ ... ఆఫీస్ కి.."

" ఇక్కడ అమెరికాలో ఈ టైం మామూలే రా... అయినా ఇక్కడ పని వాచిపోతుంది రా బాబు.."

" ఎం అంతకంతా డాలర్లు వస్తున్నాయి కదా..." కొంచెం కుళ్ళు గా అన్నాను...

" ఎం డాలర్లు రా బాబు... చిరాకొస్తుంది... దీనికన్నా ఇండియా లో హాయిగా ఫ్రీగా ఉద్యోగం చేస్కుంటే ఎంత సుఖం గా ఉంటుందో..."

అక్కడున్న ప్రతీవాడు ఇలానే చెప్తాడు ...కానీ ఎవడూ రాడు అనుకుంటూ...

"మరి ఎప్పుడొస్తున్నావ్" అని అడిగాను

" ఏమోరా... నీ ఆన్ సైట్ గురించి ఎమన్నా చెప్పాడా మానేజర్ " అని అడిగాడు వాడు

" ఇంకా ఏం చెప్పలేదు.. చెప్పడు రా వాడు.. వాడికి నేనంటే పడదు... కనీసం ఒక్క సంవత్సరం అయినా పంపొచ్చు కదా ... ఎప్పుడు చూసినా బడ్జెట్ బడ్జెట్ అంటాడు.. ఈ బ్రేక్ ఇన్స్పెక్టర్ ఉద్యోగానికి పది లక్షలు, కానిస్టేబిల్ ఉద్యోగానికి 5 లక్షలు అని మార్కెట్లొ రేట్ ఉన్నట్టు ఈ ఆన్‌సైట్ కి కూడా ఏదన్నా రేట్ ఉంటే ఈపాటికి ఎప్పుడో వచ్చేవాడిరా..." అని చెబుతున్నా ... ఈ లోపు ...

" మళ్ళీ అడిగి చూడరా.... సరే నేను ఉంటాను" అని బై చెప్పేసాడు...

మళ్ళీ పనిలో మునిగిపోయా... రాత్రి 8 :30 కి అమెరికా కౌంటర్ పార్ట్ పింగ్ చేసాడు... " are you there " అంటూ ...

"యా" అన్నా...

"ఇంకా పని చేస్తున్నావా" అని వాడి ఆశ్చర్యం...

" అవును... ఇండియా లో రాత్రి పదింటి వరకు పని చెయ్యడం కామనే... మీరు ఆరింటికే వెళ్ళిపొతారనుకుంటా కదా "అని అడిగాను ..

" అవును ... అయినా మీ ఇండియన్స్ బాగా కష్టపడతారు... సరే...ఇక వెళ్లి రెస్ట్ తీస్కో " అని చెప్పేసి వెళ్ళిపోయాడు..

వాడు అలా టైం గుర్తు చేసేసరికి నాకు వెంటనే అలసట వచ్చినట్టు అనిపించింది...వెంటనే బైక్ తీసుకుని ఇంటికి బయలుదేరబోతున్నా ...ఫ్రెండ్ కాల్ చేసాడు... అరేయ్ మన ప్రభాకర్ గాడు పార్టీ ఇస్తున్నాడు...ఇప్పుడే డిసైడ్ చేసాం...వెంటనే వచ్చేయ్ అని పిలుపు...

****

ఆహా అనుకుంటూ... వాడు చెప్పిన రెస్టారెంట్ వైపు బండిపోనిచ్చా...అప్పటికే అందరూ వచ్చేసారు. ఆర్డర్ ఇచ్చేసారు. హెల్మెట్, జర్కిన్ పక్కన పడేసి కూర్చున్నా... మా గ్యాంగ్ కలిసిందంటే క్రికెట్ నుండి మొదలు పెట్టి, టాలీవుడ్, బాలివుడ్ అంటూ అన్ని వుడ్ లు టచ్ చేస్తూ, ప్రాంతీయ, దేశీయ, అంతర్జాతీయ రాజకీయాలు , సమస్యలు అన్నీ మాట్లాడేసుకుంటాం. టచ్ చెయ్యని టాపిక్కే ఉండదు. అలా మాట్లాడుకుంటుంటే మా మాటలు ఇప్పుడు హాట్ టాపిక్ అయిన అవినీతి, బ్లాక్ మనీ మీదకి వెళ్ళింది. అందరు వాళ్ళ వాళ్ళ అభిప్రాయాలు చెబుతున్నారు .. హాట్ హాట్ డిస్కషన్ జరుగుతుంది.

" అసలు ఈ రాజకీయ నాయకులు, ప్రభుత్వ అధికారుల వల్లే మన దేశం ఇలా తగలడింది " అని ఒకడు....

" అసలు ఎవడబ్బ సొమ్మని బ్లాక్ మనీ రూపం లో అంతా విదేశాలకి తరలించారు... ఆ డబ్బు తో మన దేశం అప్పులన్నీ తీర్చేయోచ్చు కదా " అని ఇంకోడు....

వై ఎస్ ఎక్కువ అవినీతి చేసాడంటే, అదంతా వై ఎస్ చంద్రబాబు నుండి నేర్చుకున్నదే అని ఇంకోడు...లోక్ జన పాల్ బిల్లు గురించి ఒకడు చెప్తే , లాల్ బహదూర్ శాస్త్రి నిజాయితీ గురించి ఇన్స్పైరింగ్ కథలు ఇంకొకడు చెప్తున్నాడు.

అయితే మాలో మురళి అని ఒకడున్నాడు. వాడు కొంచెం తేడా గాడు. ఊరంతా ఒక దారి అయితే వీడిది వేరే దారి. అప్పుడు వాడి డొక్కులో ప్రశ్న ఏంటంటే

" అరేయ్ ... మీలో ఎంతమంది అదే రాజకీయ నాయకుడి ప్లేస్ లో ఉంటే ఏ రకమయిన అవినీతి చెయ్యకుండా పెర్ఫెక్ట్ గా ఉంటారు" అని ....

వీడేప్పుడు తలతిక్క గాడే అనుకుంటూ "మేం ఎవరు అధికారం లో ఉన్నా పైసా లంచం తీస్కోం... తీసుకున్నా ఏదో తక్కువ అమౌంట్ లో తీస్కుంటాం కానీ ఇలా దేశాన్ని , ప్రజల్నిదోచేయ్యం" అని చెప్పాం...

అయితే వాడు వాడి పాయింట్ పూర్తిగా చెప్పేవరకు వదిలే రకం కాదు.... అయితే దురదృష్టవశాత్తు ఈసారి నన్ను ఉదాహరణ గా తీస్కున్నాడు. ఆ రోజు ఉదయం నుండీ నేనూ చేసిన అవినీతి , తప్పులు చెప్పమన్నాడు ..

"నేనేం చెయ్యలేదు .. ఉదయం నుండీ నిజాయితీగా ఉన్నాను... అయినా నేనేం అవినీతి చెయ్యగలను..నాకేం అధికారం ఉందని " అని కాన్ఫిడెంట్ గా చెప్పాను..

" బాగా ఆలోచించు " అని రెట్టించాడు ..

ఆలోచించడం మొదలు పెట్టాను.....అందరూ సైలెంట్ గా నావంకే చూస్తున్నారు

అంబులెన్స్ ని ఓవర్ టేక్ చెయ్యడం లాంటి చిన్న చిన్న రూల్స్ పాటించకపోవడం లాంటి తప్పులు పక్కన పెట్టినా .... నిన్నరాత్రి చూసిన డౌన్లోడ్ పైరేటెడ్ సినిమా నుండి, ట్రాఫిక్ కానిస్టేబిల్ కి లంచం ఇచ్చి బయటపడటం, ఫేక్ బిల్లులు పెట్టి టాక్స్ సేవ్ చెయ్యడం (ఎగ్గొట్టడం), గవర్నమెంట్ రేట్ కి రిజిస్ట్రేషన్ ఫీజు కట్టి మిగతాది బ్లాక్ మనీ తో కొనడం , దొంగ సర్టిఫికెట్స్ లో తక్కువ ఆదాయం చూపించి తెల్లకార్డులు , ఎకనిమికల్లీ బేక్వార్డ్ అని సర్టిఫికెట్స్ వాడుకోవడం..... పొద్దున్న లేస్తే చేసే ప్రతీ పని లోని అదే ఆలోచన. ప్రబుత్వానికి ఎలా టోపీ వెయ్యాలి , ఎలా డబ్బు మిగిల్చాలి అని.... " ఇలా సాగుతున్నాయి నా ఆలోచనలు .....

నేను మౌనం గా ఉండటం చూసి మురళి గాడు కంటిన్యూ చేసాడు.

" ఇప్పుడు మనకి వచ్చే జీతానికి , చేతిలో ఉన్న అవకాశానికి సరిపడా అవినీతి మనమూ చేస్తున్నాం. ఏ చాన్స్ వదలడం జరగదు. అలాంటిది ఇంకొంచెం అవకాశం వస్తే ఇంకొంచెం అవినీతి చెయ్యమా.... రాజకీయ నాయకులు , ప్రభుత్వ అధికారులు అన్నవారు ఎక్కడో పైనుండి దిగిరాలేదు.. వాళ్ళు మన సమాజం లో ఒక భాగం...మన సమాజానికి ఒక చిన్న సాంపిల్... వాళ్లకి అవకాశం వచ్చింది కాబట్టి తింటున్నారు. అవకాశం లేని వాళ్ళు ఏదో నిజాయితీపరుల్లా నటిస్తున్నారు ...ఈ అవినీతి అన్నది మన రక్తం లో ఇంకిపోయింది"... అంటూ చెబుతున్నాడు...

పెద్దగా ఎవరూ ఎదురు మాట్లాడకపోయే సరికి ఆ టాపిక్ అక్కడితో ఆగిపోయింది కానీ ఆ ఆలోచనలు మాత్రం ఎవరి మనసుల్లోనుండి పోలేదు...

***

ఇంటికి వచ్చాక కూడా అవే ఆలోచనలు చుట్టుముట్టాయి....

నిజమేనా మనకి అవకాశం వస్తే మనమూ అంతే అవినీతికి పాల్పడతామా అని.... నాకు వెంటనే ఒక ఉదాహరణ గుర్తొచ్చింది...

"కొన్నేళ్ళ క్రితం మా మావయ్య ఒకతను ఉద్యోగం సద్యోగం లేకుండా ఒక ఐదు వేలమంది ఉండే చిన్న ఊరికి సర్పంచ్ అవడానికి ప్రయత్నించేవాడు. మొత్తానికి పదేళ్ళు గడిచాక తన ప్రయత్నం ఫలించి సర్పంచ్ గా నెగ్గాడు. అతను సర్పంచ్ అయిన సమయానికి ఆ ఊళ్ళో రియల్ ఎస్టేట్ పుంజుకుంటుంది. అక్కడ ఎవరయినా పొలాన్ని ఇళ్ళ స్థలాలుగా విడదియ్యాలంటే సర్పంచ్ అనుమతి కావాలి. అయితే ఒక పది స్థలాలు విడదీస్తే ఒక స్థలం ప్రబుత్వ రేట్ కి తనకి అమ్మాలని సర్పంచ్ కండిషన్. అది చట్టపరం గా తప్పు అని ప్రూవ్ చెయ్యలేనిది.... ఎందుకంటే తను ఫ్రీగా తీసుకోవడం లేదు... డబ్బులిచ్చి కొంటున్నాడు. అది కూడా చట్టబద్దం గా ప్రబుత్వ రేట్ కి. అయితే అదే స్థలం మనం అందరం అమ్ముకుంటున్నట్టు తరువాత మార్కెట్ రేట్ కి (ప్రబుత్వరేట్ కి కొన్ని రెట్లు ఎక్కువ) అమ్ముకుంటాడు. ఈ పూర్తి కొనుగోలు అమ్మకం ఎపిసోడ్ లో ఆ సర్పంచ్ మనం అందరం చేసే అవినీతి కన్నా ఎక్కువ అవినీతికి పాల్పడినట్టు అనిపించలేదు. ఎక్కువమంది రాజకీయనాయకులు చేసేది ఇదే...."

చాలా సమయాల్లో కొన్ని ఆర్గ్యూమెంట్స్ వింటూ (చేస్తూ) ఉంటాం. సమాజంలొ ఒక అంతర్భాగం అయిపొయిన ఈ అవినీతికి నేను ఒక్కడిని ఏం చెయ్యగలను అని.... లంచం లేకుండా ఇప్పుడు ఏమి పనులు జరుగుతున్నాయ్ అని ... సరే ..మనం అందరం అన్నా హజారే లా నిరాహార దీక్షలు చెయ్యలేం... అపరిచితుడులో రామం లా అందరిలో ఆడ్ పర్సన్ లా బ్రతకలేం ... అది కరెక్టే కానీ... మనకి కుదిరేవి, చేయ్యగాలిగినవి నిసవార్ధం గా నిజాయితీగా మనం ఎన్ని చెయ్యగలుగుతున్నాం. ఒక షాప్ లో సరుకులు కొనడానికి వెళ్ళినప్పుడు బిల్ లేకుండా కొన్నవస్తువులకి 10% డిస్కౌంట్ ఇస్తానంటే ఎంతమంది బిల్ ఇవ్వమని 10 % డబ్బులేక్కువిచ్చి సరుకులు కొంటారు.

ఇంకో చిన్న ఉదాహరణ

పైరేటెడ్ సినిమాలు చూసేవారిది ఇంకొ రకమయిన వాదన... "వాళ్ళు చెత్తసినిమాలు తీస్తే మనం ఫుల్ డబ్బులిచ్చి కొట్టించుకొవాలా.. ఆ సినిమాల నాణ్యత కు పైరేటెడ్ కాపీనే ఎక్కువ" అని. ఇంకొంతమంది " మేము ఎక్కడొ ఉన్నాం, మాకు ఇక్కడ పైరేటడ్ తప్ప వేరే మార్గం లేదు... ఏం చెస్తాం" అని. అదే మనకు ఒక స్వీట్ షాప్ లొ స్వీట్స్ కొన్నామనుకోండి ... ఆ స్వీట్ల నాణ్యత మనకు నచ్చలేదు. అలా అని నెక్స్ట్ టైం నుండి ఆ షాప్ లొ దొంగతనం చెస్తామా.. రెండు మూడు సార్లు చూసి నచ్చకపొతే మానేస్తాం లేకపోతె వేరే చోట కొంటాం ఇంకా కాకపొతే తినడం మానేస్తాం అంతే కానీ స్వీట్లు అలవాటు అయిపోయి ఉన్నాం అని దొంగతం చెయ్యం కదా... అలాగే విదేశాల్లొ లేక వేరే రాస్ట్రాల్లలొ ఉండేవాళ్ళు .. వాళ్ళకి దొరకని వస్తువులన్నీ అలానే దొంగిలించి తీసుకుంటామా... కొనగలిగితే డబ్బులు ఎక్కువిచ్చి కొనుక్కుంటాం ..లేక మళ్ళీ మన రాస్ట్రం వచ్చేవరకు ఎదురుచూసి ఇక్కడ నుండి కొనుక్కెళతాం కదా ... మరి సినిమాలకి ఎందుకు ఇలా అంటే... ఇది దొంగిలించడం ఈజీ కాబట్టి .... రకరకాల వంకలు చెప్పి మరీ దొంగలిస్తాం. అలాగే మిగతావి దొరికితే ఇంతే ఈజీగా దొంగలిస్తాం. అందులో సందేహం లేదు.. అది మన నరనరాల్లో జీర్ణించుకుపొయిన అవినీతి"

"యధారాజా తధాప్రజ" అన్నది రాచరికపు రొజుల నాటి నానుడి. "యధాప్రజ తధారాజా" అన్నది ఇప్పటి నిజం. మనమే ప్రతీ విషయం లో ఇంత స్వార్ధం తో నిజాయితీ లేకుండా అలొచిస్తుంటే ఇక మనల్ని రిప్రజెంట్ చేసే , మనం ఎన్నుకున్న నాయకులు ఇంకెంత స్వార్ధం తొ ఆలోచిస్తారు. డబ్బు, మద్యం, గిఫ్ట్లు లంచం తీసుకుని అవినీతి పరుల్ని ఎన్నుకునేది సామాన్య జనమే (మనమే). బోల్డు డబ్బులు ఖర్చుపెట్టి, లంచం ఇచ్చి ఓట్లు కొన్న నాయకులు నిజాయితీ గా పనిచెయ్యాలని కొరుకొవడం చాలా అత్యాశ , అన్యాయం కూడా. మరి ఆ లంచం తీసుకునేవాళ్ళకన్నా ఆ లంచం ఆశ చూపించేవారిదే తప్పు అనుకుంటే , మరి లంచం తీసుకునే ప్రభుత్వ అధికారులకన్నా లంచం ఇచ్చే మనది తప్పు అన్నమాట. ఇదొక కరేప్షన్ సైకిల్ అన్నమాట... ఈరోజు లంచం ఇచ్చినవాడు రేపు వాళ్ళదగ్గరే తీసుకుంటాడు..ఆ మర్నాడు మళ్ళీ వాళ్ళకే లంచం ఇవ్వాల్సి రావచ్చు... ఆ సైకిల్ అలానే అనంతం గా సాగిపోతుంది. ఒక రకంగా ఈ సైకిల్ మన కల్చర్ లో భాగం అయిపొయింది. కొత్త సాఫ్ట్వేర్ మార్కెట్ లోకి రాగానే పాస్వర్డ్ బ్రేక్ చేసేవారిని మహా తెలివైన వాళ్ళగా పోగుడుతాం, డబ్బులిచ్చి ఒరిజినల్ డివిడి కొన్నవాడిని తింగరొడిని చూసినట్టు చూస్తాం. అది ఇప్పటి కల్చర్ ..

ఒక్కడు లక్ష రూపాయిలు ప్రబుత్వ సొమ్ము దోచేస్తే ఎంత నస్టమో, లక్ష మంది ఒక్కొకరు ఒక్కో రూపాయి చొప్పున దొచినా అంతే నస్టం. అయితే రూపాయి ఎవరికీ కనిపించదు.... అది తప్పు లా అనిపించదు....

నేను మారను కానీ నా పక్క ఉన్నవాళ్ళు అందరు మారిపోవాలి అన్న ఆలోచనలో ఉన్నంతకాలం ..ఎంతమంది అన్నా హాజారా లు వచ్చినా ఉపయోగం లేదు... ఏదో కొన్నాళ్ళు హడావుడి తప్పించి....

మనం చేసే అవినీతి గురించి ఆలోచన లేకుండా , సమాజం మాత్రం అవినీతి రహితం గా ఉండాలనుకోవడం , దానికి పాదయాత్రలు చెయ్యడం, నిరాహార దీక్షలు చెయ్యడం, లెక్చర్లు దంచడం కన్నా అత్మ వంచన ఇంకేమీ లేదు. అన్నా హాజారే కి లక్షకోట్లు తిన్న జగన్, రెండువేల ఎకరాలు ప్రబుత్వ రేట్ కి జాక్ పాట్ కొట్టిన రామోజీ రావు మద్దతు ప్రకటిస్తుంటే ఎంత కామెడీ గా ఉందొ ... మనం మద్దతు ప్రకటించినా అలానే ఉంటుంది....

ఈ రొజు సమాజానికి కావాల్సింది మన నిరాహారదీక్షలు, ఊరేగింపులు కాదు.... ప్రతీ మనిషిలో ఒక చిన్న రిజల్యూషన్. ఈ రొజు నుండి ఈ పర్టిక్యులర్ అవినీతి నేను త్యజిస్తున్నా ... ఈ తప్పు నేను మళ్ళీ చెయ్యను అని.... సంఘానికి పూర్తి వ్యతిరేకంగా ఎదురీదుతూ అపర నిజాయితి పరుడిగా ఒక్కరొజే మారిపొనక్కర్లేదు....మారలేం కూడా... అయితే మనకి చేతనయినంతలొ... మనం కొంచెం కస్టం తొ చెయ్యగలిగినవి చెయ్యగలిగితే చాలు.... మార్పు చాలా స్లొగా వస్తుంది. అయితే ఆ మార్పు ముందు ఎదుటివాడి నుండి ప్రారంభం అవ్వాలనుకోకుండా... మననుండి ప్రారంభం అవ్వాలని నిర్ణయించుకొవడమే నిజమయిన దేశభక్తి...

ఏ రకం గా చూసిన ముందు మారాల్సినది మనం. ఇది ఒక అవకాశం ... ఈ రోజే చిన్న నిర్ణయం తీసుకుందాం. వీలయినప్పుడల్లా ఒక్కో అవినీతి మార్గం వదిలేస్తూ పోదాం. కొన్నాళ్ళకి అంటే కనీసం ఒకటి రెండు తరాల తరువాతివారికయినా నిజాయితీ విలువ పూర్తిగా అర్ధం అవుతుంది.

జై హింద్

మంచు

----

అకుంఠిత దీక్షతొ , పట్టుదలతొ ఇన్ని కొట్లమంది సొదరసొదరీమణులకు ఈ విషయం పై అవగాహన కల్పించి అలొచింపచేస్తున్న అన్నా హజారే కు ధన్యవాదాలు తెలుపుతూ ...

అలిగితివా .. ప్రియసఖీ ... అలకమానవా...

2011-02-25T00:32:00.002-05:00

*** శ్రీ రామ ***

అలిగితివా ప్రియసఖీ ... అలకమానవా... సారీ గీరీ అన్నా ... కాళ్ళా వేళ్ళా పడ్డా... కుయ్యోమొర్రో అన్నా కరుణించవే చెలీ ...

ఇప్పుడు నీ అలక తీర్చేదేలా.... నా దారికి తెచ్చుకునేదేలా..

గడ్డం పుచ్చుకుని బ్రతిమిలాడో
బుగ్గన మిఠాయి పెట్టో
ఐమాక్స్ సినిమాకి తీసుకేళ్లో
నీకు నచ్చనివాళ్ళేవారయినా వుంటే వాళ్ళని కసిదీరా తిట్టో
నీకు తెలీకుండా సెల్ ఫోన్ లో నీకు నచ్చిన సాంగ్ లు ఎక్కించో :-)
వేడి వేడి అన్నం లో పప్పు నెయ్యి ఆవకాయ కలిపి తినిపించో
నువ్వు లేచేసరికి ఒక వందో రెండొందలు గులాబీలు నీ మంచం పక్కనే పెట్టి నిన్ను సర్ప్రైజ్ చేసో
నీకు నచ్చిన సీన్ ఏకపాత్రాభినయం చేసో
నీకు నచ్చిన పాట పాడకుండా ఆపుకునో
నీ పుట్టిన రోజుకి బుడబుక్కలోడి వేషంలో వచ్చి విషెస్ చెప్పో
నిద్రపోయేముందు చందమామ కధలు చదివి వినిపించో
బంకమట్టి తో స్వయంగా ఒక కుండిచేసి నీకిష్టమయిన గులాబీ మొక్కలేసో
ఎగ్జిబిషన్ లో ఏనుగు ఎక్కించో

వర్షం నీటిలో ఆడుకోవడానికి కాగితం పడవలు చేసిచ్చో

నిన్ను పొగుడుతూ నాకే అర్ధంకాని కవిత రాసో
దొంగచాటుగా పక్కింట్లోంచి ఎత్తుకొచ్చిన జామకాయలకి ఉప్పు కారం అద్దిచ్చో
ఘల్లుఘల్లుమనే పట్టీలు గిఫ్ట్ గా ఇచ్చో
ఎండలో నడుచుకోస్తుంటే బైక్ మీద ఇంటిదగ్గర డ్రాప్ చేసో
మన ఊరి చెరువులో చేపలు పట్టడం నేర్పించో
చెరువుగట్టుమీద మామిడిచేట్టుమీద కోతికొమ్మచ్చి , గోల్కొండలో దొంగ పోలీస్ ఆడించో
బీచ్ లో బర్త్ డే కేకు కట్ చేయించో
వర్షంలో బైక్ మీద తీసుకెళ్ళి జొన్న పొత్తులు తినిపించో
చేతులకి గోరింటాకు పెట్టో
కొత్తిమీర పచ్చడి చేసిపెట్టో

ఏంటి ఇన్ని చేస్తానన్నా కూడా మాట వినవా... అలకమాని పలకరించవా ... అయితే.....

నీ చెయ్యి వెనక్కి మడత పెట్టో
నీ జడ మంచానికి కట్టేసో
తలుపెనకాల దాక్కుని భయపెట్టో
నేను పాటపాడి వినిపించో
నీకు రాత్రంతా ఒక వెయ్యి మిస్సేడ్ కాల్స్ ఇచ్చో

ఏదో ఒకటి చేసి మాట వినేలా చేస్తా... పెంకి పిల్లా...

నోట్: జస్ట్ ఫర్ చేంజ్, అంతే :-)

- మంచు

కొంచెం గౌరవం ?

2011-01-24T04:13:00.003-05:00

*** శ్రీ రామ ***

****************

మా ఊళ్ళో ఎకరం పొలం ఖరీదు పది లక్షలు.

దానిమీద బ్యాంక్ వడ్డీ చూసుకుంటే కనిష్టంగా ఏడాదికి డబ్బై వేలు  నుండి ఎనైబై వేలు మధ్యలో వస్తుంది. తుఫాన్ లొచ్చినా, భూకంపాలు వచ్చినా మనకి ఢొకా లేని ఆదాయం...ఇంట్లో కూర్చుని ఏం చెయ్యకుండా వచ్చే ఆదాయం కదా...

అదే పొలం సాగుచేస్తే.... కష్టం అంతా పోను రైతుకి ఎకరాకి సంవత్సరానికి మిగిలేది ఇరవై ఐదు నుండి ముప్పై వేలు. ఇది కూడా ఆ పంట వరదలు, తుఫాన్లు, పురుగు, చీడ, వర్షాభావం, గిట్టుబాటు ధర ఇవన్నీ దాటుకుని వస్తే మిగిలేది.

ఇక రైతు ఉద్యోగం లో ఎన్ని రిస్కులు ....

ముసురు పడితే పకోడీలు తిందామా , బిరియాని చేసుకుందామా అని మిగతా ప్రపంచం అంతా ఆలోచిస్తున్న టైం లో పంట ఏమైపోతుందా అన్న టెన్షన్...
ఎప్పుడు ప్రభుత్వం సెజ్ పేరుతో పచ్చని పొలం లాక్కుని ప్రభుత్వ కనీస ధర చేతిలో పెడుతుందా అన్న టెన్షన్...
"ఏరా మీ చేలో ఆ సూరిగాడి ఆవుపడి మేస్తుంటే నువ్వేంటి ఇక్కడ తాపీగా కూర్చున్నావ్ " అని పక్కింటి రైతు హెచ్చరిస్తే పరిగెట్టే టెన్షన్...
"ఈ ఏడాదికి ఇక వర్షాలు లేనట్టేనట్రా...ఇక పొలానికి నీళ్ళు వదలరు అని ఇరిగేషన్ డిపార్ట్మెంట్ వాళ్ళు చెప్తున్నారు" అంటుంటే అప్పటివరకూ చేసిన కష్టం అంతా మట్టిపాలు అయిపోయినందుకు అటు ప్రకృతిని నిందించలేక  ఇటు తర్వాత పంటకి పెట్టుబడి ఎలా తేవాలా అనే టెన్షన్ ..
" అన్నీ సమకూరి పండించినా .... ఆఖర్లో సరి ఆయిన మద్దతు ధర లేక ..పంట పారబొసుకొవాల్సిన పరిస్తితి వచ్చే టెన్షన్"...

పైన రెండు ఆప్షన్స్ ఇస్తే మనలాంటి తెలివయిన వాళ్ళు ఏం ఆలోచిస్తాం?...... హాయిగా పొలం అమ్మేసి దర్జాగ చీకు చింతా లేకుండా వడ్డీ తింటూ బ్రతక్క.... ఈ కష్టాలు  పడుతూ ...ఆ వచ్చీరాని ఆదాయం కోసం  ఎందుకు తాపత్రయం అని డిసైడ్ అయిపోతాం  కదా... ఇదే సలహా మన రైతన్నలకి ఇచ్చినప్పుడూ మనం వినే టిపికల్ సమాధానాలు   ఇలా ఉంటాయి .....

నాకు ఈ పని తప్ప ఇంకేం తెలవదు రా... మా నాన్న ఇదే నేర్పించాడు... తరతరాలుగా ఇదే భూమితల్లిని నమ్ముకున్నాం...అంత త్వరగా ఎలా వదిలేసుకుంటాం...

అందరూ అలానే మానుకుంటే... ఇక ప్రజలకి తిండి ఎట్టాగరా... ఎవరో ఒకరు చెయ్యాలి కదా ఈ పని...

అరేయ్..మీరు కంప్యూటర్ ముందు కూర్చుని ఏవేవో కనిపెడుతూ ఉంటారటకదా...అలాగే కాస్త ఈ చీడ పీడలకు తట్టుకునే మంచి వంగడాలు పుట్టించడమో , కాస్త తక్కువ ధరకే కరెంట్ వచ్చేలా ఎదయినా ప్రత్యామ్నాయం కనిపెట్టడం చేస్తే మాకీ కష్టాలు ఉండవు కదా (కాస్త లోక జ్ఞానం తెలిసున్న మా మేనమామ రైతు చెప్పేది..)

ఇవి...వాళ్ళ రెస్పాన్స్...

రైతులందరి జీవితాల్లో కొన్ని సినిమాల్లో చూపించినట్టు .... పల్లెటూళ్ళో లంకంత కొంప... చుట్టూ పెద్ద తోట...పాడి .. ఎప్పుడూ కళకళలాడుతూ ఇల్లాలు, పిల్లలు ఇవేం రియల్ లైఫ్ లో ఉండవు. ఎక్కడో పది ఊళ్ళకి కూడా అలాంటి ఆసామి ఉండడు...ఒకప్పుడు బాగా బతికిన రైతు కూడా ఈ రోజుల్లో రైతు కూలీగా మారాల్సోచ్చిన పరిస్థితి ...

మనం మన ఉద్యోగంలో రాణించాలన్నా లేక వ్యాపారం బాగా అభివృద్ధి చెయ్యాలన్నా, సంపాదించాలన్నా... బాగా కష్ట పడతాం....కానీ మనం ఎంత కష్టపడినా...మనకి ప్రతిఫలం దక్కకుండా మన కంట్రోల్ లో లేని ఏదన్నా ఎక్స్టర్నల్ ఫ్యాక్టర్ అడ్డుపడుతుంటే ఎంత బాధ గా ఉంటుంది మనకు... అదే ఫ్యాక్టర్ అలానే కొనసాగుతుంటే వెంటనే ఉద్యోగం మార్చేస్తాం ... అదే ఇక్కడ రైతు తన కష్టం తో పాటు...మానవుడి ఏ మాత్రం కంట్రోల్ లేని ప్రకృతి అనే ఎక్స్టర్నల్ ఫ్యాక్టర్ ని కూడా నమ్ముకోవాలి.

****************

కొన్నేళ్ళ క్రితం బెంగళూరులో ఉండే రోజుల్లో ఒకసారి రిజర్వేషన్ చేయించుకోవడానికి కంటోన్మెంట్ రైల్వే స్టేషన్ కి వెళ్లాను. అయిదో ఆరో కౌంటర్స్ ఉన్నాయి...దాంట్లో తక్కువ మంది క్యూ ఉన్న కౌంటర్ చూసుకుని నుంచున్నా... టైం కిల్ చెయ్యడానికి మొబైల్ తీసి ఆడుకుంటున్నాను... ఎప్పట్లాగే నేను నుంచున్న లైన్ తప్ప మిగతా లైన్లన్నీ స్పీడ్ గా కదులుతున్నాయి... కాసేపున్నాక .....క్యూ అసలు కదలడం లేదేమిటా అని అని చూస్తే కౌంటర్ దగ్గర ఒక ఆర్మీ జవాను ఒక చేత్తో రిజర్వేషన్ ఫార్మ్స్ కట్ట రెండో చేత్తో వాళ్ళకొచ్చే కన్సెషన్ ఫార్మ్స్ కట్ట పట్టుకుని ఒకదాని తరువాత ఒకటి ఇస్తున్నాడు. ఈ కన్సెషన్ ఫార్మ్స్ వల్ల మామూలు టికెట్ రిజర్వేషన్ చెయ్యడానికి కన్నా ఎక్కువ టైం పడుతుంది అనుకుంటా... క్యూ జనం లో కొద్ది అసహనం...ఈ లోపు ఒక టికెట్ రిజర్వేషన్ అయిపోగానే... అతను వేరే టికెట్ కి ఫారం ఇచ్చాడు. అప్పటివరకూ ఓపిగ్గా నించున్న జనం లో ఇద్దరు... "ఏం నువ్వొక్కడివే ఇంత టైం తీసుకుంటే మేం ఆఫీసుల్లో పర్మిషన్ తీసుకు వచ్చాం... మేం వెళ్ళొద్దా...ఎంత సేపు నుంచోవాలి అని" అని అరడవడం మొదలు పెట్టారు. అయితే అతను ఆల్రేడి ఒకసారి కొన్ని టికెట్స్ చేయించుకుని మళ్ళీ లైన్ లో వెనుక నుంచుని క్యూ లో వచ్చి మిగతావి చేయించుకుంటున్నాడు అని రిజర్వేషన్ ఆఫీసరు చెప్తున్నాడు కానీ నా వెనుక నుంచున్న ఈ ఇద్దరు వినిపించుకునే స్టేజ్ లో లేరు. వాళ్ళ హిందీ , కన్నడ డైలాగుల్లో కొన్ని అర్ధమయినవి ఏమిటంటే... ఫ్రీ గా టికెట్ వస్తున్నప్పుడు అందరికన్నా వెనక్కి నుంచోవాలి... ఫుల్ డబ్బులిచ్చి కొనుక్కునే వాళ్లకి ప్రిఫెరేన్స్ ఇవ్వాలి అని... ఈ గొడవ జరుగుతుండగా... కొంచెం తటపటాయిస్తూనే ఆ జవాను లాస్ట్ టికెట్ కి రిజర్వేషన్ ఫారం ఇచ్చాడు. అంతే నా వెనుకున్న వాళ్ళు ఇక రెచ్చిపోయి తిట్టడం మొదలు పెట్టారు... దానితో అతను...కొంచెం ఫీల్ అయ్యి...ఇచ్చిన ఫారం మళ్ళీ తీసేసుకుని...వెనక్కి వెళ్లి నుంచున్నాడు...అలా వెనక్కి వెళ్తున్నప్పుడు అతని మొఖం లో ఫీలింగ్స్ చూసి...ఎందుకో నాకు కొంచెం బాధ కలిగింది ...వెంటనే నేను లైన్ నుండి తప్పుకుని... అతని వెనుక నుంచున్నా.. నన్ను చూసి ఇంకో ఇద్దరు నా వెనక్కి వచ్చారు. ఆ తరువాత ఆరిచిన వాళ్ళలో ఒకడు కూడా వచ్చి మా వెనుక నుంచున్నాడు ...మిగిలిన వాడు మాత్రం ఇవేమీ పట్టనట్టు రిజర్వేషన్ చేయించుకు వెళ్ళిపోయాడు... వాడు వెళ్ళిపోతూ నన్ను కొంచెం చిరాగ్గా చూసి పోయాడనుకోండి...

నా రిజర్వేషన్ అయిపోయాక వెనక్కి వస్తుంటే ... నాకు థాంక్స్ చెప్పడానికి ఆ జవాన్ అక్కడే నుంచున్నాడు... చాయ్ తాగుదామా అన్నాడు... నాకు కొంచెం మొహమాటం అడ్డొచ్చినా...సర్లే అని ఓకే అన్నా... అతనికి హిందీ తప్ప ఇంకేం రాదు...నాకు హిందీ అంతంత మాత్రం... ఫ్లాట్ఫాం మీద కాంటీన్ లో టీ తాగుతూ ఉంటే అతను చెప్తున్నాడు... అతనిది ఉత్తరప్రదేశ్ లో ఏదో మారు మూల పల్లె... ట్రైన్ లో డిల్లీ వెళ్లి అక్కడనుండి మళ్ళీ పదహారు గంటలు దూరం వాళ్ళ ఊరు ... ఇతని కుటుంబానికి సైనిక నేపథ్యం లేకపోయినా ఆ ఊళ్ళో ఎక్కువ మంది సైన్యం లో పనిచేసేవారేనట.... భార్య , పిల్లలు , తల్లితండ్రులు అక్కడే ఉన్నారు... వాళ్ళని చూసి సంవత్సరం అయిందట... అతనికి అతని కొలీగ్స్ కి కలిపి రిజర్వేషన్ చేయించడానికి వాళ్ళ ఆఫీసరు ఒకరికే పర్మిషన్ ఇస్తాడట అందుకే ఆ పెద్ద కట్ట.... పెద్ద ర్యాంక్ కాకపోవడం తో జీతం అంత ఏమీ ఉండదు అనిపించింది. అలా కాసేపు మాట్లాడాక...వెళ్ళే ముందు టీ కి డబ్బులిస్తుంటే...లేదు లేదు నేను పిలిచాను కాబట్టి నేను ఇవ్వాలి అని పట్టుపట్టి అతనే ఇచ్చి వెళ్ళిపోయాడు...

నేను తిరిగి ఆఫీసుకి వచ్చాక ....జరిగిన సంఘటన మళ్ళీ నెమరు వేసుకున్నా....

అలా నలబై గంటల దూరం లో ... అందరిని వదిలేసి...సంవత్సరానికి ఒకసారే మాత్రమే ఇంటికివెళ్ళేలా ఉండే ఊరిలో అప్పుడు నాకు వచ్చే జీతానికి రెట్టింపు జీతం వచ్చే ఒక ఉద్యోగం ఇస్తే నేను వెళ్తానా ?? అని.... ఆ తరువాత...అదే ఉద్యోగం లో ప్రాణాపాయం కూడా ఉంటే...అసలు ఎంత జీతమొస్తే వెళ్ళగలను అని ఆలోచించాను...అప్పుడు అనిపించింది....ఎంత ఇచ్చినా వెళ్ళలేను అని....కావాలంటే మా ఊరు వెళ్ళిపోయి ఆటో నడుపుకుంటూ అయినా బ్రతుకుతాను కానీ... ఆ ఉద్యోగం మాత్రం చెయ్యలేనోమో అనిపించంది....మరి అందరూ నాలానే అనుకుంటే ఇక మన సరిహద్దుని కాపాడేది ఎవరూ?

అప్పుడు అనిపించింది....కొన్ని ఉద్యోగాలు చెయ్యడానికి అర్హత, నైపుణ్యం, ఆకర్షణీయమయిన జీతం ఇవేం సరిపోవు.... ఇంకా ఏదో కావాలి... దాని పేరు ఏమిటో నిర్వచించలేను కానీ... అది ఉన్నది మాత్రం ఈ రైతు కి , జవాను కి మాత్రమే....

మనం రెండుపూట్లా కడుపునిండా తిని కంటినిండా నిశ్చింతగా నిద్రపొవడానికి కారణమయిన వీళ్లకి ఏమిచ్చి వాళ్ళ రుణం తీర్చుకోగలం.... కనీసం కొంచెం గౌరవం ?

ఈ రెండు ముక్కలు రాయడానికి ఇన్స్పిరేషన్ కలిగించే బజ్ రాసిన లలిత డి. గారికి ప్రత్యేక కృతజ్ఞతలు ...

- మంచు

కొన్నాళ్ళ తరువాత....

2011-01-13T03:06:00.001-05:00

*** శ్రీ రామ ***

పక్కనున్న ఫోటో చూసారు కదా... కొన్ని సంవత్సరాల తరువాత ఇప్పుడున్న పెట్రోల్ బంకుల స్థానంలో ఉండే కార్ చార్జింగ్ స్టేషన్ అది. ఇంత హైఫై గా ఉంది ఈ చార్జింగ్ స్టేషన్ దాని కధా కమామిషు గురించి తెలుసుకోవాలంటే ఒక ఇరవై సంవత్సరాలు రింగులు తిప్పుకుంటూ ఫ్యూచర్ లోకి వెళ్ళాల్సిందే. కొన్నాళ్ళకి ఇప్పుడున్న పెట్రోల్ , డీజిల్ వాహనాల సంఖ్య క్రమంగా తగ్గిపోయి ఆ ప్లేస్ లో బ్యాటరీ తో నడిచే విద్యుత్ కార్లు వచ్చేస్తాయి. ఈ చార్జింగ్ స్టేషన్స్ ఆ కార్లలో ఉన్న బ్యాటరీలను చార్జ్ చెయ్యడానికి అన్నమాట.

ఈ ఎలక్ట్రిక్ కార్ల యొక్క ఆవశ్యకత ఏమిటి , వాటి మీద ప్రపంచవ్యాప్తం గా ఇంత సీరియస్ గా ఎందుకు పరిశోధన జరుగుతుంది అని అర్ధం చేసుకోవడానికి , ప్రపంచం లో ఎక్కువ కార్ మార్కెట్ కలిగిన దేశం అమెరికాని విశ్లేషిద్దాం.

ప్రపంచంలో ఎక్కువ కాలుష్యం విడుదల చేసే దేశాల్లో అమెరికా కూడా అగ్రస్తానం లో ఉంది. ఎక్కువ వైశాల్యం గల దేశం కావడం వల్ల అమెరికాలో ఉన్న వాళ్లకి పెద్ద కాలుష్యం అనిపించక పోవచ్చు కానీ వాతావరణం లోకి విడుదల చేసే కాలుష్యం మొత్తంలో అమెరికా వాటా చాలా ఎక్కువ. అమెరికన్ మార్కెట్ లో లభ్యమయ్యే వాహనాలకి అవి విడుదల చేసే కాలష్య పరిమాణం మీద కఠినమయిన నిబంధనలు ఉన్నా, ఎక్కువ వాహనాలు ఉండటం వల్ల ఆ కొంచెం కొంచెమే కలసి ఎక్కువ అవుతుంది. అందువల్ల ఈ అధిక కాలుష్యం తగ్గించమని యూరోపియన్ దేశాల నుండి అమెరికా ఎక్కువ వత్తిడి ఎదుర్కుంటుంది. వాహన సంఖ్య ఎలాగూ తగ్గించలేరు కాబట్టి అవి విడుదల చేసే కాలుష్యం మరింత తగ్గించడానికి ఒక మార్గం వాహనాలకి ఎక్కువ మైలేజ్ వచ్చేలా రూపొందించడం.

ఇప్పుడున్న సాంప్రదాయ ఇంధనాలతో నడిచే వాహనాలకి ఆయిల్ కావాలి కదా. అది కావాలంటే అరబ్ దేశాల మీద ఆధారపడాలి. మరి రేపు ఎప్పుడయినావాళ్ళు ఆయిల్ అమ్మను అని బెదిరిస్తే అంటే వీళ్ళ కార్లు ఎలా నడవాలి (అమెరికాకి కూడా బోల్డంత ఆయిల్ ఉందనుకోండి అది వాళ్ళ మిలటరీకే సరిపోదు.)

ఈ రెండు ముఖ్య కారణాల వల్ల అమెరికాలో ఈ ఎలక్ట్రిక్ కార్ల మీద రిసెర్చ్ బాగా జరుగుతుంది. ప్రస్తుతం అంతర్జాతీయ మార్కెట్ లో మూడు రకాల కార్లు ఉన్నాయి అని మనకి తెలుసు కదా.

1 . సాంప్రదాయ ఇంధనాలు అంటే పెట్రోల్, డీజిల్, నేచురల్ గ్యాస్ లాంటి ఇంధనాలు (Fossil fuels) ఉపయోగించుకుని నడిచే కార్లు: వీటి ఇంజన్లలో ఈ ఇంధనం మండించడం ద్వారా శక్తి ఉత్పత్తి చేసి అది వాహనం కదలడానికి వాడతాం అన్నమాట. అయితే ఈ ఇంధనం మండిస్తే పొగ వస్తుంది ఆంటే తద్వారా కాలుష్యం....ఎంత ఎక్కువ ఇంధనం మండిస్తే అంత కాలుష్యం. మరి ఈ కాలుష్యం తగ్గించాలి ఆంటే ఏం చెయ్యాలి.. తక్కువ ఇంధనం తో ఎక్కువ దూరం ప్రయాణించగలిగేలా వాహనం మైలేజ్ పెంచాలి.

2 . పెట్రోల్ / డీజిల్ / గ్యాస్ ఇలా ఏ ఇంధనంతో నడిచే ఇంజిన్ అయినా తక్కువ స్పీడ్ లో వెళ్తున్నప్పుడు (ఆంటే స్టారింగ్ లో (ఎక్సిలరేషన్ లో ), బ్రేక్ వేసినప్పుడు , తక్కువ గేర్ లో వెళ్తున్నప్పుడు ఆంటే ఎత్తులు ఎక్కుతున్నప్పుడు ) తక్కువ ఎఫిషియన్సి కలిగిఉండటం వల్ల ఎక్కువ ఇంధనం వృదా అవుతుంది. అదే వాహనం ఎక్కువ స్పీడ్ లో వెళ్తున్నప్పుడు (హై గేర్ లో వెళ్తున్నప్పుడు) ఎఫిషియన్సి ఎక్కువ ఉండటం వల్ల ఇంధనం అంత ఎక్కువ వృదా కాదు.

అందువల్ల ఇప్పుడు ఆ వాహనంలో సంప్రదాయ ఇంధనంతో నడిచే ఇంజిన్ తో పాటు, ఒక విద్యుత్ జనరేటర్, బ్యాటరి, ఒక ఎలక్ట్రిక్ మోటార్ కూడా పెట్టి , వాహనం ఏక్సిలరేషన్ లొ విద్యుత్ మోటారుతో నడిచేలా , వాహనం ఒక వేగం చేరుకున్నాక ఇంజిన్ తో నడిచేలా ఏర్పాటు చేస్తే.. ఎక్కువ ఇంధనం వృధా కాకుండా ఉంటుంది. వాహనం ఇంజిన్ మీద నడుస్తున్నప్పుడు, అదే ఇంజిన్ తో జనరేటర్ తిప్పడం ద్వారా విద్యుత్ ఉత్పత్తి చేసి అది బ్యాటరీ లో నిలువ చేసి, ఆ విద్యుత్ మోటార్ నడపడానికి వాడబడుతుంది. ఆంటే ఈ సాంప్రదాయ ఇందానాలతో నడిచే ఇంజన్ ని ఎప్పుడూ మనం లోగేర్ లో ఉపయోగించం కాబట్టి తక్కువ ఇంధనం వృధా అవుతుంది. అందువల్ల తక్కువ ఇంధనం తో ఎక్కువ దూరం ప్రయాణించ వచ్చు ... ఆంటే తక్కువ కాలుష్యం... ఈ తరహ టెక్నాలజీ గల కార్లని హైబ్రీడ్ కార్లు అంటారు.

3. ఎలెక్ట్రిక్ వాహనాలు : వీటినే ఎలెక్ట్రిక్ ప్లగ్-ఇన్ మోడల్స్ అని కూడా అంటారు. వీటిలో ఇక ఇంధనంతో నడిచే ఇంజిన్ లాంటివి ఉండవు. బ్యాటరి, విద్యుత్ జనరేటర్ , విద్యుత్ మోటర్ ఉంటాయన్నమాట. బ్యాటరీలో నిలువ చేసిన విద్యుత్తో మోటార్ ని తిప్పితే ఆ మోటర్ వాహనాన్ని నడిపిస్తుంది. అయితే దీంట్లో హైబ్రిడ్ వాహనం లో ఉన్నట్టు డీజిల్ లేక పెట్రోల్ ఇంజిన్ లాంటివి ఉండవ్ కాబట్టి ఆ బ్యాటరీలను మనం సెల్ ఫోన్ బ్యాటరీలను చార్జ్ చేసినట్టు బయట నుండి చార్జ్ చెయ్యాలి. ఇలా చార్జ్ చెయ్యడానికి ఒక ఎలెక్ట్రిక్ ప్లగ్ ఉంటుంది కాబట్టి ప్లగ్-ఇన్ మోడల్స్ అంటారు. ఇక పెట్రోల్ , డీజిల్ లాంటి ఇంధనాలు మండించడం ఉండదు కాబట్టి కాలుష్యం సమస్య లేదు. మరి ఇంజన్ లేనప్పుడు ఇక జనరేటర్ ఎందుకు ఆన్న ప్రశ్న వస్తుంది కదా...వాటివల్ల ఈ హైబ్రిడ్ , ఎలెక్ట్రిక్ కార్ల లో ఒక పెద్ద ఉపయోగం ఉంది. అదేమిటో చూద్దాం...

వేగంగా వెళ్తున్న ఒక వాహనానికి ఇంధనసరఫరా నిలిపివేసినా కొంత దూరం ప్రయాణించి మరీ ఆగుతుంది కదా ...ఆంటే కదిలే వాహనంలో కొంత శక్తి నిల్వ ఉంటుంది మరియు ఆ శక్తి ఆ వాహనం ప్రయాణించే వేగం మీద ఆధారపడి ఉంటుంది. మరి అదే వాహనం బ్రేక్ వేసినప్పుడు వెంటనే ఆగిపోతుంది కదా....అప్పుడు ఆ నిల్వ ఉన్న శక్తి ఏమవుతుంది ఆంటే.... ఆ బ్రేక్ కి కారు చక్రానికి మద్య జరిగిన రాపిడి వల్ల పుట్టిన ఉష్ణ శక్తిగా మారుతుంది అన్నమాట. ఆంటే ఆ శక్తి వేస్ట్ అయిపోతుంది. ఎంత ఎక్కువ సార్లు బ్రేక్ వేస్తే అంత ఎక్కువ శక్తి (ఇంధనం) వృదా అవుతుంది.... అదే ఈ హైబ్రిడ్ మరియు ఎలెక్ట్రిక్ కార్లలో అయితే , బ్రేక్ వేసినప్పుడు ఆ నిల్వ ఉన్న శక్తిని బ్రేక్ ద్వారా ఉష్ణ శక్తిగా మార్చి వృధా చెయ్యకుండా , జనరేటర్ సహాయంతో విద్యుత్చక్తిగా మార్చి బ్యాటరీకి పంపిస్తాం. మనం స్పీడ్ పెంచవలసి వచ్చినప్పుడు తిరిగి అదే శక్తి బ్యాటరీల నుండి తీసుకుని మోటార్ ని నడిపిస్తాం కాబట్టి ఎన్నిసార్లు బ్రేక్ వేసిన ఎక్కువ శక్తి నష్ట పోము.

హైబ్రిడ్ వాహనాలు (ముఖ్యంగా కార్లు) అమెరికా, యూరోప్, జపాన్ లాంటి దేశాల్లో ఇప్పటికే బాగా ప్రాచుర్యం పొందాయి కానీ ఎలక్ట్రిక్ ప్లగ్-ఇన్ కార్లు ఇప్పుడుప్పుడే మార్కెట్లోకి వస్తున్నాయి. 2015 కల్లా 10 లక్షల కార్లు, 2020 కల్లా 50 లక్షల ఎలక్ట్రిక్ ప్లగ్-ఇన్ కార్లు కార్లు అమెరికన్ రోడ్ల మీద తిరుగుతూ ఉంటాయ్ అని ఒక అంచనా.... మరి ఇన్ని కార్లు ఉన్నప్పుడు ఈ ఎలక్ట్రిక్ కార్లని ఎక్కడ చార్జ్ చెయ్యాలి, ఏలా చార్జ్ చెయ్యాలి? ప్రస్తుతం అయితే ఈ ఎలక్ట్రిక్ కార్లన్నీ ఇంట్లోనో ఆఫీసులోనో ఎలెక్ట్రిక్ ప్లగ్ లో పెట్టి చార్జ్ చేసుకుని వెళ్లిరావడమే. మరి బయటకు వెళ్ళినపుడు మద్యలో చార్జ్ అయిపోతే ఎలా.. సరే అయితే ఇప్పుడు ఒక ఇరవై సంవత్సరాలు ( యూరోప్ లో ఉన్నవాళ్ళు ఐదు సంవత్సరాలు, అమెరికా లో ఉన్నవాళ్ళు ఒక పది సంవత్సరాలు ) ముందుకెళ్ళి అప్పటి పరిస్తితి ఎలా ఉంటాయో చూద్దాం.

క్రింద ఫోటో చూపించినట్టు ఒక్కొ పార్కింగ్ స్పేస్ లో ఒక్కో చార్జర్ ఉంటుంది. మనకెప్పుడు అవసరం అయితే అప్పుడు అక్కడ పార్క్ చేసి చార్జ్ చేసుకోవచ్చు. లేకపోతే మనం షాపింగ్ కి వెళ్ళినప్పుడు చార్జింగ్ కి పెట్టి వెళ్తే అది చార్జ్ అవుతూ ఉంటుంది.

అలాగే ఈ పక్క ఫోటో చూపించినట్టు రాత్రి ఇంటికి రాగానే చార్జింగ్ పెట్టుకుంటే , పొద్దున్న వర్క్ కి వెళ్ళే సమయానికి చార్జ్ అయివుంటుంది.
అలాగే షాపింగ్ మాల్స్ లో, రెస్టారెంట్లలో, ఎయిర్ పోర్ట్, రైల్వే స్టేషన్ లలో, పబ్లిక్ పార్కింగ్ ప్లేసులు, అఫీసులులలో ఇలా ఎక్కడపడితే అక్కడ చార్జర్స్ ఉంటాయి.

ఇక బిజినెస్ విషయానికి వస్తే , ఇంట్లో చార్జ్ చేసుకుంటే అ విద్యుత్ వినియోగం మన కరెంట్ బిల్ లోకి వెళ్తుంది. మరి బయట పబ్లిక్ ప్లేస్ లో అయితే ఆ చార్జింగ్ కావాల్సిన విద్యుత్ కొనుక్కోవాలి కదా.... ఈ కార్ బ్యాటరి చార్జ్ చేసుకోవడం మన సెల్ ఫోన్ బాలన్సు చార్జింగ్ తో పోల్చుకోవచ్చు. సెల్ ఫోన్ లానే వీటిలో ప్రీపైడ్, పోస్ట్‌పైడ్ కార్డులు ఉంటాయి. ఫోటో లో చూపించినట్టు ఆ కార్డ్ స్వైప్ చేస్తే , మనం ఎంత విద్యుత్ వినియోగించామో చూసి దానికి చార్జి చేస్తుంది. సెల్ ఫొన్ లా ప్రీపైడ్ అయితే మన కార్డ్ లొ డబ్బులు అయిపొయినప్పుడు రీచార్జ్ చేయించినట్టు ఈ కార్డ్ కూడా రీచార్జ్ చేయించుకొవాలి.

ఇక రెస్టారెంట్లు, షాపింగ్ మాల్స్ లాంటి వాళ్ళు కస్టమర్స్ ని ఆకర్షించడానికి వాళ్ళ పార్కింగ్ ప్లేస్ లలొ ఫ్రీ చార్జింగ్ ఆఫర్ చేస్తారు. కార్ పార్క్ చేసి, ప్లగ్ తగిలించి , రెస్టారెంట్ లొ తిని వచ్చేసరికి కార్ మళ్ళీ ఫుల్ చార్జ్ అయిపొయిఉంటుంది అన్నమాట.

మరి మనం చార్జింగ్ స్టేషన్ లో కార్ చార్జింగ్ పెట్టి , షాపింగ్ కి వెళ్లి వచ్చేలోపు వేరే ఎవరన్నా ప్లగ్ మన కార్ నుండి తీసి వాళ్ళ కార్ కి పెట్టుకుంటే (చార్జింగ్ దొంగతనం చేస్తే) ఆన్న అనుమానం రావచ్చు. ఇది నివారించడానికి రెండు మార్గాలు ఉన్నాయి. ఒకటి మన కార్ కి తగిలించిన చార్జెర్ ప్లగ్ తొలగించగానే మన సెల్ ఫోన్ కి ఒక SMS మరియు మన మెయిల్ అడ్రస్ కి ఒక మెయిల్ వస్తాయి అందువల్ల ఆ చార్జర్ మనకి మనం తీసామా లేక ఎవరన్నా తీశారా అన్నది తెలుస్తుంది. ఒకవేళ దొంగతనం అనుకుంటే, మనం వెంటనే ఆ చార్జింగ్ కంపెనీకి ఫోన్ చేసి ఆన్లైన్ లోనే చార్జింగ్ ఆపించవచ్చు. రెండోది ప్రతీ కార్ కి చార్జింగ్ ప్లగ్ దగ్గర ఒక కోడ్ వుంటుంది. అదే కోడ్ ఈ చార్జింగ్ స్మార్ట్ కార్డ్ మీద కూడా ఉంటుంది. ఆంటే ఒక చార్జింగ్ కార్డు తో దానిమీద కోడ్ ఉన్న కార్ మాత్రమే చార్జ్ చెయ్యొచ్చు. మరి పక్కోళ్ళకు కార్డు అప్పు ఇవ్వాలంటే మనం పాస్వర్డ్ ఇవ్వాలి.

అయితే ప్రస్తుతం ఈ చార్జింగ్ చెయ్యడానికి చాలా సమయం పడుతుంది. ఈ పక్కనున్న బొమ్మలో చూపించినట్టు ప్రస్తుతానికి లబ్యమయ్యే మూడు చార్జింగ్ లెవెల్స్ లో.... DC (level 3) చార్జింగ్ వేగవంతమయిన చార్జింగ్ అన్నమాట. అయితే ఎప్పుడూ బ్యాటరీ ఎంత స్లో గా చార్జ్ చేస్తే అంత ఎక్కువ కాలం మన్నుతుంది. అందువల్ల మనకి ఫాస్ట్ చార్జింగ్ కావాలా, లేక బ్యాటరి మన్నిక కాలం కావాలా అన్నది చూసుకుని కొనుక్కోవాలి. నాకు తెలిసి ఇంట్లో వాడకానికి level2 , బయట చార్జింగ్ బిజినెస్ కి level3 (DC ) బెస్టు. 5 నిముషాల్లో పెట్రోల్ నింపుకుని మైళ్ళ మైళ్ళ దూరం ప్రయాణించడం అలవాటు అయ్యాక, ఈ చార్జింగ్ కోసం ఇంత సేపు సమయం వెచ్చించడం కొంచెం చికాకు అనిపించినా క్రమేణా మన జీవన విధానం కూడా అనుగుణంగా మారిపోతుంది. మరియు కొన్నాళ్ళకి అత్యంత వేగవంతమయిన చార్జర్స్ అందుబాటులోకి వస్తాయి.
ఈ చార్జింగ్ టైం తో పనిలేకుండా, ఈ మద్య యూరోప్ లో డైరెక్ట్ గా చార్జ్ ఆయిన బ్యాటరీలు అద్దెకిచ్చే షాపులు వెలుస్తున్నాయి. మనం డిస్చార్జ్ అయిన బ్యాటరీలు ఇచ్చేసి , ఫుల్ చార్జ్ బ్యాటరీలు పెట్టుకుని వచ్చేయడమే. మరి ఈ బిజినెస్ మోడల్ ఎంతవరకు సక్సస్ అవుతుందో తెలీదు.
ఇక ఈ చార్జింగ్ స్తేషన్స్ స్టేషన్స్ సొలార్ తొ పనిచెయ్యడం వచ్చాక..ఒక్కసారి పెట్టుబడి పెడితే ఇక ఇక ఇంచుమించు కార్ ఫ్రీగా నడిపినట్టే...

ఇంకా ముందు కెళ్తే , కింద ఫోటో లో చూపినట్టు కారు రోడ్డు మీద నడుస్తున్నప్పుడే చార్జ్ అయ్యే టెక్నాలజీ వచ్చినా ఆశ్చర్యం లేదు. ఈ మధ్యే జర్మన్ ఇంజనీర్ ఒకడు దీనికి పేటెంట్ తీసుకున్నాడట.

అది ఫ్యూచర్ లో ఎలెక్ట్రిక్ కార్లు, వాటి చార్జింగ్ కథ కమామిషు. ఈసారి మరొక టెక్నాలజీ గురించి చెప్పుకుందాం .....

- మంచు

గమనిక: ఈ పోస్ట్ రాస్తున్నప్పుడు రెండు సార్లు మొత్తం పోస్ట్ ఎగిరిపోయింది. మూడోసారి రాసినప్పుడు కాస్త శ్రద్ద మిస్ అయింది అనుకుంటున్నా...కొంచెం కంటిన్యుటి మిస్ అయినట్టు ఉంది. క్షమించాలి

బ్రెడ్ హేటర్స్ కొసం..........:-)

2010-12-28T00:55:00.000-05:00

*** శ్రీ రామ ***

అసలు ఈ రెసిపి మన హరేకృష్ణ కోసం రాసింది... విజయనగరం కుర్మాలు తిని తినీ బోర్ కొట్టిందన్నాడు అని టిఫిన్ కోసం రాసిచ్చా... ఈ రోజు ఇందు గారు పోస్ట్ మరియు కామెంట్స్ చూసాక అందరికోసం పోస్ట్ చెయ్యాలనిపించింది.
బ్రెడ్ తో బోల్డు రెసిపిలు ఉన్నాయి కానీ సింపిల్ గా పదినిముషాలలో అయిపోయే బ్రేక్ఫాస్ట్ కాబట్టి ముందు ఇది ....

స్టెప్ -1

ఉల్లిపాయ , పచ్చిమిర్చి, కాప్సికం, టమోటా చిన్న చిన్న ముక్కలుగా కోసి పెట్టుకొండి (నా అంత పర్ఫెక్ట్ గా మీరు కోయ్యలేక పొతే మీకు చేతనయినట్టు ఎగుడుదిగుడుగానే కోసుకు పెట్టుకోండి )
మోజరిల్లా చీజ్ కోరుగా తీసి పెట్టుకోండి.
సాల్ట్ , పెప్పర్ పక్కన పెట్టుకోండి (ఉంటే కాస్త oregano కూడా)
కొత్తిమీర కొన్ని ఆకులు
బ్రెడ్ (నేను ఇక్కడ వాడింది బ్రౌన్ బ్రెడ్.... కానీ దీనికి ఇటాలియన్ బ్రెడ్ గానీ సౌర్(sour) బ్రెడ్ గానీ అయితే బావుంటుంది )

స్టెప్-2

ఒక పాన్ లో బ్రెడ్ స్లైస్ బటర్ తో కానీ ఆయిల్ తో కానీ రెండు వైపులా కొంచం వేపించండి.... లైట్ బ్రౌన్ కలర్ వచ్చాక దానిపై ముందు కోసుకుపెట్టుకున్న ఉల్లి, కాప్సికం, టమోటా, పచ్చిమిర్చి ముక్కలు, సాల్ట్ అండ్ పెప్పేర్ వేసి ఆ పైన చీజ్ తురుము వెయ్యాలి.. (ఉంటే కాస్త oregano కూడా పైన చల్లాలి) ... ఏది ఎంత వెయ్యాలి అని కొలత ఏమీ లేదు ... మన ఇష్టం... ఆ పైన కాస్త కొత్తిమీర ఆకులు వెయ్యాలి.

అన్ని వేసాక దానిమీద మూత పెట్టి ఒక ఐదు నిముషాలు అలానే స్టవ్ మీద తక్కువ వేడి లో ఉంచాలి (ఎక్కువ వేడి పెడితే బ్రెడ్ కింద మాడిపోవచ్చు..చూస్తూ ఉండండి).......

చీజ్ మొత్తం కరిగిపోతే ...తినడానికి బ్రేక్ ఫాస్ట్ రెడీ అయిపోయినట్టే....కొంచెం క్రిస్పీగా, చీజీగా భలే ఉంటుంది.

స్టెప్-3

ఇక టమోటో సాస్ వేసుకుని లాగించడమే..... కొద్ది కారంగా కావాలనుకుంటే రెండు స్పూన్స్ టొమాటో సాస్ మరియు ఒక స్పూన్ టొబాస్కో సాస్ కలిపితే...హాట్ అండ్ స్వీట్ సాస్ రెడీ....

- మంచు

వేణూ శ్రీకాంత్ కి జన్మదిన శుభాకాంక్షలు

2010-12-05T18:43:00.001-05:00

*** శ్రీ రామ ***

ప్రియతమ మిత్రుడు వేణూ శ్రీకాంత్ కి

హృదయపూర్వక జన్మదిన శుభాకాంక్షలు

Each birthday is a new beginning,

full of promise and opportunity and

the chance to make dreams come true.

May this birthday be just the beginning

of a year filled with happy memories,

wonderful moments and shining dreams.

- మంచు

[Photo Courtesy: శ్రీ చిలమకూరు విజయమోహన్ గారు]

చుంబరస్కా అను ఒక మధురమయిన పదార్దం, patent pending

2010-11-20T22:10:00.002-05:00

*** శ్రీ రామ ***

ఇది కేవలం సరదాగా రాసింది.... ఎవర్నయినా నొప్పించి ఉంటే వారికి ముందస్తు క్షమాపణలు... మీ ప్రస్తావన తీసేయ్యమంటే తీసేస్తాను.

ఫ్రెండ్స్ (బ్లాగ్బ్రదర్స్ & ఇన్లాస్) .......

మొన్న జ్యోతిగారి పోస్టు, బజ్‌లొ చాలెంజ్‌లు, ఆ పైన మధురవాణి గారి పోస్ట్, దాంట్లో మన కేడీస్ సారీ అదే మన లేడీస్ కామెంట్లు... చూసాక నాలోని వంటరాత్మ (వంటొచ్చిన అంతరాత్మ)కి పంతం వచ్చింది. ఎలాగయినా వీళ్ళకు మన మగజెంట్స్ టాలెంట్ చూపించాలని మరియూ మన సీనియర్ చెఫ్స్ నల,భీముల పరువు నిలబెట్టాలని సమయానికి కంకణం అందుబాటులో లేకపోవడంతో ఫ్రెండ్షిప్ బాండ్ ఒకటి కట్టుకుని రంగంలోకి దిగాను. ఈ మ్యాటర్ కొంచం కాట్రవల్లి అని అర్ధం అయింది. అందరూ చేసేది మనం చేస్తే సరిపోదు...ఏదయినా కొత్తది చేసి వీళ్ళ చేతులు కట్టించాలని ("నోళ్ళు మూయించాలని" అనే దానికి ఆన్లైన్ ఈక్వలెంట్) అనుకుని ఏం చేద్దామా అని ఆలోచిస్తుండగా ఒక ఫ్లాష్ లాంటి ఐడియా వచ్చింది. అదే చుంబరస్కా... ఇదయితే ఇప్పటివరకు ఎవరూ చెయ్యనిది(చెయ్యలేనిది) మరియు కృష్ణప్రియ గారి కన్నా ముందుగా దీనికి పేటెంట్ హక్కులు సంపాదించ్చొచ్చు. (అసలే ఈమద్య ఎడిసన్ టెస్లా పేటెంట్లు అంటూ ఎక్కువ ఆలోచించా కదా.. పక్కొళ్ళకన్నా ముందు పేటెంట్ ఎలా సంపాదించాలి అన్నదాని మీద బాగా ఐడియా వచ్చిందన్నమాట).

అనుకున్నదే తడవు వెంటనే నిన్న రాత్రి రంగం లోకి దిగాను. ఈ చుంబరస్కా అనేది స్వీట్ గా చేద్దామని నా ప్రయత్నం .

ఇది చెయ్యడానికి ముందు కావలసినవి జీడిపప్పు కిస్మిస్ .....................................................

ఆహా...జీడిపప్పు ...ఆ పేరు వింటేనే నా గుండెలో కోటి సితార్లు మొగుతాయ్. జీడిపప్పే కాదు , బాదం , పిస్తా, వాల్నట్, వేరుశనగ గుళ్ళు వీటి పేర్లు వింటేనే నాలో నరాలు జివ్వుమంటాయి.....కొలెస్టరాల్ కెవ్వుమంటుంది. ఏంటి అలా చూస్తున్నారు .... కావాలంటే ఈ ఫోటో చూడండి ... ఇంట్లో ఎప్పుడూ ఇలా డబ్బాల నిండుగా పప్పులుండాలి. ఇక కిస్‌మిస్ గురించి చెప్పేదేముంది ...మిస్‌కిస్ లా తియ్యగా ఉంటుంది అని మనకి తెలుసుకదా ...

సరే విషయం లోకి వస్తే ముందు రెండు గుప్పుళ్ళు జీడి పప్పు (ఒక గుప్పెడు చుంబరస్కాకి ... ఇంకో గుప్పెడు వంట అయ్యేలోపు నేను తినడానికి) , కొన్ని కిసమిస్ లు నేతిలో వేపించి పక్కన పెట్టా. ఇది గార్నిషింగ్ కోసమన్నమాట... అదేంటి ముందు గార్నిషింగ్ తయారు చెయ్యడమేంటి అని మన కేడీస్ లా ఆలోచించొద్దు...చెప్పాను కదా...దాంట్లో ఒక గుప్పెడు నేను వంట చేస్తున్నప్పుడు తినడానికి . ఆ తరువాత నెక్స్ట్ స్టెప్ .... కావలసినవి తీసుకు పెట్టుకోవాలి.

ఇప్పుడు ఏం చెయ్యాలి... బియ్యం కావాలి... హమ్మయ్య ...బియ్యం డబ్బా వెంటనే దొరికింది.... పెసరపప్పు (మూంగ్ దాల్) ..ఇది పక్కనే దొరికింది... పాలు కావాలి... ఓకే పాలంటే ఫ్రిజ్ లో...ఫ్రిజ్ తలుపు తెరిచి వెతుకుతున్నా...హమ్మ్ ...ఇది చికెన్ ....ఇది మటన్...ఉహు ఇది రొయ్యలు...అబ్బే ఇది ఫిష్....ఇదేంటి ..కాదు ఇది క్రాబ్ మీట్ , మరి ఇది...ఓకే ఇది హాట్డాగ్ ... పాలేక్కడా అని వెతుక్కుంటుండగా ఈలొపు "పాలు డీఫ్రిజ్ లో ఎందుకుంటాయి ...కింద వెతుకు అని" ఒక వాయిస్ వినిపించింది.... వెంటనే కంగారోచ్చింది....నిన్న హోల్ చికెన్ (whole chicken) ఇమ్మంటే ఆ చైనీస్ షాపోడికి అర్ధంకాక బతికున్న కోడిచ్చేసాడా..నేను చూసుకోకుండా ఫ్రిజ్ లో పెట్టేసానా అని.... చూసాను... అదికాదు...మరి ఆ గొంతెవరిది అని తిరిగి చూస్తే పక్కనే నా వంటరాత్మ కోపంగా చూస్తూ...ఒకే ఒకే అని కింద అర నుండి పాలు తీశాను ...

ఒక గిన్నెలో ఒక కప్పు కడిగిన బియ్యం , అరకప్పు కడిగిన పెసరపప్పు, ఒక కప్పు చిక్కటి పాలు , మూడుకప్పులు నీళ్ళు వేసి ఒక నాలుగు విజిల్స్ వచ్చేవరకూ కుక్కర్ లో మెత్తగా ఉడికించా....

ఈలోపు పక్కనుండి సెల్ మోగింది .... ఆర్యా -2 సాంగ్ రింగ్ టోన్... " హే... టిప్పుటాపు దొర కదిలిండొ ..ఎవడికి వీడు దొరకడులెండొ...ముదురండొ...గడుసండొ... తొడిగను ముసుగండొ... ఉప్పుకప్పురంబు నొక్కలుక్కునుండొ....వీడి రూపుచూసి మొసపొకండొ............ కమాన్ కమాన్ మొస్ట్ కన్నింగు" ... అంటూ
ఒహొ నాగా ఫొన్ ... ఫోన్ తీశాను.... ఆ పక్క నాగా

* * *

" అన్నాయ్ కుక్కర్ తో చపాతీలు ఎలా వండాలి"
" కుక్కర్ తో చపాతీలేంటి .. బాలయ్య బాబు సినిమా ఎమన్నా చూసావా.. "
" నాదగ్గర కుక్కర్ ఒకటే ఉందన్నాయ్... నాకర్ధం కాకే నీకు ఫోన్ చేసాను"
" మరి ఎలాగా.... అస్సలు ఇంకేం పాత్రలు లేవా ..చుట్టూ చూడు ఒకసారి "
" ఉహు ఏం లేవన్నాయ్.... ఎవరో తాగి పాడేసిన కింగ్ ఫిషర్ బాటిల్ తప్ప ఇంకేం లేవు "
" నీ రూం లో నువ్వు తప్ప ఇంకేరెవరు ఉంటారు?"
"ఇంకెవరు ఉండరాన్నాయ్... నేనొక్కడినే ...ఏం ఎందుకు ?"
" ఏం లేదులే...ఎవరు తాగి పారేసారో అని .... సరే చెప్తా వినుకో... ముందు కుక్కర్ గిన్నెలో గోధుమపిండి వేసి నీళ్ళు పోసి బాగా కలుపు... ఆ తరువాత ఆ పిండి చిన్న చిన్న ముద్దలు గా చేసి... ... ఆ కుక్కర్ వెనక్కి తిప్పి దానిమీద ఈ ముద్ద పెట్టి ఆ కింగ్ ఫిషేర్ బాటిల్ తో గుండ్రంగా వత్తు...ఆ వత్తినవి ఒక న్యూస్ పేపర్ లో పెట్టుకుని ...."
" అన్నాయ్ న్యూస్ పేపర్ మీద ఆంటే... ఇలియానా బొమ్మ ఉన్న పేపర్ లో పెట్టాలా...కత్రినా కైఫ్ ఫోటో ఉన్న పేపర్ మీద పెట్టాలా ?"
" @()$*(@* "
" సారీ ...నువ్వు చెప్పన్నాయ్ "
"ఇప్పుడు కుక్కర్ మళ్ళీ మాములుగా వెనక్కి తిప్పి ....స్టవ్ మీద పెట్టి ..చేపాతీలు వేయించు...అంతే "
" నువ్వు కేకన్నాయ్....నాకు తెలుసు కుక్కర్ ఉంటే ఏదయినా వండేయొచ్చు అని .. రేపు ఫోన్ చేస్తా...కుక్కర్ తో ఐస్క్రీం ఎలా వండాలో చెప్పన్నాయ్ "
" సర్లే బై " .... అని ఫోన్ పెట్టేసా ...చెప్పడం మరిచా....మన బ్లాగర్లందరికీ ఒక్కో సాంగ్ రింగ్ టోన్ గా పెట్టా...ఈజీ గా గుర్తుపట్టడానికి....

* * *

ఫోన్ పెట్టాక ... స్టవ్ లోహీట్ లో పెట్టి ..దాని మీద ఒక గిన్నె పెట్టి...ఉడికించిన అన్నం పెసరపప్పు మిశ్రమం దాంట్లో వేసా....

పై ఫోటో చూసి ఇదేంటి బియ్యం పెసరపప్పు ఉడికించి తీస్తే నేస్తంగారి ఉలవచారులా వచ్చింది అనుకోకండి ... అప్పుడు కరెంట్ పోయింది ...వచ్చేవరకూ వెయిట్ చెయ్యాలి ...నాది కరెంట్ స్టవ్ మరి...

.
.
.
.
హమ్మయ్య కరెంటు వచ్చింది అనుకుని ..

ఇప్పుడు ఆ అన్నం, పెసరపప్పు మిశ్రమం లో పంచదార వేసా... ఎంతవేయ్యాలి అన్నదానికి పెద్ద కొలత ఉండదు... కొద్దిగా వేస్తూ రుచి చూస్తూ ...మనకి ఎంత తీపి నచ్చితే అంతవరకు వేసేయ్యడమే... నేనయితే చిన్న బెల్లం ముక్క కూడా వేసా...

ఆ తరువాత దాంట్లో ....నెయ్యి వేసా ... దీనికి పెద్ద కొలత ఏమీ ఉండదు... ఎంత ఎక్కువ వేస్తే అంత టేస్ట్ ...

పొయ్యిమీద ఉన్న మిశ్రమంలో పంచదార పూర్తిగా కరిగే వరకూ కలియపెట్టి...దాంట్లో కొంచెం యాలికుల పొడి ... అప్పటివరకూ తినగా మిగిలున్న వేయించిన జీడిపప్పు, కిస్‌మిస్ వేసి ...దింపి చల్లారే వరకూ ఉంచా.... అసలయితే దీంట్లో వేయించిన చిన్న చిన్న కొబ్బరి ముక్కలు వేద్దామనుకున్నా కానీ సమయానికి ఇంట్లో కొబ్బరికాయ లేదు ...

చల్లారాక ఒక గిన్నెలోకి తీసి మద్యలో ఒక చిన్న గుంట తీసి దాంట్లో కాస్త నెయ్య...కొంచెం బాదం పలుకులు వేస్తే ..ఇలా వచ్చింది...

అలవాటు ప్రకారం ఇంట్లోవండిన పిండివంట ముందు ఇక్కడ పెట్టి ...

ఆ తరువాత వెంటనే ఒక బాక్స్‌లొ ఈ చుంబరస్కా పెట్టుకుని మా పక్క సందులో ఉన్న పేటెంట్ ఆఫీసు కి వెళ్లాను...నన్ను చూడగానే నైట్ డ్యూటీలో బయట నుంచుని ఉన్న ఇద్దరు ఆఫీసర్లు ఎదురొచ్చి నన్ను సాదరం గా లోపలి తీసుకెళ్ళారు. సోఫాలో కూర్చోపెట్టి... డ్రింక్ ఎమన్నా తీసుకుంటారా అని అడిగారు... అబ్బే అలవాటు లేదు అని అబద్దం చెప్పా... ఓకే.. తర్వాత తాగాలనిపిస్తే అక్కడ ఉంది అని కోక్ వెండింగ్ మెషిన్ చూపించి లోపలకి వెళ్ళిపోయారు... ఓహో కొద్ది ఎక్కువ ఊహించుకున్నా అని అనుకుంటుండగా...లోపలనుండి పేటెంట్ ఆఫీసరు వచ్చి రండి రండి అని లోపలకి తీసుకెళ్ళాడు...

" చెప్పండి... దేనికి పేటెంట్ ... ఏదయినా పర్లేదు...మా దగ్గర చాలా ప్యాకేజీలు ఉన్నాయి "

ఓహ్... వీళ్ళకీ రిసెషన్ ఎఫ్ఫెక్ట్ బాగానే పడింది అనుకుంటూ ....

" దీని పేరు చుంబరస్కా .. ఈరోజే కనిపెట్టా... దీనికి పేటెంట్ కావాలి..."
" ఏది చూడనివ్వండి... " అని తీసుకుని ఒక స్పూన్ తిన్నాక....
" ఏంటి ఇది చుంబరస్కా నా...ఈరోజే కనిపెట్టారా...ఏం నాటకాలుగా ఉందా "
" నిజం ... ఒట్టు....కావాలంటే ఆ బాక్స్ మీద లేబిల్ అంటించా చూడండి... ఇదిగో సెల్ఫ్ డిక్లరేషన్ పత్రం కూడా "

" ఎరా నీకు... నేను మరీ మాలిక టీం లా కనిపిస్తున్నానా.... బాక్స్ లో చక్రపొంగలి వేసి పైన చుంబరస్కా అని రాసేస్తే నేను ఒప్పుకోవాలా .. సెల్ఫ్ డిక్లరేషన్ పత్రం అంట...డిక్లరేషన్ అఫ్ ఇండిపెండెన్స్ అంత బిల్డప్ ఒకటి " అని మర్యాదగా చివాట్లు పెడుతుంటే ....

" అయ్యో ...ఇది ఆల్రేడి కనిపెట్టాసారా ..." అనుకుంటూ నిరాశ గా నేను వెనక్కి తిరిగా...

వెనకనుండి... ఇప్పటివరకూ నా టైం వెస్ట్ చేసినందుకు ఆ బాక్స్ వదిలేసి వెళ్ళు అంటున్నాడు ... ఏం చేస్తాం.. అక్కడే వదిలేసి వచ్చా....

వాడు దాన్ని చక్రపొంగలి అన్నా ఇంకేమన్నా...నాకు మాత్రం ఇది చుంబరస్కానే .. కొన్ని మార్పులు చేర్పులు చేసి మళ్ళీ పేటెంట్ కోసం ప్రయత్నిస్తా.... అప్పటివరకూ... patent pending

---------------------------------------------------------------------------------------------------------------

ఆ. సౌమ్య గారి సౌజన్యంతో మీకో బోనస్ రెసిపీ : చుంబరస్కా టల్లోస్

ఒక రెండు కప్పులు చుంబరస్కా , రెండు కప్పులు టల్లోస్ , ఒక లీటర్ నీళ్ళు కలిపి ఒక 2 నిముషాలు మిక్సీ పట్టి తీస్తే అదే చుంబరిస్కా టల్లోస్.... టల్లోస్ రెసిపీ ఇక్కడ

- మంచు

న్యూ ఇంగ్లాండ్ ..

2010-11-03T01:15:00.004-04:00

*** శ్రీ రామ ***

2009 ఫాల్ .... న్యూహంప్షైర్ రాష్ట్రం

పెద్దగా చూడటానికి ఫొటొమీద క్లిక్ చెయ్యండి

-మంచు

నా అభిమాన శాస్త్రజ్ఞులు -4/4 : War of Currents

2010-10-27T23:54:00.000-04:00

*** శ్రీ రామ ***

PART -4

అయితే అప్పటికే టెస్లా చేస్తున్న పరిశొధనలకి ముగ్దుడైన జార్జి వెస్టింగ్‌హవుస్ (George Westinghouse) వెంటనే టెస్లా దగ్గర ఏ.సి. విద్యుత్ కి సంభందించిన కొన్ని పేటెంట్లు కొనుక్కుని, తన Westinghouse Corporation లో టెస్లాకి ఉద్యోగం ఇచ్చాడు. ఇక్కడ ఒక చిన్న సంఘటన చెప్పుకోవాలి ....

ముందు చేసుకున్న ఒప్పందం ప్రకారం టెస్లా పేటెంట్లు వాడుకుంటున్నందుకు Westinghouse Corporation 60,000 డాలర్లు ఫిక్సెడ్ డబ్బు మరియు ఆ పేటెంట్లను ఉపయోగించుకుని ఉత్పత్తి చేసిన ప్రతి హార్స్ పవర్ విద్యుత్ కి రెండున్నర డాలర్లు టెస్లా కి చెల్లించాలి. అయితే కొన్నాళ్ళకి వెస్టింగ్‌హవుస్ కంపెనీ ఆర్ధికంగా కస్టాల్లొ పడటంతో , ఆ కంపెనీ ఆడిటర్లు " ఇలా టెస్లాకి హార్స్‌పవర్ కి రెండున్నర డాలర్ల చొప్పున డబ్బు చెల్లిస్తూ పొతే చాలా నష్టం వస్తుంది..కొన్నాళ్ళకి కంపెనీ మూసుకొవడమో లేక టెస్లాకి అమ్మేయడమో చెయ్యాలి అందుచేత వెంటనే ఎంతోకొంత సొమ్ము ముట్టచెప్పి ఆ హార్స్ పవర్ కి రెండున్నర డాలర్ల ఒప్పందం రద్దుచేసుకోమని " జార్జి వెస్టింగ్‌హవుస్ కి సలహా ఇచ్చారట.. అప్పుడు వెస్టింగ్‌హవుస్ అయిష్టంగానే టెస్లాని పిలిచి విషయం చెప్పి , ఆ రెండున్నర డాలర్ల ఒప్పందం రద్దుచెయ్యడానికి ఎంత కావాలో చెప్పు అని అడుగగా, దానికి టెస్లా "నువ్వు నన్ను కష్టకాలం లో ఆదుకున్నావు, నా ప్రతిభని గుర్తించి నాకు ప్రోత్సాహం అందించావు, ఈరోజు నీ కంపెనీ కష్టకాలంలో వుందంటే నేను చెయ్యగలిగినది చెయ్యకుండా ఉంటానా" అని ఒక్క డాలరు తీసుకోకుండానే ఆ రెండున్నర డాలర్ల రాయల్టీ పత్రం చించేసాడట .

టెస్లా, ఎడిసన్ మద్య ఉన్న వ్యత్యాసాలలో ఇది ఒకటి .. "ఎడిసన్ అన్ని వ్యాపారపరంగా ఆలోచిస్తే ... టెస్లాకి డబ్బు కన్నా పేరు, గుర్తింపు కోసం ఎక్కువ తాపత్రయం పడేవాడట"...

ఎడిసన్ ప్రతిపాదించిన డి.సి. విద్యుత్ అప్పుడప్పుడే ప్రాచుర్యం పొందుతుంది కానీ డి.సి. విద్యుత్ వ్యవస్థలో ట్రాన్స్ఫార్మర్(Transformer) ఉపయోగించి వోల్టజ్ లెవెల్ పెంచడం తగ్గించడం కుదరదు కాబట్టి ఆ డి.సి. విద్యుత్ రవాణా చేసే ప్రక్రియలో చాలా శక్తి కోల్పోవాల్సి వచ్చేది మరియు జనేరేటర్ నుండి దూరం పెరిగే కొద్ది వోల్టేజ్ తగ్గిపోతూ వుండేది. దానివల్ల జనరేటర్ నుండి రెండు మైళ్ళు కన్నా ఎక్కువ దూరం రవాణా చెయ్యడానికి వీలుపడకపోవడంతో ఎడిసన్ ప్రతీ రెండుమైళ్ళకి ఒక్కో డి.సి. విద్యుత్ జెనరేటింగ్ స్టేషన్ పెట్టి ఆ చుట్టుపక్కల ఉన్న ప్రజలకు విద్యుత్ సరఫరా చేసేవాడు. టెస్లా రూపొందించిన ఎ.సి. విద్యుత్ వ్యవస్థ లో ట్రాన్స్ఫార్మర్ వాడే వీలు వుండటం వల్ల, సరఫరాలో వోల్టేజ్ తగ్గినా మళ్లీ ఎక్కడికక్కడ వోల్టేజ్ లెవెల్ పెంచుకునే వీలు వుంటుంది. అంతే కాకుండా విద్యుత్ ఎంత ఎక్కువ వోల్టేజ్ తొ సరఫరా చేస్తే అంత తక్కువ విద్యుత్చక్తి రవాణాలో నష్టపోతాం కాబట్టి జెనరేటింగ్ స్టేషన్ దగ్గర విద్యుత్ వోల్టేజ్ లెవెల్ ట్రాన్స్ఫార్మర్ సహాయం తో పెంచి..ఆ ఎక్కువ వోల్టేజ్ లెవెల్ తో విద్యుత్ రవాణా చేసి , మళ్ళీ మనం వాడుకునే చోట మనకి కావాల్సిన లెవెల్ కి అదే ట్రాన్స్ఫార్మర్ ఉపయోగించి తగ్గించుకుని వాడుకోవచ్చు. ఈ ఉపయోగాలతో టెస్లా , వెస్టింగ్‌హవుస్ ఎ.సి. విద్యుత్‌కి ప్రచారం కల్పిస్తుంటే , ఎడిసన్ తన డి.సి. విద్యుత్ లో అలాంటి ఉపయొగాలు లేకపోవడంతో మార్కెట్ కోల్పోతానన్న భయం తో డి.సి. కరెంట్ తో పోలిస్తే ఎ.సి. కరెంట్ చాలా ప్రమాదకరమయినది అని దుష్ప్రచారం చెయ్యడం మొదలు పెట్టాడు.

ఈ దుష్ప్రచారం లొ భాగం గా ఎ.సి. విద్యుత్ ప్రమాదరకమయినది అని రుజువు చెయ్యడానికి ఎడిసన్ అనుచరులు వీది కుక్కలను, పిల్లులను, వయస్సు మళ్ళిన ఆవులు , గుర్రాలను ఎ.సి. కరెంట్ ఇచ్చి పబ్లిక్ గా చంపడం లాంటి పనులు చెసేవారు. ప్రాణాలు తియ్యడానికి ఉపయొగించాలంటే ఎ.సి. అయినా డి.సి. అయినా పెద్దగా తేడాలేకపొయినా... అప్పట్లొ ప్రజలకి ఈ విద్యుత్చ్చక్తి మీద పెద్దగా అవగాహన లేకపొవడంతొ ఇలాంటి పబ్లిక్ డిమాన్‌స్ట్రేషన్స్ ఎక్కువ ప్రభావం చూపేవి. ఇందులో 'టాప్సి' అనే మరణశిక్ష పడిన ఏనుగుకి పబ్లిక్ గా ఎ.సి. విద్యుత్ ఇవ్వడం ద్వారా శిక్ష అమలుచేయ్యడం , దానిని ఎడిసన్ చిత్రీకరించి దేశవ్యాప్తం గా ప్రచారానికి ఉపయోగించుకోవడం అప్పట్లో సంచలనం సృష్టించింది. ఇదే కాకుండా ఎడిసన్ ఇంకోపక్క ఎ.సి. వాడకాన్ని నిషేదించాల్సినదిగా తనకున్న పలుకుబడితో ప్రబుత్వం మీద ఒత్తిడి తెచ్చేవాడు.

ఎడిసన్ వ్యక్తిగతంగా మరణ శిక్షను వ్యతిరేఖించేవాడు. 1890 లో మొదటి ఎలెక్ట్రిక్ చైర్ (వ్యక్తి శరీరం లోకి కరెంట్ పాస్ చెయ్యడం ద్వారా మరణ శిక్ష అమలుపరచడం) కనిపెట్టినప్పుడు , ఆ ఎలెక్ట్రిక్ చైర్ కనిపెట్టిన హరొల్డ్ బ్రౌన్ కి రహస్యంగా డబ్బులిచ్చి ఆ చైర్ ఎ.సి. కరెంట్ ద్వారా పనిచేసేలా డిజైన్ చేయించాడు. ఈ చైర్ మొదట సారి ఉపయోగించినప్పుడు, ప్రాణం పూర్తిగా పోవడానికి సరిపడా వోల్టేజ్ ఇవ్వకపోవడం తో ఆ శిక్ష పడ్డ ఖైది అతి దారుణమయిన గాయాలతో బతికాడు. అది కూడా ఎ.సి. కరెంట్ ప్రమాదకరమయినదే అని చెప్పడానికి ఎడిసన్ క్యాంప్ వాడుకున్నారు. అంతే కాకుండా ఈ ఎలెక్ట్రిక్ చైర్ ని ఉదహరిస్తూ "being electrocuted" అనే పదాన్ని "being Westinghoused " అనే వాడుకపదం లా ప్రచారం చేయించాడు. ఎడిసన్ వైపు నుండి ఇలా ఎన్ని దుస్ప్రచారాలు కొనసాగుతున్నా టెస్లా , వెస్టింగ్‌హవుస్ తన పని తను చేసుకుపోసాగారు.

టెస్లా ప్రతిపాదించిన ఎ.సి. కరెంట్ కి తొలి పెద్ద విజయం నయాగరా పవర్ కంపెనీ రూపం లో దక్కింది. నయగారా జలపాతం నుండి విద్యుత్చక్తి ని ఉత్పత్తి చెయ్యడానికి "నయాగరా ఫాల్స్ పవర్ కంపనీ(NFPC)" వివిధ పవర్ కంపెనీల నుండి ప్రపోజల్స్ ని ఆహ్వానించింది. ప్రపంచ వ్యాప్తంగా దాదాపు 19 కంపెనీలనుంది ప్రతిపాదనలు వచ్చినా డి.సి. విద్యుత్ ని ప్రతిపాదించే ఎడిసన్ యొక్క GE , ఎ.సి. కరెంట్ ప్రతిపాదిస్తున్న టెస్లా యొక్క వెస్టింగ్‌హవుస్ కార్పోరేషన్ ల మధ్యే ప్రధానమయిన పోటీ... మొత్తానికి 1893 లో NFPC టెస్లా ప్రతిపాదనలకే మొగ్గుచూపి వెస్టింగ్‌హవుస్ కి ఆ ప్రాజెక్ట్ అప్పగించింది (నయాగరా ఫాల్స్ కి వెళ్ళిన వారు ఫాల్స్ దగ్గర టెస్లా కాంస్య విగ్రహం చూసేవుంటారు ).

ఆ తరువాతి పెద్ద విజయం The Chicago World's Fair లో దక్కింది. 1893 లో కొలంబస్ అమెరికా కనిపెట్టిన 400 వ సంవత్సర వేడుకలు చికాగో లో 600 ఎకరాల్లో అత్యంత వైభవంగా జరిగాయి. ఆ వేడుకకి విద్యుత్ సరఫరా చెయ్యడానికి టెండర్లు పేలిస్తే "ఎడిసన్ , జే. పి. మోర్గాన్ (JP Morgan)" ల అద్వర్యం లో GE కంపెనీ 1.8 మిలియన్ డాలర్లకు మొదటి బిడ్ వేసినా....టెస్లా , వెస్టింగ్‌హవుస్ లను ఎదుర్కోవాలనే ఉద్దేశ్యంతో ఆ తరువాత ఆ బిడ్ ను 0.55 మిలియన్ డాలర్లకు తగ్గించింది. అయినా వెస్టింగ్‌హవుస్ కంపెని 0.4 మిలియన్ డాలర్లకే బిడ్ చెయ్యడం తో ఆ ప్రాజెక్ట్ కూడా వెస్టింగ్‌హవుస్ కే దక్కింది. అయితే ఆ ఓటమికి ప్రతీకారంగా వెస్టింగ్‌హవుస్ కంపెనీని ఎలాగయినా దెబ్బ కొట్టాలని GE కంపెనీ ఈ వరల్డ్ ఫెయిర్ కి తమ బల్బులు అమ్మబోవడం లేదని ప్రకటించింది. ఆఖరు నిముషంలో GE ఇలా దెబ్బతీయడంతో , చాలెంజ్ గా తీసుకున్న టెస్లా నేతృత్వం లోని వెస్టింగ్‌హవుస్ ఇంజనీర్లు అప్పటికప్పుడు ఎడిసన్ పేటెంట్ లు అవసరం లేనటువంటి కొత్త బల్బును కనిపెట్టి ఆ ఫెయిర్ లో ఉపయోగించారు. అదే ఫెయిర్ లో టెస్లా మొదటి సారిగా phosphorescent lamps ( అవే ఇప్పటి ట్యూబ్ లైట్ గా రూపాంతరం చెందాయి ) , మొదటి నియాన్ లాంప్ (ఇప్పుడు షాప్స్ మీద రంగురంగుల తో వివిధ ఆకారాలలో కనిపించే లైట్లు) ప్రదర్శించాడు. (ఈ బల్బులకి టెస్లా పేటెంట్లు తీసుకోవడం మర్చిపోయాడట :-) )

అలా ఈ రెండు పెద్ద సంఘటనలతో ఎడిసన్ నేతృత్వం లోని GE కంపెనీ యొక్క డి.సి. విద్యుత్ వ్యవస్థ టెస్లా ఎ.సి. విద్యుత్ వ్యవస్థ చేతిలో పరాజయం పొందింది. ఆ తరువాత కొన్నాళ్ళకి GE కూడా టెస్లా యొక్క ఎ.సి. మోటార్లు తయారి మొదలు పెట్టింది. ఎడిసన్ మొదట రూపొందించినట్టు ప్రతీ రెండు మైళ్ళకి ఒక చిన్న జేనేరటింగ్ స్టేషన్ కాకుండా , ఒక చోటే పెద్ద మొత్తం లో విద్యుత్ ఉత్పత్తి చేసి దూర ప్రాంతాలకి రవాణా చెయ్యడం మొదలయ్యింది. ఈ రోజు ప్రపంచం మొత్తం ఎ.సి. పవర్ మీదే నడుస్తుంది. ఎడిసన్ కొన్నాళ్ళ తరువాత ఎ.సి. విద్యుత్ విషయం లో టెస్లా మాట విననందుకు పశ్చాత్తాప పడ్డాడని చెబుతారు.

ఎడిసన్, టెస్లా ఇద్దరూ స్నేహానికి ప్రాణమిచ్చినవారే. ఎడిసన్ కి హెన్రీ ఫోర్డ్ (ఫోర్డ్ కార్ల సంస్థ అధిపతి) , అమెరికన్ ప్రెసిడెంట్ హోవర్ లు మంచి స్నేహితులయితే , టెస్లా కి అమెరికన్ రచయత మార్క్ ట్వైన్ మంచి స్నేహితుడు. టెస్లా తన చివరి రోజులలో స్వామి వివేకానంద బోధనలకి బాగా ఆకర్షితుడై ఒక్కసారి అయినా వివేకానందను కలిసే ఆవకాశం రావాలని కోరుకున్నాడట ...

ఎడిసన్ మంచి శాస్త్రజ్ఞుడు మరియు వ్యాపార వేత్త. జే పి మోర్గాన్ యొక్క సహకారం తో GE అభివృద్ధి పరిచి ఈ రోజు ప్రపంచం లో అత్యంత శక్తివంతమయిన సంస్థగా ఎదగడానికి తోడ్పడ్డాడు. ధనవంతుడిగా జీవించాడు, ధనవంతుడిగా మరణించాడు. అతని కీర్తి ప్రతిష్టలు ఎనలేనివి. ఈ రోజు ప్రపంచ వ్యాప్తం గా (ముఖ్యం గా అమెరికాలో ) ఎడిసన్ ని విద్యుత్ శాస్త్రం కి ఆద్యుడిగా కీర్తిస్తారు , పిల్లలకి బోధిస్తారు. చాలామందికి అసలు టెస్లా గురించి తెలీనే తెలీదు. ఎడిసన్ , ఫోర్డ్, బిల్ గేట్స్ లాంటి వారు మల్టీ టాలెంటెడ్ .. వారికి సైన్సు తో పాటు వాటితో వ్యాపారం ఎలా చెయ్యాలో బాగా తెలుసు.. అందుకే వారు అత్యంత ప్రజాదారణ పొందారు , వ్యాపారపరంగా మంచి విజయాలు సాధించారు. టెస్లా వీరికన్నా జీనియస్ ... కానీ తను రూపొందించిన సైన్సు ని వ్యాపారపరం గా మలచడం లో విఫలమయ్యాడు. అందుకే అన్ని పేటెంట్లు సాధించినా తన జీవితం చరమాంకం లో డబ్బు కి చాలా ఇబ్బందులు పడ్డాడు. ఇన్ని విజయాలు సాధించినా చివరకి ఒక హోటల్ గది లో అనాధగా మరణించాడు. .

టెస్లా కనిపెట్టిన వాటిలో ముఖ్యమైనవి ౩-ఫేసు AC విద్యుత్తు, ఇండక్షన్ మోటార్ , ఫ్లోరోసెంట్ బల్బ్ (ట్యూబ్ లైటు) , రేడియో (మొదట్లో ఈ పేటెంట్ మార్కొని పేరు మీద వున్నా ఆ తరువాత కోర్టు టెస్లా కి చెందుతుందని తీర్పు చెప్పింది) , వైర్లెస్ పవర్ రవాణా. 1900వ సంవత్సరం లోనే టెస్లా తన కొలరాడో స్ప్రింగ్స్ ల్యాబ్ దగ్గర వైర్లు లేకుండా విద్యుత్ రవాణా విజయవంతంగా ప్రదర్శించాడు. అయితే ఆ విదానం తో వినియోగదారులకి బిల్లింగ్ కష్టం అవుతుంది అని అప్పటి వరకూ అతనికి కూడా ఫండింగ్ అందిస్తున్న జే పి మోర్గాన్ అతనికి నిధులు ఆపేసాడు . ఆ విధంగా వైర్లేస్స్ విద్యుత్ రవాణా మీద టెస్లా తన పరిశోధనలు ఆపేయాల్సి వచ్చింది. అది జరిగి 110 సంవత్సరాల అయినా ఇప్పటికీ ఈ వైర్లేస్స్ విద్యుత్ రవాణా మిస్టరీనే. అప్పుడు అతనికి నిధులు ఆపేయకుండా వుంటే ఇప్పటికే మనం వైర్లెస్ ద్వారా విద్యుత్ అందుకునే వాళ్ళం అనడం అతిశయోక్తి కాదు.

టెస్లా కి జరిగిన మరో పెద్ద అవమానం నోబెల్ ప్రైజ్. టెస్లాకి ఇస్తే ఎడిసన్ నోచ్చుకుంటాడు ఆన్న ఒకే ఒక కారణం తో టెస్లా కి నోబెల్ ప్రైజ్ ఇవ్వలేదట. ఒక సంవత్సరం లో ఎడిసన్ , టెస్లా ఇద్దరికీ ఇచ్చే ప్రతిపాదన వచ్చినా, అలా కలిపి ఇస్తే తీసుకోవడానికి ఇద్దరికీ ఇష్టం లేకపోవడంతో ఇద్దరికీ ఇవ్వలేదు. మార్కోనీ కన్నా ముందు రేడియో కనిపెట్టినట్టు రుజువైయినా రేడియో పేటెంట్ టెస్లాకి బదలీ చేసారు కానీ రేడియో కనిపెట్టినందుకు ఇచ్చిన నోబెల్ ప్రైజు మాత్రం మార్కొని దగ్గరే ఉండిపోయింది. తన జీవిత కాలం లో టెస్లా 300 పేటెంట్లు తీసుకుంటే ఎడిసన్ 1083 పేటెంట్లు తీసుకున్నాడు. టెస్లా కి కూడా ఎడిసన్ కి వచ్చినన్ని నిధులు వచ్చివుంటే, ఎడిసన్ లాంటి బిజినస్ మైండ్ వుండి వుంటే , పేటెంట్ల సంఖ్య లో ఎడిసన్ ని దాటేసేవాడే..

తన జీవితం లో ఆఖరు పది సంవత్సరాలు హోటల్ న్యూ యార్కర్ లోని రూం. 3327 లో గడిపిన టెస్లా 1943 లో గుండెపోటుతో కన్నుమూసాడు. అతను చనిపోయే టైములో టెలిఫోర్స్ అనే అయుదాన్ని డెవెలప్ చేస్తున్నాడు. అది అమెరికన్ మిలటరీ కొనడానికి నిరాకరించినా, అతను చనిపోయాక టెస్లా రిసెర్చ్ పత్రాలు శత్రువుల చేతిలో పడతాయేమో ఆన్న అనుమానం తో అమెరికన్ ప్రబుత్వం అతని ప్రయోగాలకి సంబందించిన అన్ని పత్రాలు స్వాదీనపరచుకొని టాప్ సీక్రెట్ అని ముద్ర వేసింది. ఆ విధం గా టెస్లా తన జీవితం చివరికాలంలో చేసిన అనేక ప్రయోగాల తాలూకు వివరాలు FBI లాకర్లలో మగ్గిపోయి ప్రపంచానికి తెలీకుండా (పనికిరాకుండా) పోయాయి .

అలాగే అప్పట్లో ఎడిసన్ GE కంపెనీకి గట్టి పోటీ ఇచ్చిన వేస్టింగ్హవుస్ కంపెనీ ఆ తరువాత వాళ్ళ బిజినెస్లు అన్ని అమ్మేసుకుని ఇప్పుడు అడ్రస్ లేకుండా పోయారు.

అది నాకిష్టమయిన ఈ ఇద్దరూ మహా శాస్త్రజ్ఞుల జీవిత చరిత్ర . మనలో చాలా మందికి ఎడిసన్ గురించి తెలుసు... అతని పట్టుదల గురించి ఎన్నో ఇన్స్పైరింగ్ కథలు విన్నాం. ప్రపంచానికి వెలుగు అందించిన వ్యక్తిగా , విద్యుత్ శాస్త్రానికి ఆద్యుడిగా కొలవబడుతున్న ఎడిసన్ గురించి ఇంకా నేను చెప్పేది ఏమీ లేదు. అయితే ఏ కారణాల వల్ల అయితే ఏమి అతని కన్నా తెలివయిన టెస్లా కి మాత్రం తగినంత గుర్తింపు రాలేదు. అందువల్ల అతని గురించి నాకు తెలిసినది, నేను విన్నది మీతో పంచుకునే ప్రయత్నం ఇది.....

(సమాప్తం)

- మంచు

Special thanks to my sister without whom this series would not have been at all possible.

Disclaimer: All the information provided on this blog is for informational purposes only. Author makes no representations as to accuracy or validity of any information on this blog and will not be liable for any errors in this information. This post is written based on information available on worldwide web for public reading.

నా అభిమాన శాస్త్రజ్ఞులు -3/4

2010-10-25T00:10:00.001-04:00

*** శ్రీ రామ ***

PART-3

ఎడిసన్:

అప్పుడు నేర్చుకున్న మోర్స్ కోడ్ ఆ తరువాత ఎడిసన్‌కి టెలిగ్రాఫ్ ఆపరేటర్ గా పనిచెయ్యడానికి బాగా ఉపయోగపడింది. అప్పట్లో ఒక ఉద్యోగి అమెరికన్ సివిల్‌వార్‌ లొ పాల్గొనడానికి వెళ్ళడంతో , అతని స్తానంలో పనిచెయ్యడానికి తన పదిహేనో ఏట టెలిగ్రాఫ్ ఆపరేటర్‌గా ఉద్యోగంలో చేరాడు. అక్కడ కొన్నాళ్ళు పని చేసాక, సివిల్ వార్ అయిపోయి ఆ ఉద్యోగస్తుడు తిరిగి రావడటంతో అతను మళ్లీ ఉద్యోగం కోసం ప్రయత్నాలు మొదలు పెట్టాడు. ఇల్లువిడిచి వెళ్లి కొన్నాళ్ళు అమెరికా మధ్య రాష్ట్రాల్లో చిన్నచితక ఉద్యోగాలు చేసి 1868 లో తిరిగి తల్లితండ్రులదగ్గరకి వచ్చాడు. పెద్ద చెప్పుకోదగ్గ ఉద్యోగాలు చెయ్యకపోవడం వల్ల చేతిలో చిల్లిగవ్వ కూడా లేకుండానే తిరిగివచ్చిన ఎడిసన్, అతని కుటుంబం పేదరికం వల్ల తన తల్లి మానసికంగా క్రుంగిపోవడం చూసి ఇక ఎలాగయినా సీరియస్‌గా డబ్బు సంపాదించాలని నిర్ణయించుకున్నాడు. అదే సమయం లో అతని స్నేహితుడు బిల్లీ ఆడమ్స్ అమెరికా లో ఈస్ట్ కోస్ట్ కి వచ్చి టెలిగ్రాఫ్ ఆపరేటర్‌గా పెర్మినేంట్ ఉద్యోగం చూసుకోమని ఎడిసన్‌కి సలహా ఇచ్చాడు. ఇప్పటి "సిలికాన్ వ్యాలీ"లా అప్పట్లో బోస్టన్ నగరం సైన్సు పరిశొధనలకి , ఉన్నత చదువులకి హబ్‌గా పేరుపొందడం వల్ల, తన స్నేహితుని సలహా మరియూ తను చేసిన చిన్న చిన్న రిపైర్లకి రైల్వే కంపనీ ఇచ్చిన ఉచిత టికెట్ తో బోస్టన్ బయలుదేరాడు.

బోస్టన్లో ప్రఖ్యాతి గాంచిన వెస్ట్రన్ యూనియన్ కంపెనిలో టెలిగ్రాఫ్ ఆపరేటర్ గా ఉద్యోగంలో చేరాడు. ఒకవైపు ఉద్యోగ భాద్యతలు , ఇంకోవైపు అతని సొంత పరిశోధనలు తో అతని దినచర్య ఊపిరిసలపనంత పని ఒత్తిడితో వుండేది. ఉద్యోగంలో చేరిన ఆరునెలల తరువాత అతను రూపొందించిన "ఎలెక్ట్రిక్ వోటింగ్ మెషిన్" అతనికి మొదటి పేటెంట్ ను సంపాదించి పెట్టింది. కాకపోతే కొన్ని కారణాల వల్ల అలాంటి ఆటోమాటిక్ వోటింగ్ మెషిన్ని వాడటానికి అప్పటి మసాచ్యుసేట్స్ రాష్ట్ర ప్రబుత్వం నిరాకరించింది. మొదటి పేటెంట్ అమ్ముడుపడక పోవడం , తన పరిశోధనలకి బాగా డబ్బు అవసరపడటం తో ఇక నుండి జనాలు కొనడానికి ఇష్టపడని వస్తువులు కనిపెడుతూ తన సమయం వృధా చేసుకోకూడని ఒక గట్టి నిర్ణయానికి వచ్చాడు. అయితే అదే సమయంలో .. తన పరిశోధనలకే ఎక్కువ సమయం కేటాయిస్తూ తన ఉద్యోగబాధ్యతలు మీద అశ్రద్ద చూపుతున్నాడన్న కారణంతో వెస్టర్న్ యూనియన్ కంపెని ఎడిసన్‌ని ఉద్యోగం నుండి తొలగించింది. ఇక చేసేది లేక , తన స్నేహితుడు మరియూ మంచి శాస్త్రవేత్త ఆయిన బెంజిమన్ బ్రేడ్డింగ్ దగ్గర కొంత సొమ్ము అప్పు తీసుకుని న్యూయార్క్ బయలు దేరాడు.

న్యూయార్క్ లోని ఒక బ్రోకరేజ్ కంపెనీలో ఎలక్ట్రీషియన్ గా ఉద్యోగంలో జాయిన్ అయ్యాడు. అసలు ఆ ఉద్యోగం కూడా చాలా విచిత్రంగా వచ్చింది. ఒకరోజు ఉద్యోగం కోసం రోడ్లమ్మట తిరుగుతుండగా... ఆ బ్రోకరేజ్ కంపెని మేనేజర్ తన కంపెనీలో కరెక్ట్‌గా అవసరమయ్యే సమయానికి "స్టాక్ టిక్కెర్ " యంత్రం పాడయిపోయిందని ఆందోళన చెందుతుండగా , దారిన పోతున్న ఎడిసన్ అది చూసి దాన్ని నిముషాల మీద బాగుచేసాడట... దానికి ముగ్దుడయిన ఆ మేనేజెర్ వెంటనే ఎడిసన్ని చీఫ్ ఎలక్ట్రీషియన్ గా ఉద్యోగంలోకి తీసుకున్నాడు. ఆ క్షణాలే తన జీవితంలో అత్యంత మధురమయిన క్షణాలని ఎడిసన్ చేబుతువుండేవాడు... అలా ఒకవైపు ఉద్యోగం .. ఇంకోవైపు సమయం చిక్కినప్పుడు తన పరిశోదనల తో తీరికలేకుండా వున్నాడు. ఆ తరువాత మూడు సంవత్సరాలు ఎడిసన్ కి బాగా కలసి వచ్చాయి. 1874 లో కొన్ని పేటెంట్స్ హక్కులు అమ్మగా వచ్చిన డబ్బుతో న్యూ జెర్సీ లో ఒక టెస్టింగ్ అండ్ డెవలప్మెంట్ లాబ్ ని నెలకొల్పాడు.

ఎలెక్ట్రిక్ బల్బ్ :

ఎడిసన్ మరియు అలగ్జాండర్ గ్రహంబెల్ ఇద్దరూ సమాంతరంగా టెలిఫోన్ కోసం పరిశోధనలు కొనసాగించినా, ఆఖరికి మొట్టమొదటి ప్రాక్టికల్ టెలిఫోన్ రూపొందించిన ఘనత మరియు పేటెంట్ మాత్రం గ్రాహంబెల్ కి దక్కాయి. ఈ టెలిఫోన్ లో గ్రాహంబెల్ చేతిలో ఓటమికి బాగా నిరాశ చెందిన ఎడిసన్ అంతకన్నా విలువైనది కనిపెట్టాలని నిశ్చయించుకుని, అప్పటికే ఎందరో ప్రయత్నించి విఫలమయిన లైట్ బల్బ్ ని ఎంచుకున్నాడు. అయితే చాలామంది అనుకుంటున్నట్టు లైట్ బల్బ్ కాన్సెప్ట్‌ని ఎడిసన్ మొదటిసారి కనిపెట్టలేదు. విద్యుత్ నుండి కాంతి ఉత్పత్తి చేయవచ్చని 1800వ సంవత్సరంలో "Humphry Davy " అనే ఇంగ్లిష్ శాస్త్రవేత్త కనుగొన్నప్పటికీ, ప్రాక్టికల్‌గా ఎక్కువసేపు పనిచేసే బల్బ్‌ని తయారుచెయ్యడానికి ఇంకొక 60 సంవత్సరాలు వేచి చూడాల్సి వచ్చింది. 1860 లలో జోసెఫ్ స్వాన్ అనే ఇంగ్లిష్ శాస్త్రవేత్త తయారుచేసిన బల్బ్, అతనికి పేటెంట్ తెచ్చిపెట్టినప్పటికి , అతను డెవెలప్ చేసిన బల్బ్ జీవితకాలం చాలా తక్కువ. 1878 లో ఎడిసన్ మరియూ అతని టీం (అతను ఒంటరిగా ఈ ప్రయోగాలు చెయ్యలేదు) ఎక్కువ కాలం పనిచేసే బల్బ్ (ముఖ్యంగా దానిలోని ఫిలమింట్) కోసం తీవ్రంగా కృషి చేసి మొత్తానికి 1880 చివరలో 1500 గంటలపాటు పనిచేసి బల్బ్‌ని డెవెలప్ చేసారు. అయితే తన పేటెంట్ ని కాపీ కొట్టి , దాని ఇంప్రూవ్ చెయ్యడం వల్లే ఈ బల్బ్ తయారయ్యిందని జోసెఫ్ స్వాన్ కోర్టుకు వెళ్ళడంతో ఆ కేసులో ఓడిన ఎడిసన్ అతన్ని తన బిజినస్ పార్టనర్ గా తీసుకోవాల్సి వచ్చింది. ఎడిసన్ కనిపెట్టిన కాన్సెప్ట్ తీసుకుని దాన్ని డెవెలప్ చేసి గ్రాహంబెల్ టెలిఫోన్ కనిపెడితే.. జోసెఫ్ స్వాన్ బల్బ్ కాన్సెప్ట్ ని బాగా అభివృద్ధి చేసి ఎడిసన్ ఎలెక్ట్రిక్ బల్బ్‌ని కనిపెట్టాడు.

1887 లో పూర్తిస్తాయి రిసెర్చ్&డెవెలప్మెంట్ లాబ్‌ని న్యూ జెర్సీ లోని వెస్ట్ఆరెంజ్ లో నెలకొల్పడం ద్వారా ఎడిసన్‌కి ప్రపంచస్థాయి గుర్తింపు వచ్చింది. 1892వ సంవత్సరంలో ఎడిసన్ యొక్క "ఎడిసన్ ఎలెక్ట్రిక్ కంపెనీ", "థామస్ - హుస్టన్ కంపెనీ"తో పూర్తిగా విలీనమయ్యి "జనరల్ ఎలెక్ట్రిక్ (GE)" కంపెనీగా అవతరించింది. "Dow Jones Industrial Index" 1896 ఒరిజినల్ ఇండెక్స్‌లొ మరియూ ఈనాటి ఇండెక్స్‌లొ లిస్టు అయివున్న ఏకైక కంపెనీ ఇదే...ఇలా ఎడిసన్ పరిశోదనలు, వ్యాపారాలు.. మూడు పేటెంట్లు ఆరు ప్రయోగాలుగా సాగుతుండగా...

టెస్లా:

1891 వ సంవత్సరం బుడాపేస్ట్ నగరం :
ఆ నగరం లో ఎలెక్ట్రికల్ ఇంజనీరుగా పనిచేస్తున్నటెస్లా తన స్నేహితుడితో కలసి సాయంకాల వ్యాహ్యాళికి సెంట్రల్ పార్క్ కి వచ్చాడు. ఇద్దరూ కలసి కబుర్లు చెప్పుకుంటూ, ఎలెక్ట్రికల్ ఇంజనీరింగ్ లో జరుగుతున్న పరిశోధనల గురించి చర్చించుకుంటూ నడుస్తున్నారు. ఇంతలో ఏదో చెబుతూ నడుస్తున్న టెస్లా అఖస్మాత్తుగా ఆగిపోయాడు. ఏమయిందా కంగారుపడ్డ అతని స్నేహితుడు టెస్లాని పార్క్ బెంచ్ మీద కూర్చోపెడుతుండగా ... టెస్లా పక్కన పడివున్న పుల్ల ఒకటి తీసుకుని ..కింద వున్న ఇసుకలో ఒక బొమ్మ గీస్తూ ...స్నేహితుడికి ఆ గీసిన బొమ్మ వున్న మోడల్ ఏలా పనిచేస్తుందో వివరించాడు. అదే బొమ్మ ఆరేళ్ళ తరువాత అమెరికన్ ఇన్స్టిట్యూట్ అఫ్ ఎలక్ట్రికల్ ఇంజనీర్స్ సమావేశంలో టెస్లా చూపించిన విప్లవాత్మక ఇండక్షన్ మోటార్ (induction motor) యొక్క డిజైన్.

1882 లో బుడాపెస్ట్ నుండి ప్యారిస్ కి చేరిన టెస్లా అక్కడ ఎడిసన్ యొక్క యూరోప్ బ్రాంచ్ "Continental Edison Company " లో ఇంజనీర్‌గా ఉద్యోగంలో చేరాడు. అక్కడ అతని పని ఏమిటంటే ... ఎడిసన్ యొక్క ఐడియాలు తీసుకుని, అతను అమెరికాలో రూపొందించిన విద్యుత్ ఉపకరణాలు యూరోప్ విపణికి అనుగుణంగా మార్చడం. అక్కడ పనిచేసే సమయంలోనే తన ఇండక్షన్ మోటార్‌ని బౌతికంగా నిర్మించి విజయవంతంగా పరీక్షించి చూసాడు. అయితే తను రూపొందించిన ఈ ఉపకరణం గురించి యూరొప్‌లొ ఎవరూ ఆసక్తి చూపించకపోవడంతో అమెరికాకి వలస వెళ్ళాలని నిర్ణయించుకున్నాడు. జేబులో కొన్ని చిల్లర నాణాలు మరియు అతని యజమాని ఇచ్చిన సిఫార్సు పత్రం తో 1884వ సంవత్సరంలో అమెరికాలో అడుగుపెట్టాడు. అతని యజమాని మరియు ఎడిసన్ యొక్క యూరోప్ వ్యాపార భాగస్వామి ఆయిన చార్లెస్ బాచిలర్, టెస్లాని ఉద్యోగం లోకి తీసుకోమని ఎడిసన్ కి సిఫార్స్ చేస్తూ ఇలా రాసాడు ...

"I know two great men and you are one of them; the other is this young man"

ఎడిసన్ వెంటనే టెస్లాని తన "Edison Machine Works " శాఖలో ఎలక్ట్రికల్ ఇంజనీరుగా ఉద్యోగం లోకి తీసుకున్నాడు. అలా ఒక సాధారణ ఇంజనీర్‌గా ఎడిసన్ కంపెనీలో ఉద్యోగం ప్రారంభించిన టెస్లా ఆనతి కాలం లోనే ఆ కంపెనీలో ఎప్పటినుండో వున్న కొన్ని సంక్లిస్టమయిన డిజైన్ సమస్యలను కూడా పరిష్కరించాడు.

అలా ఎక్కడో అమెరికాలోని మిడ్ వెస్ట్ లో పుట్టిన ఎడిసన్ మరియు యూరొప్ లొని మారుమూల గ్రామం లొ పుట్టిన టెస్లా న్యూయార్క్ లో కలసి పని చెయ్యడం మొదలు పెట్టారు.

AC vs DC : Struggle starts . . .

అలా కలసి పనిచేస్తున్న వీళ్ళిద్దరికీ మనస్పర్ధలు రావడానికి మొదటి కారణం... ఎడిసన్ తన వినియోగదారులకి సరఫరా చేస్తున్న డి.సి. (Direct Current) విద్యుత్ వ్యవస్థ కన్నా తను అభివృద్ధి పరిచిన ఎ.సి. (Alternating Current) విద్యుత్ వ్యవస్థ మెరుగైనది అని టెస్లా వాదించడం. ఎడిసన్ దగ్గర ఉద్యోగంలో చేరిన కొత్తలో ఒకసారి టెస్లా ఎ.సి. విద్యుత్ పని చేసే విధానం, దాని యొక్క అదనపు ప్రయోజనాలు గురించి ఏకదాటిగా వివరించాక, ఎడిసన్ "ఇదంతా వినడానికి బాగానే వుంటుంది కానీ ఆచరణయోగ్యం కాదు" అని తీసిపారేసాడట.

ఎడిసన్‌ ఎ.సి. విద్యుత్‌ని వ్యతిరేకించడానికి ముఖ్యకారణాలు చెప్పుకోవాలంటే ...

తను ఎంతో కస్టపడి సంపాదించిన డి.సి. విద్యుత్‌కి సంబందించిన పేటెంట్లు ఇక పనిరాకుండా పోయే ఆవకాశం వుండటం వల్ల...
అప్పటికే డి.సి. విద్యుత్ సరఫరాకి సంభందించి తను సమకూర్చుకున్న ఇన్ఫ్రాస్ట్రక్చర్ వృదా అవుతుంది అని..
అప్పటికే టెస్లా ఎ.సి. విద్యుత్ వ్యవస్థ రంగంలో పరిశోధనలు చేసి పేటెంట్లు కలిగివున్నాడు కాబట్టి ఎ.సి. విద్యుత్ వాడాలంటే అతనికి రాయల్టీ చెల్లించాల్సివస్తుంది అని..
అన్నిటికన్నా ముఖ్యమయినది.... డి.సి. విద్యుత్‌తొ పోలిస్తే ఎ.సి. విద్యుత్‌ని అర్ధం చేసుకోవడానికి మరియు విశ్లేషించడానికి చాలా గణిత పరిజ్ఞానం కావాలి. ఉదాహరణకి ఈ కింద ఫోటోలు చూద్దాం.

మొదటి ఫోటోలో డి.సి. విద్యుత్‌కి సంబందించిన నాలుగు ప్రాధమిక విద్యుత్ సమీకరణాలు వున్నాయి (కూడికలు, గుణింతాలు లాంటివి). అవే నాలుగు ప్రాధమిక విద్యుత్ సమీకరణాలు ఎ.సి. విద్యుత్ వ్యవస్థలో ఎలా ఉంటాయో రెండు మరియు మూడవ ఫోటోలలో చూడండి. ఈ సమీకరణాలను బట్టి డి.సి. తో పోల్చిచూస్తే ఎ.సి. ని విశ్లేషించడానికి ఎంత గణిత పరిజ్ఞానం కావాలో మనకో ఐడియా వచ్చింది కదా. అలాగే ఈ ప్రాధమిక సమీకరణాలే ఇలా ఉంటే ఇక అడ్వాన్స్డ్ సమీకరణాలు ఇంకెంత పెద్దగా, క్లిష్టంగా ఉంటాయో కూడా అంచనా వేయొచ్చు. అసలే గణితంలో తక్కువ పరిజ్ఞానం వున్న ఎడిసన్‌ సహజంగానే ఈ పెద్ద పెద్ద సమీకరణాలు చూసి ఎ.సి. విద్యుత్ మీద పరిశోధన చెయ్యడానికి అంత ఇష్టపడలేదు మరియు టెస్లా ఎన్నోసార్లు ఎ.సి. విద్యుత్ గురించి చెప్పాలని ప్రయత్నించినా ఎడిసన్ పట్టించుకోలేదు.

అయితే వారిద్దరూ విడిపోవడానికి ఇంకో బలమయిన కారణం వుంది...ఒకసారి ఎడిసన్ తన డైనమో (డి.సి. జనరేటర్) డిజైన్ని మెరుగుపరిస్తే 50000 డాలర్లు బహుమతి ఇస్తానని టెస్లా కి ఒక ఆఫర్ ఇచ్చాడు. అప్పటి టెస్లా జీతం ప్రకారం లెక్క కడితే ఆ మొత్తం టెస్లాకి 53 సంవత్సరాల జీతంతో సమానం. ఒక సంవత్సర కాలం పాటు కస్టపడి ఆ డిజైన్ని ఎడిసన్ చెప్పినదానికన్నా ఎక్కువ అభివృద్ధి పరిచినా, టెస్లాకి ఇస్తానన్నబహుమతి డబ్బుఇవ్వలేదు... కొన్నాళ్ళు ఎదురు చూసాక , ఇక లాభం లేదని ఒకరోజు వెళ్లి తనకిస్తానన్న డబ్బు గురించి అడిగాడట... అప్పుడు ఎడిసన్
"టెస్లా ... నీకు అమెరికన్ హాస్యం అర్ధం కాదనుకుంటా.. డబ్బులిస్తాని సరదాగా ఆంటే అదే నిజం అనుకున్నావా" అని జోకులేసి పంపెసాడట... అలా మోసం చేసి డబ్బులు ఎగ్గొట్టిన ఎడిసన్ మీద టెస్లాకి కోపం వచ్చి , ఎడిసన్ దగ్గర ఉద్యోగానికి వెంటనే రాజీనామా చేసెసాడు...

అలా ఎడిసన్ నుండి విడిపోయి బయటకు వచ్చిన టెస్లా తరువాత ఏమి చేసాడు... ఎడిసన్ -టెస్లా మద్య జరిగిన కరెంటు యుద్దాలు... వాటిలో చివరకి ఎవరు విజయం సాధించారు ......అన్నీ ఆఖరుబాగం లో ....
(సశేషం)

- మంచు

నా అభిమాన శాస్త్రజ్ఞులు - 2/4

2010-10-21T00:38:00.002-04:00

*** శ్రీ రామ ***

చాన్నాళ్ళకి మళ్ళీ .... పార్ట్ -1కి పార్ట్-2 కి చాలా గ్యాప్ వచ్చింది. సారీ.. వీలుంటే పార్ట్-1 ఒకసారి చదువుతే కంటిన్యుషన్ బావుంటుంది :-))

PART-2

టెస్లా, ఎడిసన్.... ఈ మహాశాస్త్రజ్ఞులు ఇద్దరూ పరిశోధనలు చేసింది ఇంచుమించు ఒకే రంగం లో అయినా, వారు అవలంబించిన మార్గాలలో మాత్రం ఇద్దరికీ చాలా వ్యత్యాసం వుంది. టెస్లా ఏ సమస్యకయినా మొదట గణితసంబంధమయిన విశ్లేషణలు చెయ్యడానికే ఎక్కువ మొగ్గు చూపితే , ఎడిసన్ మాత్రం తను చేసిన ప్రయోగాల తాలూకు పరీక్షాఫలితాలమీదే ఎక్కువ ఆధారపడేవాడు. పరిశోధనా పద్దతులగురించి వారి అభిప్రాయాలు వాళ్ళ మాటల్లోనే ....

ఎడిసన్ తరచూ చెప్పేది "I accept almost nothing dealing with electricity without thoroughly testing it first "

టెస్లా అభిప్రాయం ...." I do not rush into actual work. When I get an idea, I start at once building it up in my imagination. I change the construction, make improvements and operate the device in my mind. It is absolutely immaterial to me whether I run my turbine in thought or test it in my shop. The carrying out into practice of a crude idea as is nothing but a waste of energy, money, and time."

అసలు వారిద్దరూ ఆయా మార్గాలు ఎందుకు ఎంచుకున్నారో తెలుసుకునేందుకు వాళ్ళ కుటుంబనేపధ్యం , బాల్యం ఒకసారి పరిశీలిద్దాం.

పార్ట్ -1: బాల్యం

ఎడిసన్

1847 ఫిబ్రవరి 11న , అమెరికా లోని ఒహాయో రాష్ట్రం లో వున్న మిలన్ అనే గ్రామంలో 'శామ్యూల్ ఒగ్డెన్ ఎడిసన్' మరియూ 'నాన్సీ మేథ్యుస్ ఇలియట్' అనే మధ్యతరగతి దంపతులకు ఏడవ సంతానంగా జన్మించాడు 'థామస్ ఆల్వా ఎడిసన్'. 1854లో అతని కుటుంబం మిలన్ నుండి మిషిగన్ లోని పోర్ట్ హ్యురోన్ అనే పట్టణానికి మకాం మార్చారు. అతనికి ఏడేళ్ళ వయసొచ్చేసరికి స్కూల్లో చేరాడు. తోటి పిల్లలతో పోల్చి చూస్తే అతని నుదురు అసాధారణంమైన వెడల్పుతో ఉన్నట్టే లోపలున్న బుర్ర కూడా చాలా పెద్దదే. బళ్ళో చేరిన మూడు నెలల్లోనే ఈ బుల్లి ఎడిసన్ సందేహాలకి, నిరంతరంగా అడిగే ప్రశ్నలకి విసుగొచ్చిన వాళ్ళ టీచర్ ఎడిసన్ ని "తలతిక్క పిల్లోడు" అని పిలవడం మొదలు పెట్టింది. స్కూల్లో ఎడిసన్ ప్రవర్తన , అతని టీచర్ సహనం కోల్పోయి ఎదోవోకటి అనడం చూసి ఇక ఈ చదువు సాగేట్టులేదని తల్లి నాన్సీ ఎడిసన్ ని స్కూల్ మాన్పించేయ్యాల్సి వచ్చింది. అయితే ఏ విషయాన్నయినా ఎడిసన్ అర్ధం చేసుకోవడానికి ప్రయత్నించే తెలివితేటలు, ప్రశ్నించే తీరు చూసి తన కొడుకు మంచిమేధావి అవుతాడనే బాగా నమ్మకం ఉండేదట ఆ తల్లికి . ఎడిసన్ స్కూల్ చదువు అధికారికంగా అక్కడితో ఆగిపోవడంతో నాన్సీ చదువుచెప్పే బాధ్యత తీసుకుని కొడుకుకి ఇంట్లోనే చదువు చెప్పడం ఆరంభించిది . ఎడిసన్ పెద్దయ్యాక ఒక సందర్భం లో తన తల్లిని గుర్తు చేసుకుంటూ ఇలా చెప్పాడట...

"Mymother was the making of me. She was sotrue, so sure of me; and I felt I had something to live for, someone I must notdisappoint ."

చిన్నప్పుడు అతనికి ప్రపంచచరిత్ర , ఇంగ్లిష్ సాహిత్యం సబ్జేక్ట్లంటే మక్కువ. ఒకానొక సమయంలో షేక్స్పియర్ నాటకాలు/రూపకాలుచే విశేషంగా ఆకర్షింపబడి నటుడవ్వాలని నిశ్చయించుకున్నాడట. కానీ అతనికి జనాలముందు మాట్లాడటానికి చాలా మొహమాటం అవడం వల్ల నటుడవ్వాలన్న కోరిక అక్కడే ఆగిపోయింది. అతనికి పదకొండు సంవత్సరాలు వయస్సు వచ్చేసరికి అతనిలోని జ్ఞానపిపాసని సంతృప్తి పరచడానికి అతని తల్లితండ్రులు స్థానిక గ్రంధాలయంలో వున్న వనరుల్ని ఏలా ఉపయోగించుకోవాలో ఎడిసన్ కి నేర్పించారు. అంతే గ్రంధాలయం లో కనిపించిన ప్రతిపుస్తకం చదవడం మొదలు పెట్టాడుట .. అందులో ఎక్కువగా సైన్సు పుస్తకాలు. అతను ఎక్కువ చదివే కొద్ది అతని సందేహాలు తీర్చడం అతని తల్లితండ్రులకి మరింత కష్టంగా మారింది. ఆ సైన్సు పుస్తకాలలో వున్న క్లిష్టమయిన బాష, గణితసమీకరణాలు అర్ధం కాక....ఎందుకిలా సామాన్యమానవుడికి అర్ధంకాని బాషలో ఈ పుస్తకాలు రాసారని ఎడిసన్ ఎప్పుడూ అనుకునేవాడట.. క్రమంగా అతనికి ఈ క్లిష్టమయిన సాంకేతిక బాష అన్నా, సమీకరణాలు అన్నా అయిష్టం కలగసాగింది. అలా అని కాన్సెప్ట్ ని వదిలెయ్యలేదు. అవే విషయాలు తనదైన శైలిలో విశ్లేషించుకుంటూ , అర్ధం చేసుకోవడానికి రకరకాల సొంత ప్రయోగాలు చెయ్యడం మొదలు పెట్టాడు. అతను అనాలసిస్ కన్నా ప్రయోగాలకే ఎక్కువ ప్రాముఖ్యత ఇవ్వడం అప్పటినుండి మొదలయ్యింది. ఎడిసన్ కి వున్న ఇంకో సమస్య ఏమిటంటే ..అతని వినికిడి సమస్య. ఈ వినికిడి సమస్య , మూడునెలల అతి తక్కువ స్కూలింగ్ అతనికి పై చదువులు చదవడానికి అడ్డంకిగా మారినా, ఎడిసన్ మాత్రం సొంతంగా చదవడం కొనసాగించాడు. ఎవరూ వివరంగా చెప్పేవారు లేకపోవడం తో అన్ని తనకు తానుగా నేర్చుకుంటూ, అర్ధం చేసుకోవడానికి అవసరమయిన ప్రయోగాలు చేస్తూ వుండటం వల్ల క్రమంగా అతనికి ఎంతో ఓర్పు సహనం, శ్రమించేతత్త్వం బాగా అలవాటు అయ్యింది. అతని ఏకాగ్రత, తెలివితేటలు, ఆలోచించే విధానంలో వైవిధ్యత , నైపుణ్యం , అద్భుతమయిన జ్ఞాపకశక్తి, అంతులేని సహనం ఇవన్నీ అతను ఒక గొప్ప సైంటిస్ట్ గా రూపొందడం లో తోడ్పడ్డాయి.

అతనికి పన్నెండు సంవత్సరాల వయస్సు వచ్చేసరికే కుటుంబాన్ని పోషించడానికి ట్రైన్ లో న్యూస్ పేపర్లు, తినుబండారాలు అమ్ముతూ సంపాదించడం మొదలుపెట్టాడు. అతనికి పద్నాలుగో ఏడు వచ్చేసరికి ౩౦౦ మంది సర్క్యులేషన్ గల ఒక చిన్న పత్రికను ప్రచురించే స్థాయికి చేరుకున్నాడు. అతని పత్రిక వల్ల కొంత ఆదాయం మిగులుతుండడంతో ఎడిసన్ మనసు మళ్లీ సైన్సు మీదకి మళ్ళింది... ఆ మిగులు ఆదాయంతో కొన్ని పరికరాలు కొని ఒక చిన్న రసాయన ప్రయోగశాల ఆరంభించాడు. మొదట్లో ఈ ప్రయోగశాల ఇంట్లోనే మొదలు పెట్టినా తరువాత తను పేపర్లు అమ్మే రైలు లో తనకున్న చిన్న లాకర్ రూం కి మార్చాడు. అయితే కొన్నాళ్ళకి ఆ రైలు లో అగ్ని ప్రమాదం జరగడం తో , ఈ రసాయనాల వల్లే ఆ అగ్ని ప్రమాదం జరిగిందని అనుమానించిన ఆ ట్రైన్ కండక్టర్ ఎడిసన్ ని చాచి పెట్టి గూబ మీద కొట్టాడుట. అంతకు ముందు తనకు చెవిటితనం లేదని .. అప్పుడు కండక్టర్ కొట్టడం ... తక్కువ ఎత్తులోఉండే ప్లాట్ఫాం నుండి ట్రైన్ లోకి చెవులు పట్టుకు లాగడం వల్లే తనకి వినికిడి సమస్య వచ్చింది అని ఆ తరువాత ఎడిసన్ ఒక సమయం లో చెప్పారట. తనకు వినికిడి శక్తి కోల్పోయినందుకు ఎడిసన్ ఎప్పుడూ అంత ఫీల్ అవ్వలేదు కానీ ఒకానొక సమయం లో పక్షుల పాటలు వినడం మిస్ అవుతున్నా అనుకునేవారట. (పక్షులంటే ఎడిసన్ కి చాలా ఇష్టం) . మొత్తం మీద ఆ అగ్నిప్రమాదం వల్ల ఎడిసన్ ని మళ్లీ ట్రైన్ ఎక్కనివ్వలేదట ...

అలా వుండగా ఒక రోజు... ఆ స్టేషన్ మాస్టర్ కొడుకు ఎదురుగా వస్తున్న రైలుని గమనించకుండా రైలుపట్టాలమీద ఆడుకుంటూ ఉండగా ఎడిసన్ చూసి వెంటనే హీరోలా రంగం లోకి దిగి ఆ కుర్రాడిని కాపాడాడు. దానికి ఎంతో సంతోషపడిన ఆ స్టేషన్ మాస్టారు ... తన కొడుకుని కాపాడినందుకు బహుమతిగా ఏమి కావాలో కోరుకోమంటే , అప్పుడు ఎడిసన్ అప్పట్లో రైల్వే కమ్యూనికేషన్ లో వాడే "మోర్స్ కోడ్ "ని నేర్పమని అడిగాడట. అతని కోరికను మన్నించి ఆ స్టేషన్ మాస్టారు పద్నాలుగేళ్ళ ఎడిసన్ కి ఆ "మోర్స్ కోడ్" నేర్పడమే అతని జీవితం లో పెద్ద మలుపు.

టెస్లా

1856, జూలై 10న, ఇప్పటి క్రొయేషియా లోని Smiljan అనే గ్రామం లో సెర్బియన్ మతగురువు ఆయిన Milutin Tesla మరియు Djuka Mandic దంపతులకు నాలుగవ సంతానంగా జన్మించాడు టెస్లా. టెస్లా కి ముగ్గురు అక్క చెల్లెళ్ళు , ఒక ఆన్న ... కానీ టెస్లా చిన్నతనంలోనే అతని ఆన్న ఒక ప్రమాదంలో మరణించాడు (తన అన్న కూడా తనలాగే చాలా తెలివైనవాడు అని టెస్లా చెప్పేవాడట.. అదే నిజమయితే మనం ఒక గొప్ప శాస్త్రజ్నుడిని కోల్పోయినట్టే) . ఎడిసన్ లానే టెస్లా మీద తన తల్లి ప్రభావం చాలా ఎక్కువ. అతని తల్లి కూడా ఒక చిన్నపాటి శాస్త్రవేత్తే. ఆవిడ గృహ, వ్యవసాయ సంబంధమయిన అవసరాలకి కావలసిన కొత్త కొత్త పనిముట్లు కనిపెట్టేదట . ఆవిడ టెస్లా యొక్క అసాధారణ తెలివితేటలు గ్రహించి , అతన్ని శాస్త్రవేత్తగా తీర్చిదిద్దడానికి చిన్నప్పటినుండే శిక్షణ ఇవ్వడం ప్రారంభించినది. ఆ శిక్షణలో ఎక్కువగా లెక్కలను , పజిల్స్ లను మనస్సులోనే సాధించి సమాధానం చెప్పడం, పెద్ద పెద్ద వ్యాక్యాలను గుర్తువుంచుకొని మళ్లీ అప్పచెప్పడం, ఎదుటివాళ్ళ ఆలోచనలను గెస్ చెయ్యడం లాంటివి ఉండేవి. అలాంటి మహాతల్లి శిక్షణ లో రాటుదేలినందువల్లే , తన కెరీర్ లో ఎన్నో క్లిష్టమయిన సాంకేతిక సమస్యలను తన ఊహలలోనే సాధించగలిగే సామర్ధ్యం తనకు వచ్చిందని టెస్లా బలంగా నమ్మేవాడు. దానికి తోడూ అతనిది అద్భుతమయిన జ్ఞాపకశక్తి. అయితే అతనికి చిన్నప్పుడు కళ్ళుమూసుకుంటే ఎక్కువ కాంతి మెరుపులు (ఫ్లాష్ ) తో కూడిన కొన్ని వస్తువుల ఆకారాలు కనిపించి నిద్రలేకుండా చేసేవట. వాటిని తప్పించుకోవడానికి అతను తనకు తెలిసిన, చూసిన వస్తువులు ఊహించుకోవడం మొదలుపెట్టగానే ఆ కాంతి.. మెరుపులు మాయం అయ్యేవి. ప్రతిరోజూ రాత్రి ఈ మెరుపులు తప్పించుకోవడానికి, తనకు తెలిసిన విషయాలు , వస్తువులు ఊహించుకుంటూ, వాటిగురించి ఆలోచిస్తూ గడపడం కూడా అతని విశేషమయిన ఊహా శక్తి కి కారణమయింది.

టెస్లా ఇష్టాఇష్టాలు కొంచం బిన్నంగా ఉండేవి. ఎడిసన్ కి పక్షులంటే ఇష్టం వున్నట్టు టెస్లా కి మౌంటైన్స్, అక్కడ వీచే స్వచ్చమయిన గాలి ఆంటే ఇష్టం. ( కొలరాడో స్ప్రింగ్స్ లో తన ల్యాబ్ పెట్టుకోవడానికి అది కూడా ఒక కారణం అయ్యి వుండొచ్చు). ముత్యాల ఆభరణాలు చూసినా, ఆడవాళ్ళ చెవిరింగులు చూసినా విపరీతమయిన అయిష్టం. పీచ్ పండుని చూస్తే అలర్జీ. ఎవరిదయినా జుట్టు ముట్టుకోవాలంటే అసలు ఇష్టం వుండేది కాదు. అలాగే ఒకానొక టైం లో విపరీతంగా సిగేరెట్లు తాగడం వల్ల అతని ఆరోగ్యం దెబ్బతినడం తో ఇక మళ్లీ ఎప్పుడూ సిగరెట్ తాగకూడదు అని గట్టిగా నిర్ణయించుకున్నాడు .దానితోపాటు కాఫీ , టీ లాంటివి కూడా మానేసి ఆరోగ్యం పట్ల చాలా శ్రద్దగా ఉండేవాడు. ఇలాంటి చెడు అలవాట్లు (??) మానేసినందు వల్లే వృద్దాప్యం లో కూడా తన బ్రెయిన్ చాలా చురుకుగా పనిచేసేదని చెప్పేవాడట. ముందు టపాలో చెప్పినట్టు అతను 30 సంవత్సరాలు పాటు అతని బరువు ఖచ్చితంగా 69 కేజీలు వుండేలా మైంటైన్ చేసాడట. (ఒకసారి టెస్లా, ఎడిసన్, మిగతా ఫ్రెండ్స్ తో వుండగా... బరువు విషయమై ఏదో డిస్కషన్ వచ్చి , ఎడిసన్ టెస్లా బరువు 69 కేజీలు ఉండొచ్చని ఊహించి చెప్పాడట... ఎడిసన్ అంత ఖచ్చితంగా ఎలా చెప్పాడో టెస్లా కి చాలా ఆశ్చర్యం వేసిందట).

1862 టెస్లా కుటుంబం గాస్పిక్ కి మకాం మారాక అక్కడే హైస్కూల్ చదువు ముగించాడు. ఆ తరువాత 1875 లో Graz లోని ఎలెక్త్రికల్ ఇంజినీరింగ్ చదివాడు. ఆ తరువాత 1878 లో తన కుటుంబాన్ని వదిలేసి చిన్న చితక ఉద్యోగాలు చేసి 1880 నాటికి బుడాపెస్ట్ చేరుకొని అక్కడి నేషనల్ టెలిగ్రాఫ్ కంపెనీలో ఎలెక్త్రికల్ ఇంజినీర్ గా చేరాడు.

.............

అలా అందరిలా పాఠశాలకెళ్ళి చదువు కోలేకపోయినా, వినికిడి శక్తి కోల్పోవడం వల్ల ఎన్నో అవకాశాలు పోగొట్టుకున్నా, తను చదివే సైన్సు విషయాలు అర్ధం అయ్యేలా చెప్పేవారు ఎవరూ లేకపోయినా.... కన్నతల్లి ప్రోత్సాహం, అంతులేని జ్ఞాన పిపాస, ఎంతో ఓర్పు సహనం వల్ల ఎడిసన్ మహా శాస్త్రజ్ఞుడి గా ఎదిగితే ...

దేవుడిచ్చిన అపారమయిన జ్ఞాపకశక్తి మరియు తెలివితేటలకు ... అమ్మ ఇచ్చిన కఠొరశిక్షణ కూడా తోడవడం తో టెస్లా మహామేధావి గా రూపుదిద్దుకున్నాడు ...

ఇక వాళ్ల ఉద్యోగాలు తరువాతి టపాలోను , దాంట్లో ఇద్దరి మధ్య గొడవలు, కరెంటు యుద్దాలు గురించి ఆ పై టపాలో .....

-మంచు

అభినందనలు.... శుభాకాంక్షలు

2010-08-21T15:01:00.001-04:00

*** శ్రీ రామా ***

పవన్ కి,

క్రిందటి వారంలో జరిగిన ఎన్నికలలో అత్యధిక మెజారిటితో గెలిచి తమ గ్రామ సర్పంచ్ గా ఎన్నికయిన మా ప్రియతమ మిత్రుడు, ఆత్మీయుడు కత పవన్ కుమార్ నాయుడికి అభినందనలు. చిన్నవయస్సులో తనకి అందివచ్చిన ఈ అవకాశాన్ని సద్వినియోగపరుచుకుంటూ తన గ్రామాన్ని ఆదర్శగ్రామంగా తీర్చిదిద్దాలన్న తన ఆశయాన్ని నెరవేరేలా ఆ భగవంతుడు పవన్ కి సంపూర్ణ ఆయురారొగ్యాలు ప్రసాదించాలని కోరుకుంటున్నాను. భవిషత్తులో మరిన్ని విజయాలు సాదించి ఎన్నో ఉన్నత శిఖరాలను అధిరోహించాలని మనస్పూర్తిగా కోరుకుంటూ ........................

మధురవాణి గారికి

అలరించే టపాలు, అద్భుతమయిన ఫోటోలు, మధురమయిన భావాలు, చిలిపి జ్ఞాపకాలు, ఆటపట్టించే కామెంట్లు, చిన్న పెద్ద తేడా లేకుండా అందరి బ్లాగర్లకు అందించే ప్రోత్సాహం .... వెరసి మధురవాణి.

తన రిసెర్చ్ , పాటలు, సాహిత్యం, క్రీడలు, ఫోటోగ్రఫి... అసలు తనకి తెలీని సబ్జెక్ట్ , తనకి ప్రవేశం లేని కళ ఎముంటుందా అని అప్పుడప్పుడు ఆశర్యం కలుగుతుంది.

ఎవరి బ్లాగుకి ఎక్కువమంది ఫాలోవర్స్ తో రికార్డ్ వుందో తెలీదు కానీ , ఏ బ్లాగర్ కి ఎక్కువ బ్లాగులు ఫాలో అవడంలో రికార్డ్ వుందో మాత్రం తెలుసు... అది మన మేడం గారే :-))

మన మిస్ పనిమంతురాలు ఈ రోజు (ఆగస్ట్ 22) పెళ్లికూతురవుతున్న సందర్భంగా తనకి వివాహ మహోత్సవ శుభాకాంక్షలు. భగవంతుని ఆశీస్సులతో వారి వైవాహిక జీవితం సుఖ శాంతులతో ఆనందంగా సాగాలని మనసారా కోరుకుంటూ .......

- మంచు